Óli Hall­dórs­son hefur af per­sónu­legum ástæðum ákveðið að víkja frá áformum sínum um að leiða fram­boð Vinstri­hreyf­ing­ar­innar – græns fram­boðs í Norð­aust­ur­kjör­dæmi í kom­andi Alþing­is­kosn­ing­um. Óli greinir frá þessu á Face­book-­síðu sinni. Hann tók þessa ákvörðun vegna alvar­legra veik­inda eig­in­konu sinn­ar.

„Al­var­leg veik­indi hafa komið upp hjá eig­in­konu minni, sem haft hafa í för með sér ófyr­ir­séðar áskor­an­ir. Í for­ystu­hlut­verk í póli­tík lands­mála fer maður ekki til smárra verka eða af hálfum hug. Ég tek því umboði sem mér var veitt í for­vali VG af mik­illi auð­mýkt og virð­ingu en óska vin­sam­leg­ast eftir því að mínum aðstæðum verði sýndur skiln­ing­ur. Með bjart­sýni á batn­andi heilsu og jafn­vægi fjöl­skyldu minnar með tím­anum mun ég von­andi hafa aðstæður til vax­andi þátt­töku fyrir VG á ný,“ skrifar Óli á Face­book síðu sinni.

Stjórn kjör­dæm­is­ráðs hefur gert til­lögu að breyt­ingu á röðun á lista flokks­ins í kjör­dæm­inu. Hún gerir ráð fyrir að Óli muni skipa þriðja sæti list­ans. Bjarkey Olsen Gunn­ars­dóttir og Jódís Skúla­dóttir myndu því fær­ast upp um eitt sæti. Bjarkey myndi því leiða list­ann og Jódís yrði í öðru sæti hans. Bjarkey Olsen hefur setið á þingi fyrir flokk­inn síðan árið 2013 og er þing­flokks­for­maður hans. Jódís er sveit­ar­stjórn­ar­full­trúi í Múla­þingi og per­sónu­vernd­ar­full­trúi hjá Aust­ur­brú.

Breyt­ing­ar­til­lagan verður lögð fyrir fund í kjör­dæm­is­ráði fyrir helgi, segir í til­kynn­ingu frá flokknum.