Fjórðungur smitaðra óbólusettur

Að minnsta kosti 255 óbólusettir einstaklingar hafa greinst með kórónuveiruna hér á landi á þremur vikum. Tæplega 750 smit, um 72 prósent, eru hjá fullbólusettum.

Um 85 prósent Íslendinga sextán ára og eldri eru bólusett
Um 85 prósent Íslendinga sextán ára og eldri eru bólusett
Auglýsing

Það sem af er júlí hafa að minnsta kosti 1.059 inn­an­lands­smit greinst. Fjóra daga í röð hafa vel yfir 100 hund­rað smit greinst á hverjum sól­ar­hring. Mestur var fjöld­inn, miðað við upp­færðar tölur á COVID.is í fyrra­dag, er 129 manns reynd­ust smit­aðir af veirunni. Aldrei hafa fleiri greinst á einum degi frá upp­hafi far­ald­urs.

Að minnsta kosti 255 óbólu­settir ein­stak­lingar hafa greinst með kór­ónu­veiruna hér á landi á þremur vik­um. Óbólu­settir eru fjórð­ungur allra sem greinst hafa frá 9. júlí. Tæp­lega 750 smita, um 72 pró­sent, eru hjá full­bólu­sett­um.

Auglýsing

Í gær voru smitin að minnsta kosti 112 en miðað við reynslu síð­ustu sól­ar­hringa gæti sú tala átt eftir að hækka þar sem tafir hafa verið á grein­ingu sýna og úrvinnslu upp­lýs­ing­anna. Yfir 4.300 sýni voru tekin inn­an­lands í gær og var hlut­fall jákvæðra ein­kenna­sýna tæp 3,4 pró­sent.

Á einni viku hafa átta greinst með veiruna á landa­mær­un­um, þar af sjö óbólu­sett­ir.

Þriðj­ungur nýgreindra óbólu­settur

Ef síð­ustu fjórir sól­ar­hringar eru skoð­aðir með til­liti til hvort inn­an­lands­smitin hafi verið hjá bólu­settum eða óbólu­settum kemur í ljós að hlut­fall óbólu­settra var hæst í gær, fimmtu­dag. Af þeim 112 sem að minnsta kosti greindust með COVID-19 voru 35 óbólu­settir eða þriðj­ung­ur. Á mið­viku­dag var hlut­fall óbólu­settra meðal nýgreindra um 27 pró­sent.

Ein stærsta breyt­ingin sem orðið hefur í bylgj­unni sem nú gengur yfir og þeim fyrri er hversu fáir eru í sótt­kví við grein­ingu. Alla daga frá 14. júlí hefur innan við helm­ingur greindra verið í sótt­kví og suma dag­ana mik­ill minni­hluti. Veiran hefur einnig greinst í öllum lands­hlut­um, þótt smitin séu lang­fæst á Aust­ur­landi, á Vest­fjörðum og á Norð­ur­landi vestra.

Um 85 pró­sent Íslend­inga sextán ára og eldri eru bólu­sett. Miðað við íbúa­fjölda á land­inu í byrjun árs eru rétt tæp 70 pró­sent allra lands­manna bólu­sett. Það þýðir einnig að um 30 pró­sent, eða um 114 þús­und manns eru það ekki. Fjöl­menn­asti hóp­ur­inn er vit­an­lega börn enda mæla íslensk sótt­varna­yf­ir­völd enn sem komið er aðeins með bólu­setn­ingu 16 ára og eldri. Það kann að breyt­ast á næst­unni og lík­legt þykir að mælt verði með bólu­setn­ingu barna á aldr­inum 12-15 ára. Tæp­lega 10 pró­sent þess ald­urs­hóps er þegar full­bólu­sett­ur.

Flest smitin í þess­ari fjórðu bylgju far­ald­urs­ins hafa greinst hjá fólki á aldr­inum 18-29 ára. Um 40 pró­sent allra sem eru í ein­angrun núna eru á þeim aldri. Að minnsta kosti 105 eru yfir sex­tugu og 132 börn yngri en sautján ára.

Í gær lágu tíu manns á Land­spít­al­anum með COVID-19 sjúk­dóm­inn. Tveir voru á gjör­gæslu, báðir óbólu­sett­ir.

Alma Möller landlæknir. Mynd: Lögreglan

Alma Möller land­læknir ítrek­aði á upp­lýs­inga­fundi í gær að rann­sóknir sýndu að bólu­setn­ing dragi „sem betur fer“ mikið úr veik­indum og því „al­veg ljóst“ að staðan væri mun alvar­legri ef ekki væri vegna bólu­setn­inga.

„Við erum öll búin að leggja mikið á okkur og árangur hefur verið góður og þess vegna viljum við ekki hætta á neitt og biðjum fólk að fara var­lega, virða óviss­una þannig að við missum ekki þennan góða árang­ur.“

Alma sagði að auð­vitað hefðu heil­brigð­is­yf­ir­völd þó áhyggjur af stöð­unni. Vonir standi til að „línur skýrist“ á næstu dögum eða viku en að við séum enn á þeim stað að meta hversu mikil veik­indi þeirra sem eru að sýkj­ast nú verða. Vonir væru bundnar við að veik­indi fólks verði minni en í fyrri bylgju og legu­tím­inn styttri. „Við tökum einn dag í ein­u,“ sagði hún, og „þangað til stöndum við auð­vitað áfram sam­an, hugsum hvert um annað og reynum að gera það besta úr hlut­un­um.“

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Utanríkisráðherra Bandaríkjanna, Antony Blinken, á blaðamannafundi með utanríkisráðherra Þýskalands, Annalena Baerbock, fyrr í dag.
Hvað gerist ef Rússland ræðst inn í Úkraínu?
Bandaríkjaforseti gerir nú ráð fyrir að rússneski herinn muni ráðast inn í Úkraínu. Evrópusambandið, Bretland og Bandaríkin hóta því að grípa til harðra aðgerða, verði innrásin að veruleika.
Kjarninn 20. janúar 2022
Hinrik Örn Bjarnason er framkvæmdastjóri N1.
N1 Rafmagn biðst velvirðingar og ætlar að endurgreiða mismun frá 1. nóvember
„Við störfum á neyt­enda­mark­aði og tökum mark á þeim athuga­semdum sem okkur ber­ast og biðj­umst vel­virð­ingar á því að hafa ekki gert það fyrr,“ segir í yfirlýsingu frá N1 Rafmagni, sem hefur verið gagnrýnt fyrir tvöfalda verðlagningu á raforku.
Kjarninn 20. janúar 2022
Þorbjörn Guðmundsson
Katrín, kemur réttlætið kannski á næsta ári eða þar næsta ári?
Kjarninn 20. janúar 2022
Arndís Anna Kristínardóttir Gunnarsdóttir þingmaður Pírata er fyrsti flutningsmaður frumvarpsins.
Þeir sem fá dvalarleyfi hér á landi á grundvelli mannúðarsjónarmiða verði heimilt að vinna
Þingmenn fjögurra stjórnarandstöðuflokka vilja að útlendingar sem hafa fengið dvalarleyfi á grundvelli mannúðarsjónarmiða eða vegna sérstakra tengsla við Ísland verði undanþegnir kröfu um tímabundið atvinnuleyfi hér á landi.
Kjarninn 20. janúar 2022
Þórdís Lóa Þórhallsdóttir er formaður borgarráðs Reykjavíkurborgar.
Borgin skoðar að selja Malbikunarstöðina Höfða sem er að flytja í Hafnarfjörð
Á fundi borgarráðs í dag var samþykkt að láta skoða sölu á malbikunarstöð sem borgin hefur átt í meira en 80 ár og hefur lengi verið þyrnir í augum margra. Stöðin var með 91 prósent markaðshlutdeild í malbikun í höfuðborginni um tíma.
Kjarninn 20. janúar 2022
Framleiðni eykst með meiri fjarvinnu
Aukin fjarvinna hefur bætt framleiðni skrifstofustarfsmanna vestanhafs um fimm til átta prósent. Búist er við að bandarískir vinnustaðir leyfi að meðaltali tvo fjarvinnudaga í viku að faraldrinum loknum.
Kjarninn 20. janúar 2022
Einungis tveir ráðherrar til svara á þingi – Vonbrigði, óforskammað og óásættanlegt
Stjórnarandstaðan var ekki sátt við ráðherra ríkisstjórnarinnar á Alþingi í morgun en tveir ráðherrar af tólf voru til svara í óundirbúnum fyrirspurnatíma. „Þetta minnir mig á það andrúmsloft sem var hér fyrir hrun þegar ráðherraræðið var algjört.“
Kjarninn 20. janúar 2022
Jónas Þór Guðmundsson stjórnarformaður Landvirkjunar og fyrrverandi formaður kjararáðs er einn þriggja sem sækjast eftir dómaraembættinu í Strassborg.
Stjórnarformaður Landsvirkjunar og tvö til sækjast eftir dómaraembætti við MDE
Þrjár umsóknir bárust frá íslenskum lögfræðingum um stöðu dómara við Mannréttindadómstól Evrópu. Þing Evrópuráðsins tekur ákvörðun um skipan í embættið. Stjórnarformaður Landsvirkjunar er á meðal umsækjenda.
Kjarninn 20. janúar 2022
Meira úr sama flokkiInnlent