Búist er við suð­austan stormi, með­al­vind meiri en tutt­ugu metra á sek­úndu (m/s), eftir hádegi á morg­un. Búist er við suð­vestan stormi annað kvöld og sums staðar ofsa­veðri um landið Vest­an- og Norð­an­vert, það er með­al­vindur verði meiri en 28 m/s. Veð­ur­stofa Íslands varar sér­stak­lega við veðr­inu á vef sínum. „­Spáð er ill­viðri eft­ir há­degi á sunn­u­dag­inn og fram á mán­u­dag og engu ferða­veðri,“ seg­ir í til­­kynn­ingu frá veð­ur­­­fræð­ing­um Veð­ur­­­stofu Íslands.

Bú­­ast má við hætt­u­­leg­um vind­hviðum við fjöll eft­ir há­degi á morg­un (jafn­­vel yfir 50 m/​s þegar verst læt­­ur) og engu ferða­veðri.

Á morg­un er út­lit fyr­ir vax­andi suð­aust­anátt, með­al­­vind­hraði víða á bil­inu 18-25 m/​s eft­ir há­deg­ið. Vind­hviður geta náð yfir 40 m/​s vest­an og norðan und­ir fjöll­um á Vest­­ur­landi, til dæm­is und­ir Hafn­­ar­fjalli. Suð­aust­anátt­inni fylg­ir rign­ing og er út­lit fyr­ir tals­vert eða mikið úr­komu­­magn á suð­ur­­helm­ingi lands­ins.

Nær há­­marki annað kvöld

Um klukkan níu annað kvöld er út­lit fyr­ir að veðrið nái há­­marki suð­vest­an­lands með suð­vest­an 20-30 m/​s, sam­kvæmt upp­lýs­ingum frá Veð­stofu Íslands. Up­p­úr mið­nætti fær­ir þessi veð­ur­hæð sig yfir á Breiða­fjörð, Vest­f­irði, Strand­ir og Norð­ur­­land vestra og einnig á Norð­ur­­land eystra.