Í til­kynn­ingu sem send var til Kaup­hallar Íslands í morgun til­kynn­ing Banka­sýsla rík­is­ins, sem fer með hlut rík­is­sjóðs í Íslands­banka, að umsjón­ar­að­ilar útboðs með hluti í bank­anum hafi ráð­lagt að leið­bein­andi loka­verð fyrir útboðið sem nemur 79 krónur á hvern hlut. „Líkur eru fyrir því að lægri til­boð verði ekki sam­þykkt“.

Þetta eru efri mörk útboðs­bils­ins og ef allt sem mögu­lega er til sölu verður selt, sem er senni­legt í ljósi þess að mikil umfram­eft­ir­spurn er eftir bréfum í bank­an­um, mun rík­is­sjóður fái um  53 millj­arða króna fyrir 35 pró­sent hlut­inn sem seldur verð­ur.

Áætlað er að útboð­inu ljúki á hádegi á morg­un, þriðju­dag­inn 15. júní 2021 og verða bréf í Íslands­banka í kjöl­farið skráð á hluta­bréfa­mark­að.

Þegar skrán­ing­ar­lýs­ing Íslands­banka var birt í byrjun síð­ustu viku kom fram að hið leið­andi verð­bil í því væri frá 71 til 79 krónur á hlut. Mið­punktur þess reikn­aði að virði bank­ans væri 150 millj­arðar króna, en eigið fé bank­ans er 185 millj­arðar króna. Nú er ljóst að virði bank­ans verður vel umfram það enda eft­ir­spurn eftir bréfum langt umfram fram­boð. Þar þykir ráða mestu að bréfin telj­ast ódýr, sér­stak­lega í sam­an­burði við gengi bréfa í Arion banka, hinum kerf­is­lega mik­il­væga bank­anum sem skráður er á mark­að.

Líf­eyr­is­sjóður versl­un­ar­manna, Gildi, Capi­tal World Invsestors og RWC Asset Mana­gement hafa þegar skuld­bundið sig til að kaupa um það bil tíu pró­sent af öllu útgefnu hlutafé Íslands­banka í hluta­fjár­út­boði bank­ans og verða svo­kall­aðir horn­steins­fjár­fest­ar. Búist er við mik­illi þátt­töku almenn­ings í útboð­inu þar sem að hægt er að skrá sig fyrir mjög litlum hlut­um.

Bjarni Bene­dikts­son, fjár­mála- og efna­hags­ráð­herra og for­maður Sjálf­stæð­is­flokks­ins, sagði í maí að hann vilji selja það sem eftir mun standa af eign­ar­hlut Íslands­banka við fyrsta tæki­færi á næsta kjör­tíma­bili. Ríkið er skuld­bundið sam­kvæmt skil­málum hluta­fjár­út­boðs­ins að selja ekki fleiri hluti í hálft ár eftir fyrstu sölu. Bjarni sagði við Frétta­blaðið í síð­asta mán­uði: „Ef ég fengi ein­hverju um það ráðið þá myndum við klára þennan áfanga og við myndum nota fyrsta tæki­færi á nýju kjör­tíma­bili til að halda áfram að losa okkur við eign­ar­hluti í bank­an­um.“ Það verði verk­efni næsta kjör­tíma­bils. 

Bjarni sagð­ist líka vilja selja 35 til 50 pró­sent hlut í Lands­bank­an­um, sem ríkið á líka. Sá hlutur sem ríkið myndi halda væri til þess fallið að tryggja að á Íslandi yrði áfram höf­uð­stöðvar banka.