Ríkisstjórnin kolfallin og Sjálfstæðisflokkur mælist með undir 18 prósent fylgi

Samfylking og Píratar bæta við sig ellefu þingmönnum frá síðustu kosningum samkvæmt nýrri könnun en stjórnarflokkarnir tapa tólf. Samanlagt fylgi ríkistjórnarinnar mælist undir 40 prósent og Sjálfstæðisflokkurinn hefur aldrei mælst minni í stórri könnun.

Það er vindasamt á stjórnarheimilinu þessa dagana.
Það er vindasamt á stjórnarheimilinu þessa dagana.
Auglýsing

Rík­is­stjórn Katrínar Jak­obs­dóttur er kol­fall­inn sam­kvæmt nýrri könnun Pró­sents um fylgi flokka sem birt er í Frétta­blað­inu í dag. Flokk­arnir þrír sem hana mynda: Sjálf­stæð­is­flokk­ur, Fram­sókn­ar­flokkur og Vinstri græn, myndu tapa tólf þing­mönnum ef kosið yrði í dag og fá 26.

Ell­efu af þeim tólf þing­mönnum myndu fær­ast yfir til Sam­fylk­ingar og Pírata og einn til Við­reisn­ar. Þeir þrír stjórn­ar­and­stöðu­flokkar mæl­ast nú með 29 þing­menn, eða þremur fleiri en rík­is­stjórn­ar­flokk­arn­ir. 

Fylg­is­hrun rík­is­stjórn­ar­flokk­anna, sem sam­an­lagt mæl­ast nú með 39,9 pró­sent fylgi – 14,4 pró­sentu­stigum minna en í síð­ustu kosn­ingum – má senni­lega að mestu rekja til mik­illar óánægju með fram­kvæmd sölu á 22,5 pró­sent hlut íslenska rík­is­ins í Íslands­banka 22. mars síð­ast­lið­inn.

Auglýsing

Í nýlegri könnun sögð­ust 83 pró­sent aðspurðra vera óánægð með þá fram­kvæmd og í könnun Mask­ínu sem birt var í fyrra­dag kom fram að traust á helstu ráð­herra rík­is­stjórn­ar­innar hefur hrun­ið. 

Sjálf­stæð­is­flokk­ur­inn aldrei mælst með minna fylgi

Mestu fylgi tapar Sjálf­stæð­is­flokk­ur­inn, flokkur Bjarna Bene­dikts­sonar fjár­mála- og efna­hags­ráð­herra. Hann mælist með 17,9 pró­sent fylgi sem myndi skila tólf þing­mönn­um. Flokk­ur­inn fékk 24,4 pró­sent atkvæða í kosn­ing­unum 2021 og tapar því 6,5 pró­sentu­stig­um. 

Það er í fyrsta sinn sem Sjálf­stæð­is­flokk­ur­inn mælist með undir 18 pró­sent fylgi í stórri fylgiskönn­un. Til sam­an­burðar fór fylgi hans lægst niður í 20,6 pró­sent í einni könnun Gallup skömmu eftir banka­hrunið síðla árs 2008, lægst í 22,2 pró­sent í kringum birt­ingu Panama­skjal­anna í apríl 2016 og lægst í 22,6 pró­sent í kringum upp­reist æru málið haustið 2017, en öll þessi mál felldu rík­is­stjórn og leiddu til snemm­bú­inna kosn­inga. 

Flokk­ur­inn hefur einu sinni áður mælst með undir 19 pró­sent fylgi í stórri könn­un. Það var í könnun MMR sem birt var í nóv­em­ber 2019, skömmu áður en að kór­ónu­veiru­far­ald­ur­inn skall. Þá mæld­ist fylgið 18,1 pró­sent.

Fylgi Vinstri grænna og Fram­sóknar minnkað umtals­vert

Hinir stjórn­ar­flokk­arnir tveir tapa líka miklu fylgi. Fram­sókn­ar­flokk­ur­inn hefur tapað 4,9 pró­sentu­stigum frá kosn­ing­unum í fyrra­haust og mælist með 12,4 pró­sent fylgi. Hann er nú umtals­vert minni en bæði Sam­fylk­ing og Píratar sam­kvæmt mæl­ingum og fengi átta þing­menn í stað 13 ef kosið yrði í dag. 

Auglýsing

Vinstri græn, flokkur Katrínar Jak­obs­dóttur for­sæt­is­ráð­herra, mælist með 9,6 pró­sent fylgi sem er þremur pró­sentu­stigum minna en þau fengu upp úr kjör­köss­unum í sept­em­ber 2021. Það myndi skila sex þing­mönn­um, eða tveimur færri en Vinstri græn hafa í dag. Flokk­ur­inn deilir nú 5-6 sæti yfir stærstu flokka á þingi með Við­reisn.

Sam­fylk­ing og Píratar græða mest fylgi

Þeir flokkar sem hafa grætt mest fylgi á því sem hefur gerst að und­an­förnu eru Sam­fylk­ingin og Pírat­ar. Sá fyrr­nefndi mælist nú næst stærsti flokkur lands­ins með 16,8 pró­sent fylgi, sem er 6,9 pró­sentu­stigum meira en flokk­ur­inn fékk í kosn­ing­unum 2021. Það þýðir að Sam­fylk­ingin mælist með um einu pró­sentu­stigi minna fylgi en Sjálf­stæð­is­flokk­ur­inn, sem er munur innan skekkju­marka. Ef kosið yrði í dag, og nið­ur­staðan yrði í takt við könnun Pró­sents, myndi Sam­fylk­ingin fá jafn marga þing­menn og Sjálf­stæð­is­flokk­ur, eða tólf tals­ins. Við það myndi þing­flokk­ur­inn tvö­fald­ast að stærð, en hann telur sex í dag.

Píratar hafa bætt enn meira við sig frá síð­ustu kosn­ing­um, alls 7,4 pró­sentu­stig­um, og mæl­ast nú með 16,2 pró­sent fylgi. Það myndi skila flokknum ell­efu þing­mönnum að óbreyttu sem er fimm fleiri en Píratar hafa nú.

Við­reisn bætir líka við sig fylgi frá síð­ustu kosn­ingum og mælist 9,6 pró­sent. Það myndi skila flokknum sex þing­mönnum í stað þeirra fimm sem hann hefur í dag. 

Sam­an­lagt fylgi þess­ara þriggja stjórn­ar­and­stöðu­flokka mælist nú 42,6 pró­sent, eða 15,8 pró­sentu­stigum meira en það sem þeir fengu í kosn­ing­unum í fyrra­haust.

Auglýsing

Þeir mæl­ast nú með meira sam­eig­in­legt fylgi en rík­is­stjórn­ar­flokk­arnir og með þremur þing­mönnum fleiri.

Mið­flokk­ur­inn nær ekki inn manni

Hinir tveir stjórn­ar­and­stöðu­flokk­arn­ir, Flokkur fólks­ins og Mið­flokk­ur, hagn­ast ekki á stöðu mála. Sá fyrr­nefndi myndi tapa einu pró­sentu­stigi af fylgi frá síð­asta hausti ef kosið yrði í dag og fá fimm þing­menn, sem er einum færri en þá. Mið­flokk­ur­inn rétt skriði yfir fjögur pró­sent atkvæða sem myndi ekki duga honum inn á þing.

Flokk­arnir yrðu þó áfram átta á Alþingi ef nið­ur­stöður kosn­inga yrðu í sam­ræmi við könnun Pró­sents því að Sós­í­alista­flokk­ur­inn kæm­ist inn með 5,4 pró­sent atkvæða, tæki báða þing­menn Mið­flokks­ins og einn frá Flokki fólks­ins. 

Könn­unin var fram­kvæmd 13. til 26. apríl og úrtak hennar var 3.500 manns. Svar­hlut­fallið var 50,3 pró­sent og um net­könnun var að ræða úr könn­un­ar­hópi Pró­sents.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Jón Ólafur Ísberg
Nýr þjóðhátíðardagur
Kjarninn 1. desember 2022
Tæknivarpið
Tæknivarpið
Tæknivarpið - „Það er enginn að fara hakka mig”
Kjarninn 1. desember 2022
Í austurvegi
Í austurvegi
Í austurvegi – Sýndu þakklæti í verki 感恩图报
Kjarninn 1. desember 2022
Kísilverksmiðjan í Helguvík verður líklega flutt, eða fundið nýtt hlutverk, samkvæmt tilkynningu Arion banka.
„Allt útlit fyrir“ að kísilverið í Helguvík verði ekki gangsett á ný
Arion banki og PCC hafa slitið viðræðum um möguleg kaup PCC á kísilverksmiðjunni í Helguvík. Einnig hefur Arion sagt upp raforkusamningi við Landsvirkjun, þar sem framleiðsla kísils var forsenda samningsins.
Kjarninn 1. desember 2022
Dagur B. Eggertsson er sem stendur borgarstjóri í Reykjavík. Einar Þorsteinsson mun taka við því embætti síðar á kjörtímabilinu.
Sá hluti Reykjavíkurborgar sem rekinn er fyrir skattfé tapaði 11,1 milljarði á níu mánuðum
Vaxtakostnaður samstæðu Reykjavíkurborgar var 12,1 milljarði króna hærri en áætlanir gerðu ráð fyrir á fyrstu níu mánuðum ársins. Samstæðan skilar hagnaði, en einungis vegna þess að matsvirði félagslegs húsnæðis hækkaði um 20,5 milljarða króna.
Kjarninn 1. desember 2022
Nafnlausi tindurinn til hægri á myndinni. Efst eru Geirvörtur.
Vilja að nafnlausi tindurinn heiti Helgatindur
Nafnlaus tindur sem stendur um 60 metra upp úr ísbreiðu Vatnajökuls ætti að heita Helgatindur til heiðurs Helga Björnssyni jöklafræðingi, segir í tillögu sem sveitarstjórn Skafárhrepps hefur samþykkt fyrir sitt leyti.
Kjarninn 1. desember 2022
Íslandsbanki segir ekki hversu margir fengu flokkun sem hæfir fjárfestar á meðan að á útboðinu stóð
Í skýrslu Ríkisendurskoðunar um söluferli Íslandsbanka kemur fram að fjárfestar sem voru ekki í viðskiptum við Íslandsbanka gátu sótt um og fengið flokkun sem „hæfir fjárfestar“ á þeim klukkutímum sem útboðið stóð yfir.
Kjarninn 1. desember 2022
Lilja D. Alfreðsdóttir, menningar- og viðskiptaráðherra.
Ríkisstjórnin samþykkti áframhaldandi styrkjagreiðslur til fjölmiðla en til eins árs
Áfram sem áður er ágreiningur innan ríkisstjórnar Íslands um styrki til einkarekinna fjölmiðla. Styrkjakerfið verður framlengt til eins árs í stað tveggja. Um er að ræða málamiðlun til að ná frumvarpinu úr ríkisstjórn.
Kjarninn 1. desember 2022
Meira úr sama flokkiInnlent