Saga Rauða barónsins gefin út á bók

Rauði baróninn - Saga umdeildasta knattspyrnudómara Íslandssögunnar er ný bók eftir fyrrverandi knattspyrnudómarann Garðar Örn Hinriksson. Safnað er fyrir útgáfunni á Karolina Fund.

Ferli Rauða barónsins lauk á sama stað og hann hófst, á Stokkseyrarvelli sumarið 2016, er hann dæmdi leik heimamanna gegn Afríku.
Ferli Rauða barónsins lauk á sama stað og hann hófst, á Stokkseyrarvelli sumarið 2016, er hann dæmdi leik heimamanna gegn Afríku.
Auglýsing

Í bókinni Rauði baróninn – Saga umdeildasta knattpyrnudómara Íslandssögunnar fer Garðar Örn Hinriksson yfir feril sinn sem knattspyrnudómari, sem stóð yfir í um 30 ár. Safnað er fyrir útgáfu bókarinnar á Karolina Fund.

Sagan hefst á Stokkseyri árið 1985 þegar Garðar, þá á fjórtánda ári, er spurður að því hvort hann hafi áhuga á því að prófa að vera línuvörður í einum leik. Eftir það varð ekki aftur snúið. Hann steinféll fyrir starfinu. Þrettán árum síðar var Garðar orðinn dómari í efstu deild, eitthvað sem hann dreymdi um að verða en átti aldrei von á.

Örfáum árum síðar var hann svo orðinn alþjóðlegur knattspyrnudómari. Alls dæmdi Garðar 175 leiki í efstu deild karla og þrjá bikarúrslitaleiki – einn hjá stelpunum og tvo hjá strákunum. Einnig var hann valinn besti dómari landsins þrisvar sinnum.

Auglýsing

Ferli hans lauk á sama stað og hann hófst, á knattspyrnuvellinum á Stokkseyri, árið 2016.

Hvernig varð hugmyndin að verkefninu til?

Hún vaknaði í raun á þeirri stundu er ég blés í flautuna í síðasta skiptið fyrir fimm árum síðan. Ég fór strax í það að safna saman upplýsingum sem hefur tekið ágætis tíma enda var ég knattspyrnudómari hátt í 30 ár. Það er frá mörgu að segja enda var margt sem gerðist innan sem utan vallar á þeim tíma og langaði mér til þess að segja mína sögu og gefa fólki smá innsýn inn í líf knattspyrnudómarans, sem getur tekið á stundum, en er oftast mjög skemmtilegt.

Hvað ertu að fjalla um í bókinni?

Ég skipti þessu upp í nokkra hluta svona eins og um fótboltaleik væri að ræða. Ég byrja á Upphitun þar sem ég fer aðeins í upphafið og segi aðeins frá mér og mínum. Síðan er það Fyrri Hálfleikur þar sem ég tek hvert ár fyrir sig sem ég dæmdi og týni til það helsta.

Garðar Örn Hinriksson, hér fyrir miðju, dæmdi sinn síðasta leik árið 2016.

Í Seinni Hálfleik fer ég yfir ýmislegt, m.a. verstu mistökin, óheiðarlega blaðamenn, erfiða þjálfara og fleira. Eftir Leik fer ég í í það sem gerðist utan vallar, sem gat verið ansi skrautlegt.

Síðan enda ég á Leikskýrslunni, þar sem fólk fær að tjá sig um mig sem knattspyrnudómara og margt sem þar kemur í ljós sem mig grunaði aldrei.

Saknar þú flautunnar?

Nei, í rauninni ekki. Ég finn yfirleitt ekki fyrir löngun til að taka hana upp aftur nema þegar einhver góður og mikill hasar er í gangi í leikjum sem ég er að horfa á í sjónvarpinu. Það voru mínar uppáhalds stundir í mínum leikjum. Ég sakna þeirra stunda örlítið þó þær hafi ekki alltaf verið auðveldar.

Hægt er að taka þátt í söfnuninni hér.


Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þrettán starfsmenn Landspítalans í einangrun
Um helgina komu upp smit hjá starfsmönnum í nokkrum starfseiningum Landspítala. Rakning er langt komin og þrettán starfsmenn eru komnir í einangrun og nokkur fjöldi starfsmanna og sjúklinga í sóttkví.
Kjarninn 26. júlí 2021
Benedikt Jóhannesson, einn stofnenda Viðreisnar, mun starfa áfram með flokknum.
Sættir hafa náðst hjá Viðreisn og Benedikt starfar áfram innan flokksins
Benedikt Jóhannesson fyrrverandi formaður Viðreisnar greinir frá því í dag að samkomulag hafi náðst um að hann starfi áfram með flokknum.
Kjarninn 26. júlí 2021
Meirihluti þjóðarinnar er bólusettur og meirihluti þeirra sem eru að greinast með veiruna er bólusettur.
116 óbólusettir greinst á einni viku
Um 64 prósent þeirra sem eru með COVID-19 á landinu eru á aldrinum 18-39 ára. Flestir sem greinst hafa síðustu daga eru bólusettir en 116 óbólusettir einstaklingar hafa greinst með veiruna á einni viku.
Kjarninn 26. júlí 2021
Þórður Snær Júlíusson
Endalok tálmyndar um endurkomu hins eðlilega lífs
Kjarninn 26. júlí 2021
Himinn og haf skilja fátækari ríki heims og þau ríkari að þegar kemur að bólusetningum.
Þórólfur: Hægt að hafa margar skoðanir á siðferði bólusetninga
Að baki þeirri ákvörðun að gefa fólki bólusettu með Janssen örvunarskammt býr að sögn sóttvarnalæknis sú stefna að reyna að bólusetja sem flesta hér á landi með áhrifaríkum hætti. 1,32 prósent íbúa fátækustu ríkja heims hafa verið bólusett.
Kjarninn 26. júlí 2021
Sajid Javid heilbrigðisráðherra Bretlands tók við af Matt Hancock fyrr í sumar.
Biðst afsökunar á að hafa sagt fólki að hætta að „hnipra sig saman“ andspænis veirunni
Sajid Javid heilbrigðisráðherra Bretlands segist hafa notað óheppilegt orðfæri til að lýsa því hvernig landar hans þyrftu að fara að lifa með veirunni, í ljósi útbreiddra bólusetninga.
Kjarninn 25. júlí 2021
DÓTTIR er stuttmynd um ást, þráhyggju og brotna sjálfsmynd.
Stuttmyndin DÓTTIR er „ástarbréf til Íslands“
Sofia Novakova, leik- og kvikmyndagerðarkona frá Slóvakíu, er þessa dagana að taka upp stuttmyndina DÓTTIR hér á landi. Safnað er fyrir útgáfu myndarinnar á Karolina Fund.
Kjarninn 25. júlí 2021
Hólmfríður Árnadóttir menntunarfræðingur og Heiða Guðný Ásgeirsdóttir bóndi skipa 1. og 2. sæti á lista Vinstri grænna í Suðurkjördæmi.
Þjórsáin okkar allra
Kjarninn 25. júlí 2021
Meira úr sama flokkiFólk