Íslend­ingur úr áhöfn tog­ara í eigu Sam­herja, sem gerður var út í Namib­íu, fékk laun sín greidd frá fær­eyska félag­inu Tind­holm­ur, sem Sam­herji stofn­aði þar í landi árið 2011. Gögn sýna að hann hafi auk þess verið rang­lega skráður í áhöfn fær­eysks flutn­inga­skips í eigu Sam­herja, en útgerðum býðst 100 pró­sent end­ur­greiðsla á skatt­greiðslum áhafna slíkra skipa. Þannig er talið að málum hafi verið háttað með fleiri sjó­menn sem unnu fyrir Sam­herja í Namib­íu. Fyrir vikið greiddu sjó­menn­irnir ekki skatta í́ Namibíu og Sam­herji þurfti því́ ekki að bæta þeim upp tekju­tap vegna slíkra skatt­greiðslna.

Þetta fyr­ir­komu­lag er, að mati fær­eyska skatta­sér­fræð­ings­ins Eyð­finns Jac­ob­sen, aug­ljóst brot á fær­eyskum lögum jafn­vel þótt það sé namibíska ríkið sem sitji uppi með tap­ið. Björn á Heyg­um, fyrr­ver­andi þing­maður í Fær­eyjum sem var stjórn­ar­for­maður Tind­holms þar til félag­inu var slitið árið 2020 og sem hefur setið í stjórnum fjölda félaga í eigu Sam­herja síð­ustu þrjá ára­tugi, seg­ist hafa verið blekkt­ur. Hann hafi ekki haft neina vit­neskju um þetta fyr­ir­komu­lag við greiðslu launa. Björn seg­ist ganga út frá því að það væri for­stjóra og eig­enda Sam­herja að til­kynna honum um hvað væri í gang­i. 

Þetta er meðal þess sem kemur fram í heim­ild­ar­mynd sem sýnd er í fær­eyska sjón­varp­inu í kvöld og unnin var í sam­starfi við Kveik og Wiki­leaks. Greint var frá efni hennar í fréttum RÚV klukkan 19.  

Á meðal þeirra sem rætt er við í mynd­inni er Jóhannes Stef­áns­son, fyrr­ver­andi  fram­kvæmda­stjóri Namibíu-út­gerðar Sam­herja. Fyrr í dag greindi Sam­herji frá því á heima­síðu sinni að Þor­steinn Már Bald­vins­son, for­stjóri Sam­herji, hefði lagt fram kæru á hendur Jóhann­esi hjá lög­regl­unni á höf­uð­borg­ar­svæð­in­u. 

Kæran er, sam­­kvæmt yfir­­lýs­ingu á vef Sam­herja, fyrir rangar sak­­ar­­giftir og „ýmis ummæli sem Jóhann­es, eða fólk á hans veg­um, hefur látið falla í fjöl­miðlum og víðar að und­an­­förn­u“. Staðið hefur verið að fjár­­­söfnun fyrir Jóhannes síð­­­ustu vik­­ur, en söfn­unin er á vegum erlendra félaga­­sam­­taka sem styðja við upp­­­ljóstr­­ara.

Í við­tal­inu sem Jóhannes veitti fær­eyska Sjón­varp­inu, og birt­ist í áður­nefndri heim­ilda­mynd, segir hann þetta fyr­ir­komu­lag varð­andi skrán­ingu sjó­manna Sam­herja í Namibíu vera ástæðu þess að hálf millj­ón Banda­ríkja­doll­ara hafi greidd frá́ útgerðum Sam­herja í Namibíu og til fær­eyska félags­ins Tind­holms, frá́ lokum árs 2016 til árs­loka 2017.

Í árs­byrjun 2016 gengu í gildi lög í́ Namibíu sem skyld­uðu erlendar áhafnir fiski­skipa til að greiða skatta og skyldur í land­inu.