Sam­keppn­is­eft­ir­litið á Íslandi hefur ekki haft neina aðkomu eða verið dönskum sam­keppn­is­yf­ir­völdum innan handar í tengslum við rann­sókn á dótt­ur­fé­lagi Eim­skips í Dan­mörku sem snýr að stærri rann­sókn á hátt­semi í land­flutn­ingum í Dan­mörku þar sem grunur leikur á að fyr­ir­tækið hafi brotið gegn dönskum sam­keppn­is­lög­um. .

Þetta kemur fram í fyr­ir­spurn Kjarn­ans til Sam­keppn­is­eft­ir­lits­ins, en í því segir jafn­framt að það sé í höndum danskra sam­keppn­is­yf­ir­valda að „ákveða hvort þau leita aðstoðar hjá Sam­keppn­is­eft­ir­lit­inu á grund­velli þess sam­starfs sem mót­ast hefur á milli nor­rænna og evr­ópskra sam­keppn­is­eft­ir­lita“.

Eim­­skip sendi frá sér tvær til­­kynn­ingar til Kaup­hallar á mánu­dags­kvöld. Í annarri þeirra er greint frá því að á sunnu­dag hafi danska sam­keppn­is­eft­ir­litið fram­­kvæmt hús­­leit í Ála­­borg hjá dönsku dótt­­ur­­fé­lagi Eim­­skip Hold­ing B.V., sem er í eigu Eim­­skipa­­fé­lags Íslands hf., á grund­velli dóms­úr­­skurð­­ar.

Í til­kynn­ing­unni segir að hús­­leitin snúi að „starf­­semi Atl­antic Truck­ing sem er hluti af Eim­­skip Den­­mark A/S og er hluti af rann­­sókn á hátt­­semi í land­­flutn­ingum í Dan­­mörku og tók til fleiri félaga á þeim mark­aði. Til­­­gangur hús­­leit­­ar­innar er að rann­saka hvort brotið hafi verið gegn ákvæðum danskra sam­keppn­islaga.

Dótt­ur­fé­lagið vinnur að því að veita dönskum sam­keppn­is­yf­­ir­völdum aðgang að umbeðnum upp­­lýs­ing­­um. Eim­­skipa­­fé­lag Íslands hf. hefur ekki ástæðu til að ætla að brotið hafi verið gegn dönskum sam­keppn­is­lögum í starf­­semi Atl­antic Truck­ing sem hefur um 5% mark­aðs­hlut­­deild í gáma­­flutn­ingum á þessum mark­að­i.“

Stað­festa ekki að hús­leitin sé hluti af stærri rann­sókn á land­flutn­ingum

Danska sam­keppn­is­eft­ir­litið stað­festir í sam­tali við Kjarn­ann að hús­leit hafi verið gerð hjá Atl­antic Truck­ing en vill ekki stað­festa að hús­leitin teng­ist stærri rann­­sókn á hátt­­semi í land­­flutn­ingum í Dan­­mörku líkt og full­yrt er í til­kynn­ingu Eim­skips. Þar sem rann­sóknin stendur enn yfir vill danska Sam­keppn­is­eft­ir­litið ekki veita frek­ari upp­lýs­ingar um rann­sókn máls­ins, hversu umfangs­mikil hún er eða hvenær megi búast við að henni ljúki.

Seinni til­kynn­ing sem Eim­skip sendi frá sér á mánu­dags­kvöld snýr að sölu Eim­skips á Goða­­foss og Lax­­foss, kom upp á yfir­­­­­borðið eftir umfjöllun Kveiks um það í sept­­em­ber 2020.

Þá var sagt frá því að Eim­­­skip hefði selt skipin tvö til fyr­ir­tækis sem heitir GMS, og sér­­­­­­­hæfir sig í að vera milli­­­­­­­liður sem kaupir skip til að setja þau í nið­­­­­­­ur­rif í Asíu þar sem kröfur um aðbúnað starfs­­­­­­­manna og umhverf­is­á­hrif nið­­­­­­­ur­rifs­ins eru mun lak­­­­­­­ari en í Evr­­­­­­­ópu.