Samþykkt að hækka þak kaupréttarsamninga starfsmanna Arion banka verulega

Bónuskerfi Arion banka var samþykkt á aðalfundi. Þar var líka samþykkt að hækka kauprétti starfsmanna úr 600 þúsund í allt að 1,5 milljón króna á ári. Alls munu starfsmenn geta keypt í bankanum fyrir milljarða króna gangi áformin eftir.

Benedikt Gíslason, bankastjóri Arion banka.
Benedikt Gíslason, bankastjóri Arion banka.
Auglýsing

Stjórn Arion banka var veitt heimild á aðalfundi bankans í gær til að breyta kaupréttaráætlun hans þannig að hámark þess sem hver fastráðinn starfsmaður má kaupa á ári var hækkað um 150 prósent, í samræmi við breytt ákvæði tekjuskattslaga. Að mati stjórnar var æskilegt að hafa heimild til að „nýta hið nýja hámark til að kaupréttaráætlunin nái því markmiði að samþætta hagsmuni starfsmanna við hagsmuni bankans með marktækum hætti.“

Kaup­rétt­­ar­á­ætl­­un­in, sem nær til allra fast­ráð­inna starfs­­manna, var fyrst sam­­þykkt á aðal­­fundi Arion banka í mars í fyrra og mark­mið hennar er sagt vera að „sam­þætta hags­muni starfs­­fólks við lang­­tíma­hags­muni bank­ans.“

Í febr­úar síð­ast­liðnum var svo greint frá því að allir 628 fast­ráðnir starfs­­menn Arion banka sem eiga rétt á að gerð kaup­rétt­­ar­­samn­ing við bank­ann hafi gert slík­­­an. Í samn­ingnum felst að starfs­­menn­irnir áttu að geta keypt hluta­bréf í bank­­anum fyrir alls 600 þús­und krónur einu sinni á ári í fimm ár. Fyrsti nýt­ing­­ar­­dagur er í febr­­úar á næsta ári en sá síð­­­asti í febr­­úar 2026. 

Aðalfundur Arion banka samþykkti hins vegar í gær að veita stjórn bankans heimild til breytinga á áður gerðri kaupréttaráætlun þannig að bankanum verði heimilað að gera kaupréttarsamninga við fastráðna starfsmenn félagsins um kaup á hlutum í bankanum fyrir allt að 1,5 milljón króna á ári.

Verði kaupréttirnir fullnýttir munu starfsmennirnir 628 geta keypt bréf fyrir 942 milljónir króna á ári. 

Auglýsing
Kaup­verð starfs­­manna Arion banka á hlutum í bank­­anum er vegið með­­al­verð í við­­skiptum með hluta­bréf félags­­ins tíu við­­skipta­daga fyrir samn­ings­dag, sem er 3. febr­­úar 2021, eða 95,5 krónur hver hlut­­ur. Það er 24 pró­sent undir núver­andi mark­aðs­gengi Arion banka.

Kaupaukakerfið samþykkt

Kaupaukakerfi Arion banka var einnig samþykkt eins og hún var lögð fram af stjórn bankans á aðalfundi hans sem fram fór í gær. 

Í því felst að öllu fast­ráðnu starfs­­­fólki Arion banka mun standa til boða að geta fengið allt að tíu pró­­­sent af föstum árs­­­launum sínum á árinu 2021 í kaupauka þegar árs­­­reikn­ingur bank­ans fyrir árið 2021 liggur fyr­ir, ef þau mark­mið sem nýtt kaupauka­­­kerfi til­­­­­greinir nást. 

Þeir stjórn­­­endur og það starfs­­­fólk sem hefur hvað mest áhrif á tekjur og kostnað bank­ans mun geta fengið allt að 25 pró­­­sent af föstum árs­­­launum í kaupauka­greiðslu, en þá í formi hluta­bréfa í bank­­­anum sem verða ekki laus til ráð­­­stöf­unar fyrr en að þremur árum liðn­­­­­um. 

Þau mark­mið sem Arion banki þarf að ná til að kaupa­auka­­­kerfið fari í gang fela í sér að arð­­­semi bank­ans verðir að vera hærri en vegið með­­­al­­­tal arð­­­semi helstu keppi­­­nauta bank­ans: Íslands­­­­­banka, Lands­­­banka og Kviku. „Ná­ist þetta mark­mið ekki, verður ekki greiddur út kaup­­­auki. Heild­­­ar­fjár­­­hæðin sem veitt verður til kaupauka­greiðslna verður þó aldrei hærri en sem nemur arð­­­semi bank­ans umfram vegið með­­­al­­­tal arð­­­semi sam­keppn­is­að­ila,“ segir í til­­­kynn­ingu frá Arion banka til þeirra hluta­bréfa­­­mark­aða sem bank­inn er skráður á, en hann er tví­­­­­skráður á Íslandi og í Sví­­­þjóð.

Stærsti eigandinn var á móti

Gildi lífeyrissjóður, stærsti hluthafinn í Arion banka með 9,61 prósent hlut, tilkynnti nýverið að hann myndi greiða atkvæði gegn til­lögu stjórnar Arion banka um starfs­kjara­stefnu bank­ans. Í bókun sem sjóð­ur­inn lagði fram sagði að hann teldi að stjórnin hafi ekki „með full­nægj­andi hætti rök­stutt þörf­ina og til­gang þess að nýta heim­ild til að koma á fót árang­urstengdu launa­kerfi, aukn­ingu kauprétta og áskrift­ar­rétt­ind­um. Laun stjórn­enda bank­ans virð­ast að mati sjóðs­ins, þegar til­lit er tekið til mögu­leika á árang­urstengdum greiðsl­um, kaupréttum og áskrift­ar­rétt­ind­um, hærri en það sem gengur og ger­ist hjá öðrum íslenskum bönkum og skráðum fyr­ir­tækjum sem starfa á íslenskum mark­að­i.“

Mik­il­vægt er að mati Gildis að ef félög ákveði að not­ast við árang­urstengd launa­kerfi sé gætt heild­ar­sam­heng­is. Til dæmis að föst laun séu þá lægri sam­an­borið við félög þar sem slík kerfi eru ekki til stað­ar. „Þá er mik­il­vægt að slíkt kerfi hvetji ekki til óeðli­legar áhættu­töku,“ sagði í bók­un­inni.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Upplýsingar um alla hluthafa og hversu mikið þeir eiga í skráðum félögum hafa legið fyrir á opinberum vettvangi undanfarið. Þetta telur Persónuvernd stríða gegn lögum.
Persónuvernd telur víðtæka birtingu hluthafalista fara gegn lögum
Vegna nýlegra lagabreytinga hefur verið hægt að nálgast heildarhluthafalista skráðra félaga í Kauphöllinni í samstæðureikningum á vef Skattsins. Persónuvernd telur þessa víðtæku birtingu fara gegn lögum.
Kjarninn 18. júní 2021
Flókið að fást við fólk sem lætur sannleikann ekki þvælast fyrir sér
Kerfið brást Helgu Björgu harðlega eftir að hún upplifði stöðugt áreiti borgarfulltrúa Miðflokksins í um tvö ár án þess að geta borið hönd fyrir höfuð sér. Málið hefur haft margvíslegar alvarlegar afleiðingar á andlega og líkamlega heilsu hennar.
Kjarninn 18. júní 2021
Horft frá Nauthólsvík yfir á Kársnes og að Hamraborg, þar sem Kópavogsbær stefnir á uppbyggingu þéttrar byggðar meðfram væntum borgarlínuleiðum.
Telur kjörnum fulltrúum skylt að rýna í hugmyndir um ódýrari Borgarlínu
Bæjarfulltrúi Sjálfstæðisflokksins í Kópavogi vill rýna betur í hugmyndir um ódýrari Borgarlínu, sem lagðar hafa verið fram að undanförnu, svo vilji sveitarstjórna sé skýr í málinu. Einnig viðrar hún sérstakar áhyggjur af rekstrarkostnaði.
Kjarninn 18. júní 2021
N1 er vinsælasti viðkomustaður þeirra sem hafa notað nýju ferðagjöf stjórnvalda.
Bensínstöðvar, baðlón og skyndibitastaðir vinsælust hjá notendum nýrrar ferðagjafar
Yfir 10 þúsund manns hafa nýtt nýja ferðagjöf stjórnvalda og um 50 milljónir króna verið greiddar út. Kunnugleg nöfn raða sér í efstu sæti þeirra fyrirtækja sem tekið hafa við mestu en baðlónið Sky Lagoon kemur nýtt inn á lista og tyllir sér í annað sæti.
Kjarninn 17. júní 2021
Guðjón Sigurðsson
Alþjóðlegur MND dagur 20. júní 2021
Kjarninn 17. júní 2021
Már Guðmundsson, fyrrverandi seðlabankastjóri.
Fyrrverandi seðlabankastjóri fékk fálkaorðuna
Forseti Íslands sæmdi fjórtán manns fálkaorðunni á Bessastöðum í dag.
Kjarninn 17. júní 2021
Gunnar Smári Egilsson, formaður framkvæmdastjórnar Sósíalistaflokksins.
Vilja endurvekja sjálfstæðisbaráttuna
„Eins og fyrri kynslóðum tókst að umbreyta íslensku samfélagi með sjálfstæðisbaráttu almennings þá mun okkur takast það einnig. Þeim tókst það og okkur mun líka takast það.“ Sósíalistaflokkurinn sendi frá sér tilkynningu í tilefni af 17. júní.
Kjarninn 17. júní 2021
Ólafur Ólafsson
Mannréttindadómstóll Evrópu vísar kæru Ólafs Ólafssonar frá
MDE hafnaði í morgun með afgerandi hætti að Rannsóknarnefnd Alþingis hefði brotið gegn rétti Ólafs Ólafssonar til réttlátar málsmeðferðar.
Kjarninn 17. júní 2021
Meira úr sama flokkiInnlent