Bjarni Bene­dikts­son fjár­mála- og efna­hags­ráð­herra tjáir sig um sölu rík­is­ins á hlut í Íslands­banka á Face­book í dag en stjórn­ar­and­staðan hefur gagn­rýnt söl­una harð­lega.

Hann bendir í færsl­unni á að margt hafi verið sagt um síð­ustu sölu hluta í Íslands­banka. „Fyrst vil ég segja að það skiptir yfir­leitt máli að horfa á stóru mynd­ina: Ríkið hefur fengið 108 millj­arða fyrir hluti í banka sem það fékk í hend­urnar án end­ur­gjalds – og á enn 42,5% hlut. Hlut­hafar eru yfir 15 þús­und, en langstærstir eru líf­eyr­is­sjóðir og aðrir stórir lang­tíma­fjár­fest­ar. Þetta er jákvætt og í sam­ræmi við það sem lagt var upp með.

Það er mik­il­vægt og eðli­legt að Rík­is­end­ur­skoðun skoði spurn­ingar sem er mjög skilj­an­legt að hafa vaknað síð­ustu vik­ur. Það er hins vegar líka mik­il­vægt að leið­rétta aug­ljósar rang­færslur stjórn­ar­and­stöð­unn­ar, en þar er af nógu að taka síð­ustu daga,“ skrifar hann.

Ekki hægt að selja pabba sínum hluta í rík­is­eign og sitja áfram eins og ekk­ert hafi í skorist

Vísar Bjarni í gagn­rýni þing­manna Pírata og Sam­fylk­ing­ar­innar en Þór­hildur Sunna Ævars­dóttir þing­maður Pírata skrif­aði á Face­book í gær að fjár­mála­ráð­herra bæri loka­á­byrgð á því hverjir urðu kaup­endur í ferl­inu.

„Annað hvort vissi Bjarni að pabbi sinn, auk ann­arra úr hrun­inu, voru að kaupa í bank­anum og varð þar með van­hæfur til að taka þessa ákvörð­un, út af fjöl­skyldu­tengsl­um, eða að hann vissi það ekki og fór þar með gegn lög­un­um. Miðað við þær til­kynn­ingar sem hafa komið frá fjár­mála­ráðu­neyt­inu þá var það hið síð­ara. Þar segir að Bjarni hafi ekki skoðað til­boðin neitt en honum ber að gera það sam­kvæmt lög­unum og því hefur hann brotið lög.

Það er ekki hægt að selja pabba sínum hluta í rík­is­eign og sitja svo bara áfram eins og ekk­ert hafi í skorist,“ skrif­aði hún.

Bjarni er ekki sam­mála þessu, að hann hafi þurft að fara yfir hvert og eitt til­boð, sam­þykkja þau eða hafna. „Þetta er alrang­t,“ skrifar hann.

„Fyrst má benda á hið aug­ljósa; í nýaf­stöðnu útboði voru til­boð á þriðja hund­rað og í frumút­boð­inu skiptu þau tug­þús­und­um. Telja þing­menn­irnir raun­veru­lega að mark­mið lag­anna hafi verið að ráð­herra færi yfir hvert ein­asta til­boð og veldi eftir eigin höfð­i?“ spyr hann.

Ráð­herra geti falið Banka­sýsl­unni að ann­ast end­an­legan frá­gang vegna sölu eign­ar­hluta

Bjarni segir að svarið við þessu þekki Sam­fylk­ingin og þing­mað­ur­inn Oddný Harð­ar­dóttir best, enda hafi Oddný mælt fyrir mál­inu sem fjár­mála­ráð­herra. Mark­miðið með lög­unum hafi verið að fela fram­kvæmd­ina sér­stakri rík­is­stofnun til að tryggja hlut­lægni við fram­kvæmd­ina. Hann telur að það sé fróð­legt að skoða fram­sögu­ræðu Odd­nýjar við þetta til­efni en þar seg­ir: „Í frum­varp­inu er lagt til að hlut­verk Banka­sýslu rík­is­ins við sölu­með­ferð verði meðal ann­ars að und­ir­búa sölu, leita til­boða í eign­ar­hlut, meta til­boð, ann­ast samn­inga­við­ræður við utan­að­kom­andi ráð­gjafa og vænt­an­lega kaup­endur og ann­ast samn­inga­gerð.“

Vísar hann enn­fremur í grein­ar­gerð­ina með frum­varp­inu þar sem segir að gert sé ráð fyrir að ráð­herra geti falið Banka­sýslu rík­is­ins að ann­ast end­an­legan frá­gang vegna sölu eign­ar­hluta og að sala hluta með útboði eða skrán­ing bréfa í kaup­höll sé ferli sem er frá­brugðið hefð­bund­inni til­boðs­sölu. „Sem dæmi er ekki um mat á ein­staka til­boðum eða eig­in­legar samn­inga­við­ræður við ein­staka kaup­endur að ræða þegar almennt útboð eða skrán­ing bréfa fer fram,“ segir í grein­ar­gerð­inni.

Ráð­herr­ann telur því að ekki þurfi að hafa mörg orð um að mál­flutn­ingur stjórn­ar­and­stæð­inga sé bein­línis rang­ur.

Er Bjarni að rugla saman eða vís­vit­andi að blekkja?

Oddný tjáir sig um málið í stöðu­upp­færslu á Face­book sem hún birti rétt í þessu. Þar segir hún að Bjarni sé „eitt­hvað að mis­skilja hlut­verk sitt og Banka­sýsl­unnar varð­andi sölu hluta rík­is­ins í Íslands­banka“.

„Í lög­unum um Banka­sýsl­una er gert ráð fyrir arms­lengd frá ráð­herra um rekstur bank­anna. Í lögum um sölu eign­ar­hluta rík­is­ins í bönk­unum en ábyrgð og hlut­verk ráð­herra bein­línis skrifuð inn. Þar er engin arms­lengd. Fjár­mála­ráð­herr­ann hefur loka­orðið og þarf að sam­þykkja og skrifa undir kauptil­boð­in.

Þessu tvennu virð­ist hann rugla saman nema að hann sé vís­vit­andi að reyna að blekkja okk­ur.“