Stjórn­völd í Hvíta-Rúss­landi eru að und­ir­búa sig fyrir að senda her­menn til Úkra­ínu til stuðn­ings rúss­neska inn­rás­ar­lið­inu. Í frétt Was­hington Post segir að inn­rás Hvít-Rússa gæti jafn­vel haf­ist í dag, mánu­dag. Þetta hefur dag­blaðið eftir banda­rískum emb­ætt­is­manni. Áformin ógna fyr­ir­hug­uðum við­ræðum stjórn­valda í Úkra­ínu og Rúss­landi sem til stendur að eigi sér stað skammt frá landa­mær­unum að Hvíta-Rúss­landi. Volody­myr Zel­en­sky, for­seti Úkra­ínu féllst á við­ræður í gær, þ.e.a.s. að senda sendi­nefnd á fund rúss­neskrar sendi­nefnd­ar.

„Það er núna full­ljóst að stjórnin í Minsk er orðin fram­leng­ing af stjórn­inni í Kreml,“ hefur Was­hington Post eftir emb­ætt­is­mann­in­um.

Fjöl­mið­ill í Kænu­garði var fyrstur til að greina frá áformum Hvít-Rússa og í frétt hans kom fram að flug­vél sem notuð er til her­flutn­inga eigi að flytja fall­hlífa­sveit til Úkra­ínu.

Alex­ander Lúk­asjenkó, for­seti Hvíta-Rúss­lands, er náinn banda­maður Vla­dimírs Pútín Rúss­lands­for­seta.

„Við verðum ánægð ef nið­ur­staða þess­ara við­ræðna verður friður og lok stríðs­ins,“ sagði Sergei Kyslytsya, sendi­herra Úkra­ínu gagn­vart Sam­ein­uðu þjóð­un­um, í yfir­lýs­ingu í gær­kvöldi. „En ég legg áfram áherslu á að við munum ekki gef­ast upp. Við munum ekki gefa tommu af land­svæði okkar eft­ir.“

Rúss­neski her­inn gerði eld­flauga­árásir víða í Úkra­ínu í nótt að sögn for­seta­skrif­stofu lands­ins. Árásir voru gerðar í höf­uð­borg­inni Kænu­garði sem og að minnsta kosti þremur öðrum borg­um. New York Times greinir frá þessu en í frétt blaðs­ins klukkan 6.30 í morgun að íslenskum tíma voru ekki frek­ari upp­lýs­ingar fram komnar um árás­irn­ar.

Úkra­ínski her­inn seg­ist þó hafa náð að hægja á sókn rúss­neskra her­sveita í morg­un. Yfir­maður hers­ins sakar Rússa um að ráð­ast á borg­ara­leg skot­mörk, s.s. flug­velli og aðra mik­il­væga inn­viði sem sé brot á alþjóða­lög­um. „Á sama tíma hafa allar til­raunir rúss­nesku inn­rás­armann­anna til að ná hern­að­ar­legum mark­miðum sínum mis­tekist,“ sagði í til­kynn­ingu frá úkra­ínska hernum nú í morg­un.

Úkra­ína er eitt af okkur

„Úkra­ína er eitt af okkur og við viljum þau inn í sam­band­ið,“ segir Ursula von der Leyen, for­seti fram­kvæmda­stjórnar Evr­ópus­bands­ins. Stjórnin ákvað í gær að senda vopn til Úkra­ínu og að banna rúss­neskum loft­förum að koma inn fyrir landa­mæri ríkja ESB.

Í gær höfðu að minnsta kosti 350 almennir borg­arar í Úkra­ínu fallið að sögn yfir­valda.