Ein­ungis 61,3 pró­sent lands­manna treysta nið­ur­stöðum nýaf­stað­inna þing­kosn­inga vel, 15,4 pró­sent þeirra segj­ast treysta þeim í með­al­lagi en 23,3 pró­sent segj­ast treysta þeim illa. 

Þetta kemur fram í könnun sem Mask­ína fram­kvæmdi dag­anna 27. sept­em­ber til 7. októ­ber síð­ast­lið­inn. Alls voru svar­endur í könn­un­inni 946 tals­ins, af land­inu öllu og yfir 18 ára gaml­ir. Gögnin voru vegin til að end­ur­spegla þjóð­ina út frá kyni, aldri og búset­u. 

Könn­unin sýnir að fólk undir fimm­tugu er lík­legra til að van­treysta nið­ur­stöðum þing­kosn­ing­anna en þeir sem eldri eru. Þá treysta kjós­endur Sjálf­stæð­is­flokks (94,6 pró­sent) og Fram­sókn­ar­flokks (77,3 pró­sent) nið­ur­stöð­unum mun betur en kjós­endur ann­arra flokka en kjós­endur þriðja stjórn­ar­flokks­ins, Vinstri grænna (59 pró­sent), eru ólík­legri til að treysta nið­ur­stöð­un­um. ­Rík­is­stjórnin hélt í kosn­ing­unum og flokk­arnir sem standa að henni eru með 37 þing­menn. Þeir reyna nú að kom­ast að sam­komu­lagi um áfram­hald­andi sam­starf.

Minnst er traustið hjá kjós­endum Sós­í­alista­flokks Íslands, sem náði ekki inn á þing, þar sem 28,4 pró­sent svar­enda sögð­ust treysta nið­ur­stöð­unum og Pírötum þar sem 29,8 pró­sent sögð­ust gera það. 

Með­ferð kjör­gagna ekki full­nægj­andi

Enn liggur ekki ljóst fyrir hverjar end­an­legar nið­ur­stöður kosn­ing­anna verða. Ástæðan er sú að end­ur­taln­ing fór fram í Norð­vest­ur­kjör­dæmi sem sýndi umtals­vert breytta nið­ur­stöðu frá því sem fyrri taln­ing hafði sýnt. Í milli­tíð­inni, frá því að fyrri taln­ingu lauk og þar til sú síð­ari fór fram, var öryggi kjör­gagna ekki trygg­t.  

Af­leið­ing þessa varð meðal ann­ars sú að fimm fram­bjóð­endur sem töldu sig vera orðna jafn­að­ar­sæta­þing­menn misstu þau sæti, og þau fóru til fimm ann­arra fram­bjóð­enda sömu flokka. 

Lands­­kjör­­stjórn greindi frá því á þriðju­dag í síð­ustu viku að ekki hefði borist stað­­fest­ing á því frá yfir­­­kjör­­stjórn Norð­vest­­ur­­kjör­­dæmis að með­­­ferð kjör­­gagna hafi verið full­nægj­andi. Það er í fyrsta sinn í Íslands­­­sög­unni sem slík yfir­­lýs­ing er gefin eftir þing­­kosn­­ing­­ar. Síðar hafa bæst við upp­lýs­ingar sem sýna að víða var pottur brot­inn í fram­kvæmd­inni, meðal ann­ars var for­maður yfir­kjör­stjórnar í kjör­dæm­inu einn með óinn­sigl­uðum kjör­gögnum í 29 mín­útur í aðdrag­anda seinni taln­ing­ar. 

Fjórir af þeim fimm fram­bjóð­endum sem duttu út eftir end­ur­taln­ingu hafa skilað inn kæru til kjör­bréfa­nefndar Alþingis vegna kosn­ing­anna í Norð­vest­ur­kjör­dæmi. 

Und­ir­bún­ings­kjör­bréfa­nefnd er nú að störfum og reynir að kom­ast að nið­ur­stöðu um kjör­bréf þing­manna. Mögu­leik­arnir sem hún stendur frammi fyrir er að láta fyrstu taln­ingu gilda, láta end­ur­taln­ing­una gilda, láta fara fram upp­kosn­ingu í Norð­vest­ur­kjör­dæmi eða láta kjósa upp á nýtt á öllu land­inu.