Síld­ar­vinnsl­unni var gert að greiða 64,3 millj­ónir króna í við­bót­ar­skatt­greiðslur fyrr á þessu ári eftir að Skatt­ur­inn fram­kvæmdi svo­kallað stór­fyr­ir­tækja­eft­ir­lit á skatt­skilum fyrri ára hjá félögum í sam­stæðu henn­ar. Frá þessu er greint í árs­hluta­reikn­ingi Síld­ar­vinnsl­unnar sem skilað var inn til Kaup­hallar Íslands í síð­ustu viku. 

Þar segir enn fremur að eft­ir­lits­að­gerðum sé að fullu lokið hjá Síld­ar­vinnsl­unni og dótt­ur­fé­lagi hennar Run­ólfi Hall­freðs­syni, en að hluta hjá öðru dótt­ur­fé­lagi, Berg­i-Hug­inn. Við­bót­ar­skatt­greiðslan gjald­færð í bókum Síld­ar­vinnsl­unnar á öðrum árs­fjórð­ungi yfir­stand­andi árs. 

Rekstr­ar­tekjur Síld­ar­vinnsl­unnar á fyrri hluta árs­ins 2021 voru um 5,8 millj­arðar króna. Hagn­aður félags­ins var 3,9 millj­arðar króna og skýrist að stórum hluta af því að félag utan um stóran hlut í trygg­inga­fé­lag­inu Sjóvá var fluttur til hlut­hafa hennar með arð­greiðslu í aðdrag­anda skrán­ingar Síld­ar­vinnsl­unnar á markað fyrr á árinu. Bók­fært verð félags­ins, SVN eigna­fé­lags, var 3,7 millj­arðar króna en verð­mæti hans á arð­greiðslu­degi var 2,9 millj­örðum krónum meira. Sá munur bók­færð­ist því sem hagn­að­ur.

EBITDA-hagnaður Síld­ar­vinnsl­unn­ar, hagn­aður fyrir afskrift­ir, skatta og fjár­magns­gjöld, var þó einnig hár eða 1,6 millj­arðar króna. Það þýðir að 28 pró­sent af rekstr­ar­tekjum sat eftir sem slíkur hagn­að­ur­. Loðnu­veið­ar, sem höfðu ekki átt sér stað tvö ár á und­an, vigt­uðu þungt í þeirri afkomu.

Afla­heim­ildir verð­mætasta eignin

Eignir Síld­ar­vinnsl­unnar eru metnar á sam­tals 74,4 millj­arðar króna, skuldir 26,2 millj­arða króna og eigið fé sam­stæð­unnar var 48,2 millj­arðar króna. 

Útgerð­ar­fé­lagið er að stærstum hluta í eigu Sam­herja og Kjálka­ness, félags í eigu fjöl­skyld­una sem á útgerð­ar­fyr­ir­tækið Gjög­ur, sem eiga sam­tals 54,37 pró­sent. 

Verð­mætasta bók­færða eignin sem Síld­ar­vinnslan heldur á eru afla­heim­ild­ir. Þær eru bók­færðar á 34 millj­arða króna. Ef miðað er við mark­aðsvirði kvóta, út frá síð­ustu gerðu við­skiptum með afla­heim­ildir sem dótt­ur­fé­lag Síld­ar­vinnsl­unnar gerði, þá er ætti mark­aðs­verð allra afla­heim­ilda sem úthlutað hefur verið að vera 1.195 millj­arðar króna. Miðað við Síld­ar­vinnslan og dótt­ur­fé­lög hennar haldi á 7,7 pró­sent af úthlut­uðum kvóta, sam­kvæmt síð­ustu birtu upp­lýs­ingum Fiski­stofu, þá má ætla að mark­aðsvirði hans sé 92 millj­arðar króna. Eða 58 millj­örðum krónum yfir bók­færðu virð­i. 

Til að setja þessa tölu í betra sam­hengi þá má nefna að heild­ar­mark­aðsvirði Síld­ar­vinnsl­unnar er 119 millj­arðar króna. Upp­lausn­ar­virði kvót­ans sem félagið heldur á er því næstum 80 pró­sent af mark­aðsvirði Síld­ar­vinnsl­unn­ar.

Afhend­ing hluta­bréfa til starfs­manna

Í árs­hluta­upp­gjör­inu er einnig greint frá því að skrán­ing við sér­fræði­þjón­ustu vegna hluta­fjár­út­boðs Síld­ar­vinnsl­unnar í maí, þar sem 26,3 pró­sent hlutur í félag­inu var seldur og það síðan skráð á mark­að, hafi numið um 120 millj­ónum króna. 

Auk þess er til­greint að gjald­færður launa­kostn­aður vegna afhend­ingu eigin hluta­bréfa til starfs­manna hafi numið um 325 millj­ónum króna hjá sam­stæð­unni. Það hafi verið bæði um að ræða afhend­ingu bréfa til starfs­manna og launa­bónus egna skatta­á­hrifa þeirra. 

Heild­ar­gjald­færsla við útboðið sem færð var í rekstr­ar­reikn­ing vegna aðkeyptrar sér­fræði­þjón­ustu, afhend­ingu hluta­bréfa til starfs­manna og launa­bónusa svo að þeir starfs­menn þyrftu ekki að greiða skatt af þeim hluta­bréfum nam því sam­tals um 445 millj­ónum króna.