Andre Borschberg, flug­maður sól­ar­orkuknúnu flug­vél­ar­innar Solar Impulse II, setti í dag heims­met í ein­menn­ings­flugi þegar hann flaug stans­laust í fjóra daga, 21 klukku­stund og 52 mín­útur frá Japan til Hawaii.

Metið sló Borschberg raunar í gær því fyrra metið átti Steve Fossett. Það var sett árið 2006 þegar Fosset flaug umhverfis jörð­ina á 76 klukku­stundum og 45 mín­út­um.

Borschberg og félagi hans Bertrand Piccard fljúga nú umhverfis jörð­ina í sól­ar­orkuflug­vél sinni án þess að nota dropa af elds­neyti. Vélin er búin 17.000 sól­ar­sellum sem hlaða raf­hlöður vél­ar­innar á dag­inn. Væng­haf vél­ar­innar er meira en á júm­bó­þotu og hún vegur aðeins 2,3 tonn.

Ferð þeirra hófst í Abu Dhabi í mar­s og hafa þeir skipts á að fljúga í allt að 20 tíma í einu. Ferðin yfir Kyrra­hafið til Hawai­i var ­lengsti og hættu­leg­asti leggur ferð­ar­innar og þess vegna hafði Borschberg með sér fall­hlíf og björg­un­ar­bát ef hann hefði þurft að kasta sér frá borði.

Hann fékk lítið að hvíl­ast þessa tæpa fimm sól­ar­hinga sem hann var á flugi; aðeins 20 mín­útur í einu. Hann var því að vonum þreyttur við kom­una til Hawaii. Nú tekur við annað eins fyrir Piccard sem flýgur svip­aða vega­lengd frá Hawaii til Phe­onix í Arizona.

„Þegar ég hóf þetta verk­efni fyrir 14 árum hafði ég hug­myndir um að geta flogið dag og nótt án þess að nota elds­neyti. Þetta er því eitt af mik­il­væg­ustu augna­blikum lífs míns,“ sagði Piccard við fjöl­miðla.

Ferðin hefur ekki gengið áfalla­laust fyrir sig enda þarf að nýta hvern sól­ar­geisla sem býðst. Vél­inni er því í raun flogið þar sem sólin skín og brott­för frestað vegna óhag­stæðra skil­yrða. Flug­hraði vél­ar­innar er jafn­framt aðeins einn sjötti af flug­hraða Boein­g-far­þega­þotu.

Hér má fylgj­ast með ferð Solar Impul­se-­vél­ar­inn­ar, lesa af mælum hennar og kanna ástand flug­manns­ins.