Grein­ing­ar­deild Arion banka spáir því að Pen­inga­stefnu­nefnd Seðla­banka Íslands muni hækkað stýri­vexti um 0,5 pró­sentu­stig og um 1,25 pró­sentu­stig það sem eftir lifir árs. Þá verði stýri­vextir komnir í 6,25 pró­sent og verð­bólga verði um þrjú pró­sent, en verð­bólgu­mark­mið Seðla­banka Íslands er 2,5 pró­sent.

Í síð­ustu yfir­lýs­ingu Pen­inga­stefnu­nefnd­ar, í júní, eftir að línur höfðu tek­ist að skýr­ast í kjara­samn­ing­um, sagði: „Enn fremur virð­ist ein­sýnt að hækka þurfi vexti umtals­vert í ágúst og frekar á kom­andi miss­erum eigi að tryggja stöðugt verð­lag til lengri tíma lit­ið.“ Síðan þá hafa verð­bólgu­horfur ekki breyst stór­vægi­lega, að mati grein­ing­ar­deild­ar. „Enn er tals­verður upp­gangur víða í hag­kerf­inu og inn­streymi fjár­magns, sem birt­ist í um 70 ma.kr. gjald­eyr­is­kaupum Seðla­bank­ans frá síð­asta vaxta­á­kvörð­un­ar­fundi, ýtir enn frekar undir eft­ir­spurn í hag­kerf­in­u,“ að því er segir í umfjöllun grein­ing­ar­deildar Arion banka. Þá er enn óvíst hvernig skatta­lækk­anir og boð­aðar aðgerðir stjórn­valda í hús­næð­is­málum verða fjár­magn­aðar en pen­inga­stefnu­nefnd sagði í júní að bank­inn myndi „grípa til við­eig­andi aðgerða til mót­vægis ef þörf kref­ur“.

Þá segir grein­ing­ar­deildin að verð­bólgu­horfur hafi heldur batn­að, frá síð­asta fundi. „Horfur um inn­flutta verð­bólgu hafa batnað frá síð­asta fundi, sér­stak­lega vegna lækk­andi heims­mark­aðs­verðs á olíu, sem grein­ing­ar­að­ilar telja að muni ekki snú­ast við á næst­unni. Frá því að pen­inga­stefnu­nefnd gaf síð­ast frá sér til­kynn­ingu hefur heims­mark­aðs­verð á hrá­olíu (Brent) lækkað um 24% mælt í íslenskum krónum og koma áhrif þess á inn­lent verð­lag fram með töf­um. Minni inn­flutt verð­bólga og lægra olíu­verð hækkar raun­vaxta­stig að öllu óbreyttu svo Seðla­bank­inn mun lík­lega hækka vexti minna og/eða hægar vegna þessa,“ segir í umfjöllun grein­ing­ar­deild­ar­inn­ar.