Spyr forsætisráðherra hvort Bjarni hafi verið vanhæfur og hvort Lilja hafi brotið siðareglur

Þingmaður Viðreisnar vill að forsætisráðherra svari með hvaða rökum hún hafi hafnað viðvörunarorðum Lilju Alfreðsdóttur um söluna á hlut í Íslandsbanka og með hvaða rökum hún hafi fallist á þá aðferð sem Bjarni Benediktsson lagði til um hana.

Þorbjörg Sigríður Gunnlaugsdóttir, þingmaður Viðreisnar.
Þorbjörg Sigríður Gunnlaugsdóttir, þingmaður Viðreisnar.
Auglýsing

Þor­björg Sig­ríður Gunn­laugs­dótt­ir, þing­maður Við­reisn­ar, hefur beint skrif­legri fyr­ir­spurn til Katrínar Jak­obs­dóttur for­sæt­is­ráð­herra þar sem hún spyr hana meðal ann­ars um hvort til­efni hafi verið fyrir Bjarna Bene­dikts­son, fjár­mála- og efna­hags­ráð­herra, að víkja sæti við með­ferð á sölu á hlut rík­is­ins Íslands­banka vegna sjón­ar­miða um van­hæfi.

Þor­björg fjallar um fyr­ir­spurn­ina í færslu á Twitter og birtir þar með skjá­skot af umfjöllun Vísis um við­tal við Bjarna í Sprengisandi á Bylgj­unni í gær­morgun sem ber fyr­ir­sögn­ina: „Bjarni um pabba sinn: „Var honum bannað að kaupa?““. Er þar vísað í að félagið Haf­silf­ur, í eigu Bene­dikts Sveins­sonar föður Bjarna, var á meðal þeirra 207 fag­fjár­festa sem fengu að kaupa hluti rík­is­ins í Íslands­banka sem seldir voru í lok­uðu útboði 22. mars síð­ast­lið­inn.

Fyr­ir­spurn Þor­bjargar er alls í fjórum lið­um. Í henni spyr hún for­sæt­is­ráð­herra einnig um gagn­rýni Lilju Alfreðs­dótt­ur, ferða­mála- við­skipta- og menn­ing­ar­mála­ráð­herra, sem hefur sagt opin­ber­lega að hún hafi verið mót­fallin þeirri aðferð sem beitt var við sölu á bréf­unum í Íslands­banka, til val­ins hóps fjár­festa, og að fátt hefði komið henni á óvart um það hver útkoman varð. Lilja hefur auk þess sagt að hún hafi komið þessum sjón­ar­miðum fram í aðdrag­anda útboðs­ins, en for­sæt­is­ráð­herra á móti bent á að Lilja hafi ekki bókað neitt um and­stöðu hennar á fundum ráð­herra­nefndar um efna­hags­mál sem þær sitja báðar í. Þor­björg spyr Katrínu með hvaða rökum hún hafi hafnað sjón­ar­miðum og við­vör­un­ar­orðum Lilju og með hvaða rökum hún hafi fall­ist á þá aðferð sem Bjarni lagði til um fyr­ir­komu­lag söl­unn­ar. 

Auglýsing
Þá spyr Þor­björg for­sæt­is­ráð­herra hvort hún telji að Lilja hafi gerst brot­leg við siða­reglur ráð­herra með því að upp­lýsa ekki um sjón­ar­mið sín fyrr en eftir að útboðið var afstað­ið, en siða­reglur ráð­herra mæla fyrir um að ráð­herra leyni ekki upp­lýs­ingum sem varða almanna­hag nema lög bjóði eða almanna­hags­munir krefj­ist þess.

Að end­ingu spyr hún hvers vegna látið hafi verið hjá líða að fara að þeim skil­yrðum laga um sölu­með­ferð á eign­ar­hluta rík­is­ins í fjár­mála­fyr­ir­tækjum um sam­keppni sem raktar eru í meg­in­reglum lag­anna. Þar segir meðal ann­ars að gæta skuli þess að skil­yrði þau sem til­boðs­gjöfum eru sett séu sann­gjörn og að þeir njóti jafn­ræð­is.

Sam­kvæmt þing­skap­a­lögum hefur for­sæt­is­ráð­herra 15 virka daga til að svara skrif­legum fyr­ir­spurn­um. 

Öllum mark­miðum náð

Fjár­mála- og efna­hags­ráðu­neytið birti lista yfir þá 207 aðila sem fengu að kaupa 22,5 pró­sent hlut íslenska rík­is­ins í Íslands­banka í lok­uðu útboði með til­boðs­að­ferð, þar sem hlut­irnir voru seldir 2,25 millj­örðum króna undir mark­aðsvirði þrátt fyrir að umfram­eft­ir­spurn hafi verið næstum tvö­föld. 

Við birt­ingu list­ans kom í ljós að félag föður Bjarna hafði keypt hlut fyrir tæp­lega 55 millj­ónir króna. Bjarni sagði í kjöl­farið við Morg­un­blaðið að hann hafi ekki haft vit­neskju um þátt­töku föður síns. Hann sagði við Frétta­stofu Stöðvar 2, Bylgj­unnar og Vísis að hann hefði beðið sitt nán­asta fólk um að taka ekki þátt og að það hefði komið sér á óvart að sjá föður sinn á meðal kaup­enda. 

Í við­tali við Sprengisand á Bylgj­unni í gær­morgun var Bjarni svo aftur spurður út í kaup föður síns og svar­aði með eigin spurn­ingu: „Var honum bannað að kaupa?“ Í því við­tali sagði hann enn­fremur að öllum mark­miðum með söl­unni hafi verið náð en gagn­rýndi stjórn­ar­and­stöð­una og fjöl­miðla harð­lega fyrir þeirra umfjöllun um banka­söl­una. 

Sagði Lilju ekki hafa bókað neitt

Lilja sagði í Morg­un­­­blað­inu í 11. apríl að hún hefði ekki verið hlynnt þeirri aðferða­fræði sem var beitt við sölu á 22,5 pró­­­sent hlut í Íslands­­­­­banka 22. mars síð­­­ast­lið­inn. Hún hafi viljað almennt útboð, en ekki að bréf­in yrðu seld til val­ins hóps fjár­­­­­­­festa. Lilja, sem er einn þriggja ráð­herra rík­­­is­­­stjórnar sem situr í ráð­herra­­­nefnd um efna­hags­­­mál og end­­­ur­­­skipu­lagn­ingu fjár­­­­­mála­­­kerf­is­ins, sagð­ist hafa komið þeim sjón­­­­­ar­miðum sínum skýrt á fram­­­færi í aðdrag­anda útboðs­ins. „Ég hef alltaf talið skyn­­­­sam­­­­legt að taka lít­il og hæg­fara skref. Hafa vaðið fyr­ir neðan sig. Ekki ein­blína á verð, held­ur gæði fram­­­tíð­­­ar­­eig­enda. Önnur leið var hins veg­ar val­in og því miður er fátt sem kem­ur á óvart í þessu máli og hver út­kom­an varð.“ 

Auk Lilju sitja Bjarni og Katrín í ráð­herra­­­nefnd­inni. Sú nefnd á meðal ann­­­ars að vera stefn­u­­­mót­andi við upp­­­­­bygg­ingu fjár­­­­­mála­­­kerf­is­ins auk þess sem henni er ætlað að vera „vett­vangur sam­ráðs og sam­ræm­ingar við end­­­ur­­­skoðun fjár­­­­­mála­­­kerf­is­ins í sam­ræmi við þá áherslu í sátt­­­mála rík­­­is­­­stjórnar að breið sátt náist um end­­­ur­­­skipu­lagn­ingu fjár­­­­­mála­­­kerf­is­ins á Ísland­i“.

Katrín brást við gagn­rýni Lilju með því að segja að hún hafi ekki óskað að færa neitt til bókar um sölu­­ferli á hlut Íslands­­­banka þegar málið var rætt í rík­­is­­stjórn og ráð­herra­­nefnd um efna­hags­­mál.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Úlfar Þormóðsson
Uppvakningar
Kjarninn 25. júní 2022
Ingrid Kuhlman
Að hlakka til einhvers er næstum jafn gott og að upplifa það
Kjarninn 25. júní 2022
Niðurhal Íslendinga stóreykst milli ára
Íslendingar notuðu 25 prósent meira gagnamagn á farsímaneti í fyrra en árið áður og 21 prósent meira gagnamagn í gegnum fastanet. Tæplega 76 prósent notenda á fastaneti eru nú með ljósleiðaratengingu, en þeir voru þriðjungur 2016.
Kjarninn 25. júní 2022
Af kosningavöku Framsóknarflokksins í fyrrahaust.
Framsókn hirti kjósendur í stórum stíl frá hinum stjórnarflokkunum og Miðflokki
Fylgisaukning Framsóknar í síðustu kosningum var tekin frá samstarfsflokkunum í ríkisstjórn og klofningsflokki. Átta hverjum tíu kjósendum Sjálfstæðisflokks voru úr kjarnafylginu. Framboð Sósíalista hafði neikvæð áhrif á fylgi Vinstri græna og Pírata.
Kjarninn 25. júní 2022
Hraðtíska nær nýjum hæðum með tilkomu tískurisans Shein
Kínverska fatafyrirtækið Shein hefur vaxið gríðarlega á undanförnum árum og er í dag eitt stærsta tískuvörufyrirtæki í heimi. Umhverfissinnar benda á að fötin séu úr svo litlum gæðum að oft séu þau aðeins notuð í eitt skipti áður en þau enda í ruslinu.
Kjarninn 25. júní 2022
Auður Önnu Magnúsdóttir
Af hverju nýta Íslendingar raforkuna sína svo illa?
Kjarninn 25. júní 2022
Sjö molar um seðlabankavexti úti í heimi
Verðbólga veldur því að vaxtalækkanir faraldursins eru að ganga til baka, víðar en hér á Íslandi. Kjarninn tók saman nokkra fróðleiksmola um þróun mála í ríkjum bæði nær og fjær.
Kjarninn 25. júní 2022
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Meira úr sama flokkiInnlent