Staða faraldursins og erlendir listar hafa ekki haft mikil áhrif: „Sjö, níu, þrettán“

Þegar ný bylgja kórónuveirusmita var að rísa lýstu talsmenn fyrirtækja í ferðaþjónustu yfir áhyggjum af því að Ísland færðist inn á „rauða lista“ erlendis. Áhrifin af því hafa verið hverfandi, þó enn sé „spurning hvernig Ameríkaninn bregst við“.

Það hefur ekki verið mikið um afbókanir erlendra ferðamanna eftir að smitum tók að fjölga innanlands.
Það hefur ekki verið mikið um afbókanir erlendra ferðamanna eftir að smitum tók að fjölga innanlands.
Auglýsing

Full­trúar fyr­ir­tækja í ferða­þjón­ustu, sem nýlega lýstu yfir miklum áhyggjum af því að Ísland yrði „rautt land“ með til­liti til stöðu far­ald­urs­ins inn­an­lands, segja við Kjarn­ann nú þegar Ísland er orðið rautt á korti Sótt­varna­stofn­unar Evr­ópu og komið á lista yfir lönd sem banda­ríska sótt­varna­stofn­unin mælir gegn ferða­lögum til, að áhrifin af vexti far­ald­urs­ins inn­an­lands á vilja ferða­manna til að koma hingað séu enn sem komið er hverf­andi.

„Sjö, níu, þrett­án,“ segir Stein­grímur Birg­is­son fram­kvæmda­stjóri Bíla­leigu Akur­eyrar og Hölds. Hann sagði við Morg­un­blaðið fyrir rúmum tveimur vikum að ef Ísland yrði „allt í einu rautt“ og talið háá­hættu­svæði myndi það hafa miklar afleið­ing­ar.

Að hans sögn ber ekki mikið á þeim enn, utan þess að ferða­menn frá Ísr­ael hafi verið að afbóka bíla­leigu­bíla. Á morgun bæt­ist Ísland nefni­lega á lista yfir háá­hættu­svæði í Ísr­ael og þá munu allir þurfa að fara í sótt­kví eftir að þeir koma til Ísr­ael eftir Íslands­ferð, jafnt bólu­settir sem óbólu­sett­ir.

Banda­ríkja­menn hafa verið meiri­hluti erlendri ferða­manna sem til lands­ins koma það sem af er ári og nú mælir sótt­varna­stofn­unin þar í landi gegn ferða­lögum til Íslands, bæði fyrir bólu­setta og óbólu­setta. Það á eftir að koma í ljós hvaða áhrifi þessi til­mæli munu hafa, en þau má kalla sam­bæri­leg við þau sem emb­ætti sótt­varna­læknis hefur gefið út hér á landi. Sam­kvæmt til­mæl­unum hér­lendis er heim­ur­inn all­ur, utan reyndar Græn­lands, skil­greindur sem áhættu­svæði.

Stein­grímur segir að allir í grein­inni hafi haft áhyggjur af því að staða far­ald­urs­ins á Íslandi gæti orðið enn eitt áfallið fyrir ferða­þjón­ust­una, sem hafi tekið á sig ítrekuð högg það sem af er far­aldr­in­um. „Af reynslu und­an­far­ins árs þá eru menn alltaf stress­aður og hrædd­ir,“ segir fram­kvæmda­stjór­inn.

„Það er smá titr­ing­ur“

Davíð Torfi Ólafs­son, fram­kvæmda­stjóri Íslands­hót­ela, stærstu hót­el­keðju lands­ins, segir að áhrifin af risi far­ald­urs­ins hér­lendis eigi ef til vill eftir að koma í ljós, en í sam­tali við Morg­un­blaðið þann 24. júlí sagði hann að það væri lita­kóð­inn sem þetta allt sner­ist um í raun og veru, staða far­ald­urs­ins á Íslandi væri áhyggju­efni fyrir ferða­þjón­ust­una.

„Það hefur ekki verið að koma hrina af afbók­unum yfir okk­ur,“ segir Dav­íð, en nefnir þó að það hafi hægst á bók­unum und­an­farnar vik­ur, eftir að bók­anir inn í haustið og vetur hafi áður verið komnar á gott skrið.

Auglýsing

„Það er smá titr­ing­ur,“ segir Davíð og nefnir að stærri verk­efni sem verið hafi verið fyr­ir­huguð hér á landi, til dæmis kvik­mynda­verk­efni og fleira slíkt, séu mögu­lega í óvissu. Fólk sé að velta fyrir sér hlut­un­um, en ekki búið að afbóka.

Davíð seg­ist telja að ferða­skrif­stofur séu dug­legar að upp­lýsa sína við­skipta­vini um að bólu­setn­ing sé útbreidd á Íslandi og er von­góður um að ferða­menn sem hafa verið að koma til lands­ins und­an­farna mán­uði haldi áfram að skila sér. Þannig sé Ísland til dæmis enn „grænt“ í bókum Bret­lands og þaðan muni ferða­menn koma, sömu­leiðis frá Þýska­landi og víðar að úr Evr­ópu, auk Banda­ríkj­anna. Asíu­mark­að­ur­inn er hins vegar alveg í frosti og ólík­legt að það breyt­ist fyrr en í fyrsta lagi á næsta ári, að sögn Dav­íðs.

Fleira gæti komið til en bara staða far­ald­urs­ins inn­an­lands

Snorri Pétur Egg­erts­son, fram­kvæmda­stjóri sölu- og mark­aðs­sviðs Kea­hót­ela, sagði Mogg­anum fyrir rúmum tveimur vikum að hann teldi það gera Ísland að væn­legum áfanga­stað að landið væri búið að vera „grænt“ og hefði verið það í langan tíma.

Hann segir núna í sam­tali við Kjarn­ann að það sé ljóst að frá því að fréttir af delta-af­brigði veirunnar fóru að taka meira pláss í umræð­unni hafi eitt­hvað verið um afbók­anir og hægst hafi á sölu.

Þó sé ekki alveg ljóst hvað sé að valda því að það hægist á bók­un­um, ann­ars vegar gæti delta-af­brigðið og staðan hér inn­an­lands og raunar á erlendum mark­aðs­svæðum líka verið að hafa áhrif. Hins vegar sé komið fram í enda sum­ars, hót­elin séu orðin nokkuð vel bókuð og verðið aðeins orðið hærra, sem hafi líka áhrif.

Ferðamenn við Skógafoss. Mynd: Sunna Ósk Logadóttir

Hann seg­ist merkja að afbók­anir séu algeng­ari á þriggja stjörnu hót­elum en þeim sem eru með fleiri stjörnur og að svo virð­ist sem ein­stak­lingar séu fremur að halda sínum ferða­á­ætl­unum til streitu en hópar í skipu­lögðum ferð­um. Hann segir þessa til­gátu þó byggja á frekar tak­mörk­uðum gögn­um.

Snorri segir ferða­menn frá Evr­ópu hafa verið að halda sig við sínar bók­anir að mestu þrátt fyrir að breytta stöðu Íslands á evr­ópska sótt­varna­kort­inu. „Svo er spurn­ing hvernig Amer­ík­an­inn bregst við þegar við erum komin í efsta þrep hjá þeim.“

Hann segir að nú séu þess merki að fólk sé að bóka ferðir með skömmum fyr­ir­vara, kannski tveimum vikum fyrir kom­una til lands­ins eða jafn­vel skemmri fyr­ir­vara. Dregið hafi úr bók­unum fram í tím­ann, sem juk­ust tölu­vert í sum­ar.

„Fólk er ekki að bóka fram í tím­ann og kannski þorir því ekki,“ segir Snorri, sem segir þó flestar bók­anir Kea­hót­ela þannig að þær séu sveigj­an­legar fyrir kúnn­ann og end­ur­greið­an­legar að fullu fram á síð­ustu stundu. Fáir kjósi að greiða ein­hverjum þús­und­köllum minna fyrir gist­ing­una ef það þýði að hún fáist ekki end­ur­greidd.

Hann segir þetta hald­ast í hendur við það sem flug­fé­lögin sem fljúga til lands­ins séu að gera, þau bjóði upp á sveigj­an­lega skil­mála og leyfi fólki að fresta flug­inu sínu eftir henti­semi.

„Þá ertu að taka þessa pressu af fólki og það er ekki að tapa pen­ingn­um. Það er engum greiði gerður með að vera harð­ur,“ segir Snorri.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Á meðal íbúða sem Bjarg leigufélag, sem er óhagnaðardrifið, hefur byggt og leigir nú út eru íbúðir við Hallgerðargötu í Laugarneshverfi.
Þeir sem leigja af óhagnaðardrifnum leigufélögum mun ánægðari en aðrir
Uppbygging almennra íbúða í gegnum óhagnaðardrifin leigufélög hefur aukið verulega framboð á húsnæði fyrir fólk með lágar tekjur. Leigjendur í kerfinu eru mun ánægðari en aðrir leigjendur og telja sig búa við meira húsnæðisöryggi.
Kjarninn 18. október 2021
Húsnæði Seðlabanka Íslands
Gagnrýnir skarpa hækkun sveiflujöfnunaraukans
Dósent í fjármálum við Háskóla Íslands segir mikla hækkun á eiginfjárkröfum fjármálafyrirtækja ekki vera í samræmi við eigið áhættumat Seðlabankans og úr takti við helstu samanburðarlönd.
Kjarninn 17. október 2021
Búinn að eyða 500 til 600 klukkustundum samhliða fullri dagvinnu í eldgosið
Ljósmyndabókin „Í návígi við eldgos“ inniheldur 100 tilkomumestu og skemmtilegustu myndirnar úr ferðum Daníels Páls Jónssonar að eldgosinu í Fagradalsfjalli. Hann safnar nú fyrir útgáfu hennar.
Kjarninn 17. október 2021
Þótt ferðamenn séu farnir að heimsækja Ísland í meira magni en í fyrra, og störfum í geiranum hafi samhliða fjölgað, er langur vegur að því að ferðaþjónustan skapi jafn mörg störf og hún gerði fyrir heimsfaraldur.
Langtímaatvinnuleysi 143 prósent meira en það var fyrir kórónuveirufaraldur
Þótt almennt atvinnuleysi sé komið niður í sömu hlutfallstölu og fyrir faraldur þá er atvinnuleysið annars konar nú. Þúsundir eru á tímabundnum ráðningastyrkjum og 44 prósent atvinnulausra hafa verið án vinnu í ár eða lengur.
Kjarninn 17. október 2021
Eiríkur Ragnarsson
Af hverju er aldrei neitt til í IKEA?
Kjarninn 17. október 2021
Karl Gauti Hjaltason er oddviti Miðflokksins í Suðvesturkjördæmi.
„Það er búið að eyðileggja atkvæðin í þessu kjördæmi“
Atkvæðin í kosningunum í Norðvesturkjördæmi „eru því miður ónýt,“ segir Karl Gauti Hjaltason, fyrrverandi sýslumaður og „vafaþingmaður“ Miðflokksins. „Það getur enginn í raun og veru treyst því að ekki hafi verið átt við þessi atkvæði“.
Kjarninn 17. október 2021
Gabby Petito
Verður morðið á Gabby Petito leyst á TikTok?
Margrét Valdimarsdóttir, doktor í afbrotafræði, segir enga ástæðu til að óttast breyttan veruleika við umfjöllun sakamála en mikilvægt sé að að gera greinarmun á sakamálum sem afþreyingu og lögreglurannsókn.
Kjarninn 17. október 2021
Lars Løkke fyrrverandi forsætisráðherra Danmerkur og formaður í Venstre.
Klækjarefurinn Lars Løkke ekki á förum úr pólitík
Þegar Lars Løkke Rasmussen sagði af sér formennsku í danska Venstre flokknum 2019 töldu margir að dagar hans í stjórnmálum yrðu brátt taldir. Skoðanakannanir benda til annars, nýstofnaður flokkur Lars Løkke nýtur talsverðs fylgis kjósenda.
Kjarninn 17. október 2021
Meira úr sama flokkiInnlent