Rann­sókn­ar­nefnd í Hollandi hefur stað­fest að flug­vél MH 17 var skotin niður með flug­skeyti þegar hún fórst í Úkra­ínu, í júlí í fyrra. Frá þessu er greint á vef breska rík­is­út­varps­ins BBC. Allir um borð, 298 tals­ins, lét­ust. Ekki liggur fyrir með stað­festri rann­sókn úr röðum hverra flug­skeytið kom, en Úkra­ínu­menn og þjóð­höfð­ingjar Vest­ur­landa hafa sagt lík­leg­ast að það hafi verið upp­reisn­ar­hópar sem njóta stuðn­ings og verndar Rússa, sem hafi skotið vél­ina nið­ur. Þessu hafa Rússar alfarið neit­að.

Flug­vél­in, sem var á leið frá Amster­dam til Kuala Lump­ur, fórst inn á svæði sem Úkra­ínu­menn og Rúss­ar, auk upp­reisn­ar­hópa, höfuð barist í hörðum bar­dög­um. Flestir þeirra sem létu­st, 196 tals­ins, voru Hol­lend­ing­ar, en þeir sem lét­ust komu frá tíu lönd­um. Meðal ann­ars þess vegna var skipuð rann­sókn­ar­nefnd í Hollandi sem fór nákvæm­lega yfir allar upp­lýs­ingar sem fyrir lágu, og rann­sak­aði brot úr vél­inni í sjálf­stæðri rann­sókn.

Hol­lensk stjórn­völd hafa nú boðað saka­mála­rann­sókn á mál­inu, og verður því fylgt eftir af fullum þunga, af því er segir í umfjöllun breska rík­is­út­varps­ins BBC.