Stjórn KSÍ öll búin að segja af sér

Ákveðið var á stjórnarfundi í dag að flýta aðalþingi KSÍ og halda það innan fjögurra vikna. Öll stjórn sambandsins hefur sagt af sér.

36-utgafa_14085092642_o.jpg
Auglýsing

Stjórn Knatt­spyrnu­sam­bands Íslands (KSÍ) sam­þykkti á fundi sínum í dag að boða með fjög­urra vikna fyr­ir­vara til auka­þings í sam­ræmi við 13. grein laga KSÍ. Stjórn, vara­full­trúar og lands­hluta­full­trúar ákváðu á sama tíma að segja af sér og munu skila umboði sínu í síð­asta lagi þegar til auka­þingis kem­ur. Ásgeir Ásgeirs­son stjórn­ar­maður til­kynnti fyrr í kvöld að hann segi sig frá trún­að­ar­störfum fyrir KSÍ sam­stund­is. Í pistli sem hann rit­aði á Face­book sagði Ásgeir að „drullan hafi dunið yfir“ hann án þess að hann hefði gert nokkuð af sér. „Ég get ekki boðið mér og minni fjöl­skyldu uppá þann við­bjóð sem hefur verið sagt um okkur í stjórn KSÍ.“

Klara Bjart­marz, fram­kvæmda­stjóri KSÍ, ætlar að gegna starfi sínu áfram en skorað hafði verið á hana að segja einnig af sér. Hún stað­festi það í tíu­fréttum RÚV í kvöld.

„Þessi nið­ur­staða er í sam­ræmi við áskor­anir Íslensks Topp­fót­bolta, óskir full­trúa félaga sem sent hafa áskorun um auka­þing og þrýst­ing frá sam­fé­lag­inu. Stjórnin hefur fundað með for­seta ÍSÍ um fram­gang máls­ins og um það hvernig best verður haldið um starf­semi KSÍ fram að auka­þingi svo starf­semin hald­ist órof­in. Fundað verður með full­trúum UEFA og FIFA um stöðu máls­ins og fyr­ir­huguð stjórn­ar­skipti þannig að ekki þurfi að koma til afskipta knatt­spyrnu­sam­band­anna að starf­semi sam­bands­ins.“

Þetta kemur fram í til­kynn­ingu frá KSÍ. Þar segir einnig að vinna fag­hóps um end­ur­skoðun við­bragða við kyn­ferð­is­brotum og ofbeldi innan hreyf­ing­ar­innar og hvernig staðið var og verður að stuðn­ingi við þolendur verði áfram í for­gangi.

Auglýsing
Í gær var til­kynnt að Guðni Bergs­son, for­maður KSÍ, myndi segja af sér í kjöl­far mik­illar umræðu eftir að frá­sagnir af kyn­ferð­is­of­beldi og áreitni lands­liðs­manna í knatt­spyrnu komu upp á yfir­borð­ið. Þjar­mað var að KSÍ í kjöl­farið en sam­bandið neit­aði ítrekað að slík mál hefðu „komið á þeirra borð“. Guðni sagði sjálfur við Frétta­blaðið að þau hefðu ekki fengið neinar til­kynn­ingar né ábend­ingar um slíkt inn á þeirra borð síðan hann tók við for­mennsku en hins vegar væru þau með­vituð um frá­sagnir á sam­fé­lags­miðl­um.

Ung kona steig hins vegar fram í við­tali við RÚV á föstu­dags­kvöldið og greindi frá því að hún hefði orðið fyrir ofbeldi og grófri kyn­ferð­is­legri áreitni af hálfu lands­liðs­manns í knatt­spyrnu árið 2017. Hún sagði einnig frá sam­skiptum við KSÍ á sínum tíma og furð­aði sig á að for­maður KSÍ full­yrti að engin til­kynn­ing hefði borist sam­band­inu um kyn­ferð­is­brot leik­manna. Konan sagði að lög­maður á vegum KSÍ hefði boðið henni þagn­ar­skyldu­samn­ing sem hún hafn­aði.

KSÍ neit­aði síðar um kvöldið að umræddur lög­maður hefði verið á þeirra vegum en hún stóð föst á sínu.

Til­kynntu í gær að þau ætl­uðu að sitja áfram

Stjórn KSÍ til­kynnti hins vegar í gær að hún og lyk­il­starfs­menn myndu sitja áfram. Vinna myndi hefj­ast með utan­að­kom­andi fag­að­ilum um að end­ur­skoða öll við­brögð við kyn­ferð­is­brotum og ofbeldi innan KSÍ og hvernig staðið var og verður að stuðn­ingi við þolend­ur. Fag­hópur yrði settur á lagg­irnar og stjórn KSÍ hét því í yfir­lýs­ingu að taka á þessum málum af alvöru og festu og fylgja ráð­legg­ingum fag­hóps­ins.

­Stjórnin hefur fundað und­an­farna daga um þær alvar­legu ásak­anir sem beinst hafa að sam­band­inu að und­an­förnu um þöggun kyn­ferð­is­brota. „Við lítum málið afar alvar­legum aug­um,“ sagði í yfir­lýs­ing­unni.

Þar sagði enn fremur að allir stjórn­ar­menn hefðu íhugað stöðu sína en ákveðið að sitja áfram. Vara­for­menn KSÍ myndu taka við verk­efnum sem höfðu verið á hendi Guðna, en þau eru Gísli Gísla­son og Borg­hildur Sig­urð­ar­dótt­ir.

Ákvörðun stjórn­ar­innar var illa tekið og aðild­ar­fé­lög KSÍ skor­uðu á stjórn­ina og fram­kvæmda­stjór­ann Klöru Bjart­marz að segja af sér. Þá kröfð­ust stórir styrkt­ar­að­ilar sam­bands­ins skýr­inga á stöðu mála auk þess sem mikil sam­fé­lags­legur þrýst­ingur skap­að­ist á að gripið yrði til frek­ari aðgerða. Það leiddi til þess að stjórnin sagði öll af sér í kvöld.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Myndir af börnum í Austur-Kongó með alvarleg einkenni apabólu.
Fimm staðreyndir um apabólu
Apabóla er orð sem Íslendingar höfðu fæstir heyrt þar til nýverið er tilfelli af þessum sjúkdómi hófu að greinast í Evrópu og Norður-Ameríku. Sjúkdómurinn er hins vegar vel þekktur í fátækustu ríkjum heims þar sem þúsundir sýkjast árlega.
Kjarninn 19. maí 2022
Sonja Ýr Þorbergsdóttir formaður BSRB
„Hlutverk hins opinbera er að tryggja öllum húsnæðisöryggi“
Formaður BSRB segir að margt sé til bóta í tillögunum starfshóps um aðgerðir og umbætur á húsnæðismarkaði – og gefi ástæðu til hóflegrar bjartsýni um betri tíma.
Kjarninn 19. maí 2022
Árni Guðmundsson
Af þreyttasta frumvarpi Íslandssögunnar
Kjarninn 19. maí 2022
Jóhannes Þór Skúlason er framkvæmdastjóri Samtaka ferðaþjónustunnar.
Vilja margföldun á framlagi ríkisins til rannsókna í ferðaþjónustu
Samtök ferðaþjónustunnar gagnrýna framsetningu á framlögum til ferðamála í umsögn sinni við fjármálaáætlun. Samtökin óska eftir 250 milljón króna árlegri hækkun framlaga til rannsókna í greininni á gildistíma áætlunarinnar.
Kjarninn 19. maí 2022
Húsnæðisstuðningur skuli fyrst og fremst nýtast þeim sem á þurfa að halda
Ljóst er að staða leigjenda út frá húsnæðisöryggi og byrði húsnæðiskostnaðar er lakari en þeirra sem eiga eigin íbúð. Aðgerða er þörf sem miða m.a. að því að lækka byrði húsnæðiskostnaðar hjá efnaminni leigjendum, samkvæmt nýrri skýrslu.
Kjarninn 19. maí 2022
Margar kvartanir byggðar „á misskilningi“
UN Women lýsa yfir þungum áhyggjum af aðstæðum einstaklinga sem hingað hafa leitað að skjóli og eru hluti af búsetuúrræði ÚTL á Ásbrú. Samkvæmt ÚTL hefur aðstaðan verið í stöðugri endurskoðun undanfarna rúma tvo mánuði.
Kjarninn 19. maí 2022
Þórður Snær Júlíusson
Að vinna þegar maður tapar
Kjarninn 19. maí 2022
Claudia Ashanie Wilson, Eiríkur Rögnvaldsson, Eliza Reid, Eyrún Ólöf Sigurðardóttir, Gísli Pálsson og Sema Erla Serdaroglu
Kynþáttamörkun
Kjarninn 19. maí 2022
Meira úr sama flokkiInnlent