Fjár­mála­eft­ir­lit Seðla­banka Íslands hefur gert sam­komu­lag við fjár­fest­ing­ar­fé­lagið Stoðir hf. um að félagið greiði 3,7 millj­ónir króna í sátt­ar­greiðslu fyrir að hafa ekki til­kynnt áform sín um að verða virku eig­andi í trygg­ing­ar­fé­lag­inu TM hf. fyrir rúmu ári síð­an. Þetta kemur fram í til­kynn­ingu eft­ir­lits­ins sem birt­ist á vef Seðla­bank­ans fyrr í dag.

Sam­kvæmt til­kynn­ing­unni jók Stoðir við hlut sinn í TM í mars­byrjun í fyrra úr 9,9 pró­sentum í 11,66 pró­sent. Með því höfðu Stoðir eign­ast virkan egin­ar­hlut í trygg­ing­ar­fé­lag­inu og þremur dótt­ur­fé­lögum þess; Lykli fjár­mögnun hf., Íslenskri end­ur­trygg­ingu hf., og TM líf­trygg­ingum hf., án þess að til­kynna Fjár­mála­eft­ir­lit­inu fyrir fram um áformin sín.

Með því að hafa sleppt því að til­kynna Fjár­mála­eft­ir­lit­inu telur Fjár­mála­eft­ir­litið að Stoðir hafi brotið lög um vátrygg­inga­starf­semi, en sektir sem lagðar eru á lög­að­ila vegna þess geta numið frá 100 þús­und krónum til 50 millj­óna króna. Einnig er fjár­fest­inga­fé­lagið talið hafa brotið lög um fjár­mála­fyr­ir­tæki, þar sem sektir geta numið frá hálfri milljón króna til 800 milljón króna.

Þar sem brot Stoða tald­ist ekki meiri háttar var félag­inu boðið að greiða 3,7 millj­ónir í sátt­ar­greiðslu og sleppa þannig við mögu­lega hærri sekt­ir.