Tap Bláa lónsins í fyrra var tæpur helmingur af arðgreiðslum áranna 2018 og 2019

Tekjur Bláa lónsins drógust verulega saman í fyrra vegna COVID-19 og það skilaði tapi í fyrsta sinn í áratug. Félagið fékk 591 milljón króna í uppsagnarstyrki úr ríkissjóði og setti 454 manns á hlutabótaleiðina.

Grímur Sæmundsen, forstjóri Bláa lónsins, og stjórn félagsins.
Grímur Sæmundsen, forstjóri Bláa lónsins, og stjórn félagsins.
Auglýsing

Bláa lónið tap­aði 20,7 millj­ónum evra, 3,2 millj­örðum króna, á  síð­asta ári og tekjur þess dróg­ust saman um 74 pró­sent frá árinu 2019. Þetta kemur fram í árs­reikn­ingi félags­ins sem birtur var í vik­unn­i. 

Þar kemur fram að heildar eigið fé Bláa lóns­ins hafi verið 57,2 millj­ónir evra, 8,9 millj­arðar króna, í lok síð­asta árs og að óráð­stafað eigið fé félags­ins hafi verið 35,3 millj­ónir evra, um 5,5 millj­arðar króna. Eigið féð lækk­aði um 28 pró­sent í fyrra.

Tap Bláa lóns­ins á árinu 2020 er í heild lægra en síð­asta arð­greiðsla sem greidd var út úr félag­inu. Á árinu 2019 fengu hlut­hafar alls 30 millj­ónir evra, þá um 4,3 millj­arða króna, í arð­greiðslu vegna frammi­stöðu árs­ins á und­an­. Árið áður, 2018, nam arð­greiðslan til hlut­hafa 16 millj­ónum evra, eða um 2,3 millj­örðum króna. Því var tap félags­ins í fyrra um 45 pró­sent af arð­greiðslum áranna 2018 og 2019.

Stærsti eig­andi félags­­ins er Hvatn­ing slhf. með eign­­ar­hlut upp á 39,6 pró­­sent. Eig­andi þess er Kólfur ehf., eign­­ar­halds­­­fé­lag að stærstu leyti í eigu Gríms Sæmund­sen, for­­stjóra Bláa lóns­ins, og Eðvard Júl­í­us­­son­­ar. Kólfur keypti tæp­­lega helm­ing í Hvatn­ingu af Horni II, fram­taks­­sjóði í stýr­ingu Lands­bréfa, árið 2018. 

Auglýsing
Næst stærsti eig­and­inn er Blá­varmi slhf., félag í eigu 14 íslenskra líf­eyr­is­­­sjóða, sem keypti 30 pró­­­sent hlut HS Orku í Bláa lón­inu á tæp­­­lega fimm­­­földu þáver­andi bók­­­færðu virði hlut­­­ar­ins í maí 2019, eða á 15 millj­­arða króna. 

Í árs­skýrslum líf­eyr­is­sjóða sem eru á meðal hlut­hafa í bæði Hvatn­ingu og Blá­varma er hægt að sjá að þeir hafa lækkað verð­mat sitt á félag­inu á síð­asta ári og meta það nú á bil­inu 39-41 millj­arð króna. 

591 milljón í upp­sagn­ar­styrki

COVID-19 hafði gríð­ar­leg áhrif á rekstur Bláa Lóns­ins á árinu 2020. Í árs­reikn­ingi segir m.a. að gestum hafi fækkað um 76 pró­sent milli áranna 2019 og 2020 og að tekjur félags­ins hafi dreg­ist saman um 87 pró­sent milli ára á tíma­bil­inu mar­s-des­em­ber. 

Bláa Lón­inu var gert að loka starfs­stöðvum sínum í Svarts­engi þann 23. mars 2020 í kjöl­far reglna um ferða­tak­mark­anir milli landa og sam­komu­banns sem sett var á. Starfs­stöðv­arnar voru opn­aðar aftur í fyrra­sumar en svo lokað aftur þegar kór­ónu­veiran fór aftur á kreik. Alls voru starf­stöðvar Bláa lóns­ins lok­aðar í sex mán­uði á árinu 2020.

Vegna kór­ónu­veiru­far­ald­urs­ins sagði Bláa lónið upp 164 starfs­mönnum í lok mars og í lok maí var 402 starfs­mönnum til við­bótar sagt upp. Í lok ágúst voru 237 starfs­menn end­ur­ráðnir tíma­bundið en stærstur hluti þess hóps fékk ekki end­ur­ráðn­ingu í lok októ­ber. Alls fækk­aði með­al­fjölda starfs­manna á árinu 2020 miðað við heils­árs­störf úr 726 í 431. 

Bláa lónið fékk alls 591,2 millj­ónir króna í stuðn­ings­greiðslur úr rík­is­sjóði til að standa straum af kostn­aði vegna upp­sagna á starfs­fólki í fyrra. það úrræði stjórn­­­valda heim­il­aði fyr­ir­tækjum sem orðið höfðu fyrir miklu tekju­­falli að sækja styrk fyrir allt að 85 pró­­sent af launa­­kostn­aði á upp­­sagn­­ar­fresti í rík­­is­­sjóð.

Auk þess fengu 454 starfs­menn fyr­ir­tæk­is­ins laun í gegnum hluta­bóta­leið­ina í þrjá mán­uði á síð­asta ári. Eina fyr­ir­tækja­sam­steypan sem setti fleiri starfs­menn á leið­ina var Icelandair Group. 

Laun stjórnar og for­stjóra Bláa lóns­ins á síð­asta ári voru 811 þús­und evr­ur, um 126 millj­ónir króna. Launa­kostn­aður þeirra í evrum dróst saman um 28 pró­sent milli áranna 2019 og 2020. Stjórn­ar­for­maður félags­ins er Helgi Magn­ús­son, aðal­eig­andi fjöl­miðla­fyr­ir­tæk­is­ins Torgs.

Auk Helga sitja þau Ágústa John­son, Ragnar Guð­­munds­­son, Sig­ríður Mar­grét Odds­dóttir og Steinar Helga­­son í stjórn Bláa Lóns­ins. Vara­­menn í stjórn eru þau Anna G. Sverr­is­dóttir og Úlfar Stein­­dór­s­­son, sem er einnig stjórn­­­ar­­for­­maður Icelandair Group. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Víðir Reynisson, Þórólfur Guðnason og Kamilla Rut Jósefsdóttir á upplýsingafundi dagsins.
Aukið bóluefnaframboð mun auka hraða bólusetninga á næstunni
Bóluefni Janssen verður dreift í næstu viku og 16 þúsund skammtar af AstraZeneca bóluefni eru á leiðinni frá Norðmönnum. Óljóst hvernig frumvarp um aðgerðir á landamærum verður endanlega afgreitt að sögn sóttvarnalæknis.
Kjarninn 21. apríl 2021
Skúli Skúlason og félagar hans eru áfram stærstu eigendur Play.
Hluthafalisti Play birtur – Hópur Skúla enn stærsti eigandinn
Í nýjum hluthafahópi flugfélagsins Play er að finna umsvifamikla einkafjárfesta, lífeyrissjóði og fagfjárfestingasjóði. Til stendur að skrá félagið á First North og gefa almenningi tækifæri á að kaupa.
Kjarninn 21. apríl 2021
Jóhannes Stefánsson er handhafi sænsku sjálfbærniverðlaunanna WIN WIN árið 2021.
Jóhannes Stefánsson í hóp með Kofi Annan og Al Gore
Uppljóstrarinn Jóhannes Stefánsson fær tæpar 15 milljónir króna í verðlaunafé fyrir að vinna sænsku sjálfbærniverðlaunin WIN WIN Gothenburg. Heimsþekkt fólk hefur hlotið þessi verðlaun á fyrri árum.
Kjarninn 21. apríl 2021
Peningum á Íslandi er áfram sem áður stýrt af körlum
Áttunda árið í röð framkvæmdi Kjarninn úttekt á því hver kynjahlutföll séu á meðal þeirra sem stýra peningum á Íslandi. Fyrirtækjunum sem úttektin náði til fjölgaði lítillega á milli ára og samsetning þeirra breyttist aðeins.
Kjarninn 21. apríl 2021
Samtal við samfélagið – English
Samtal við samfélagið – English
Tæknivarpið - Apple kynnir skífur fyrir utangátta, nýjan iMac og iPad Pro
Kjarninn 21. apríl 2021
Stefán Jón Hafstein
Óttast um Elliðaárnar
Kjarninn 21. apríl 2021
Sigríður Á. Andersen sagði af sér sem dómsmálaráðherra vegna málsins
Enn ekki upplýst um kostnað ríkislögmanns vegna ólöglegrar skipunar dómara í Landsrétt
Kostnaður ríkissjóðs vegna þess að þáverandi dómsmálaráðherra sinnti ekki rannsóknarreglu stjórnsýslulaga þegar hún lagði fyrir Alþingi lista yfir dómara sem ætti að skipa við Landsrétt var 141 milljónir króna í lok síðasta árs. Hann er enn að aukast.
Kjarninn 21. apríl 2021
Armin Laschet og Annalena Baerbock. Telja má nánast öruggt að annað þeirra verði næsti kanslari Þýskalands.
Armin eða Annalena?
Sextugur karl og fertug kona eru talin þau einu sem möguleika eiga á að taka við af Angelu Merkel og verða næsti kanslari Þýskalands. Græningjar með Önnulenu Baerbock í fararbroddi eru á flugi í skoðanakönnunum.
Kjarninn 20. apríl 2021
Meira úr sama flokkiInnlent