Þór­hildur Þor­kels­dóttir hefur verið ráðin kynn­ing­ar­full­trúi BHM og hefur þegar tekið til starfa. Þetta kemur fram í til­kynn­ingu frá BHM í dag.

Sem kynn­ing­ar­full­trúi BHM mun Þór­hildur hafa umsjón með vef og sam­fé­lags­miðlum banda­lags­ins, ann­ast sam­skipti við fjöl­miðla, skipu­lagn­ingu við­burða og fleiri verk­efni á sviði kynn­ing­ar­mála.

Hún tekur við starf­inu af Óla Jóni Jóns­syni sem verið hefur kynn­ing­ar­full­trúi BHM und­an­farin rúm­lega fimm ár en ákvað nýlega að söðla um og hverfa til ann­arra starfa, að því er fram kemur hjá BHM.

„Þór­hildur hefur und­an­farin ár starfað sem frétta­maður og vakt­stjóri á RÚV auk þess að ann­ast dag­skrár­gerð og þátta­stjórnun í bæði útvarpi og sjón­varpi. Áður var hún frétta­maður á Stöð 2 og þar áður blaða­maður á frétta­vefnum Vísi og Frétta­blað­inu. Hún hefur lokið BA-­prófi í fjöl­miðla­fræði frá Háskól­anum á Akur­eyri og stund­aði nám í mann­fræði við Háskóla Íslands. Þess má geta að Þór­hildur hlaut blaða­manna­verð­laun árs­ins 2020 fyrir vönduð frétta­tengd við­töl,“ segir í til­kynn­ing­unni.