Sam­fylk­ingin og Sjálf­stæð­is­flokk­ur­inn eru stærstu fram­boðin í Reykja­vík sam­kvæmt kosn­inga­spá Kjarn­ans og Bald­urs Héð­ins­son­ar, dokt­ors í stærð­fræði, eftir að nið­ur­stöður könn­unar Félags­vís­inda­stofn­unnar HÍ er reiknuð með. Sam­fylk­ingin reikn­ast með 28,6 pró­senta fylgi en Sjálf­stæð­is­flokkur með 27,0 pró­sent. Fram­boð­in ­fengju fimm ­full­trúa í borg­ar­stjórn hvort. Mun­ur­inn á fylgi fram­boð­anna er þó enn innan vik­marka, svo ekki er hægt að segja með fullri vissu hvort stjórn­mála­aflið sé vin­sælla í Reykja­vík.

Fylgi fram­boða til borg­ar­stjórnar í Reykja­vik

[visu­alizer id="4609"]

Könn­unin sýnir að flokk­arnir tveir eru að sækja í sig veðrið á kosnað ann­arra fram­boða, sér­stak­lega Bjartar fram­tíðar sem tapar manni til Sjálf­stæð­is­flokks­ins á þeirri rúmu viku sem liðin er síðan kosn­inga­spáin var síð­ast reikn­uð. Meiri­hluti Bjartar fram­tíðar (áður Besta flokks­ins) og Sam­fylk­ing­ar­innar veltur aðeins á einum full­trúa verð­i þetta nið­ur­staða kosn­ing­anna 31. maí.

Vinstri græn tapa einnig fylgi. Í síð­ustu kosn­inga­spá mæld­ist fram­boð þeirra með 8,3 pró­sent fylgi en er nú með 7,1 pró­sent. Það litla sem Fram­sókn­ar­flokk­ur­inn bætir við sig er langt innan við vik­mörk útreikn­ing­anna. Það sama á við um Pírata sem virð­ist þó tapa örlitlu fylgi síðan 1. maí. Vinstri græn og Píratar fengju enn bæði einn full­trúa yrði þetta nið­ur­staða kosn­ing­anna.

Þróun a fylgi flokka í Reykja­vík

[visu­alizer id="4616"]

Röðun full­trúa er áhuga­verð fyrir þær sakir að fimmti maður Sjálf­stæð­is­flokks­ins, Hildur Sverr­is­dótt­ir, er nú fimmt­ándi og síð­asti full­trú­inn inn í borg­ar­stjórn á undan fjórða full­trúa Bjartar fram­tíð­ar. Skúli Helga­son, fimmti maður á lista Sam­fylk­ing­ar­inn­ar, er fjórt­ándi inn. Alls kom­ast 15 full­trúar að en kosn­inga­spáin reiknar röð efstu 20. Á lista þeirra fimm sem næstir eru inn er áhuga­vert að sjá að eini full­trúi Fram­sókn­ar­flokks­ins sem kemst á topp 20 fellur um eitt sæti sam­kvæmt spánni, úr átj­ánda í nítj­ánda. Sjötti full­trúi Sam­fylk­ing­ar­innar er nú lík­legri til að ná kjöri en odd­viti Fram­sókn­ar.

Röðun full­trúa sam­kvæmt nýj­ustu spá

Könnun Félags­vís­inda­stofn­unnar birt­ist í Morg­un­blað­inu í dag en þar mæld­ust báðir flokk­arnir með fimm manns. Sam­fylk­ingin mæld­ist þar með rúm­lega þriggja pró­sentu­stiga for­skot á Sjálf­stæð­is­flokk­inn.