Tveimur blaða­mönnum á rist­jórn DV var sagt upp störfum í dag. Annar þeirra er Hjálmar Frið­riks­son, sem segir í sam­tali við Kjarn­ann að sér hafi verið til­kynnt við upp­sögn­ina að hans fyrri frétta­skrif sam­ræm­ist ekki nýrri rit­stjórn­ar­stefnu DV. Þetta hafi Hall­grímur Thor­steins­son rit­stjóri DV tjáð honum á fundi þeirra í dag. ­Sem dæmi um nýleg frétta­skrif Hjálm­ars fyrir DV má nefna umfjöllun hans um byssu­málið svo­kall­aða.

Hall­grímur Thor­steins­son segir DV ekki hafa tekið upp nýja frétta­stefnu, en vissu­lega komi inn nýjar áherslur með nýjum rit­stjóra. Hall­grímur  segir upp­sagn­irnar í dag tengj­ast hag­ræð­ing­ar­að­gerðum DV, þar sem ákveðið hafi verið að skera nið­ur­ ­launa­kostn­að ­blaðs­ins um fimmtán pró­sent. Aðgerð­irnar ein­skorð­ist ekki við starfs­menn á rit­stjórn DV og eng­ar frek­ari upp­sagnir hjá DV séu í far­vatn­inu. Launa­kostn­að­ur­ ­blaðs­ins hafi óum­flýj­an­lega lækkað við brott­hvarf starfs­fólks í kjöl­far yfir­töku nýrra eig­enda að blað­inu.

"Þessar upp­sagnir í dag eru liður í því að bregð­ast við tap­rekstri blaðs­ins á und­an­förnum árum, og færa rekst­ur­inn meira í átt að tekj­un­um. Blaðið myndi ekki ganga mikið lengur að óbreytt­u," segir Hall­grímur í sam­tali við Kjarn­ann.