Lyfja­stofnun hefur borist um 40 til­kynn­ingar sem ann­að­hvort varða ein­stak­linga sem fengu örv­un­ar­skammt eða þar sem mögu­legt er að um hafi verið að ræða örv­un­ar­skammt. Verið er að vinna úr þessum til­kynn­ing­um.

Þetta kemur fram í svari Lyfja­stofn­unar við fyr­ir­spurn Kjarn­ans.

Flestar til­kynn­ing­anna flokk­ast ekki sem alvar­legar og ein­kennin sem til­kynnt hafa verið eru almennt svipuð því sem hefur verið að koma inn, ein­kenni á stungu­stað, flensu­ein­kenni og breyt­ingar á tíða­hring, að því er fram kemur hjá Lyfja­stofn­un.

„Að svo stöddu hefur ekki borið á fleiri til­kynn­ingum um grun um auka­verk­anir eftir að heil­brigð­is­yf­ir­völd hófu að gefa við­bót­ar­skammta fyrir þá sem fengu Jans­sen bólu­efn­ið,“ segir enn fremur í svar­inu.

Al­var­­leg­ar auka­verk­an­ir geta komið upp – en þær eru fátíðar

Ung kona greindi frá því á TIkTok að hún hefði lam­ast fyrir neðan mitti eftir að hafa fengið örv­un­ar­skammt. Í kjöl­farið skap­að­ist umræða um alvar­legar auka­verk­anir af slíkum örv­un­ar­skömmt­um. Þórólfur Guðna­son sótt­­varna­lækn­ir sagði í sam­tali við mbl.is í vik­unni að löm­un fyr­ir neðan mitti væri ekki þekkt auka­verk­un af bólu­­setn­ingu gegn COVID-19. Hann sagði að þó al­var­­leg­ar auka­verk­an­ir gætu komið upp vegna bólu­­setn­ing­ar væru þær afar fátíðar og að auka­verk­an­ir af völd­um sýk­ing­ar væru mun al­­geng­­ari.

Á vef Emb­ættis land­læknis kemur fram að allar bólu­setn­ingar geti valdið óþæg­ind­um. Flestar auka­verk­anir séu í raun afleið­ing virkj­unar ónæm­is­kerf­is­ins sem sé til­gangur bólu­setn­ing­ar­innar og séu yfir­leitt þær sömu óháð bólu­efni. Þær eru hiti, hroll­ur, vöðva-, bein- og lið­verkir, óþæg­indi á stungu­stað, þreyta og slapp­leiki, höf­uð­verkur og maga­ó­þæg­indi.

Örv­un­ar­skammtur „sið­ferð­is­lega rang­ur“

Alþjóða­heil­brigð­is­mála­stofn­un­in, WHO, hefur harð­lega gagn­rýnt ríkar þjóðir fyrir að gefa fólki örv­un­ar­skammt á meðan millj­ónir bíða eftir sínum fyrsta skammti. Ekki liggi fyrir nægi­leg gögn sem styðji við örv­un­ar­skammt­inn.

Í frétt RÚV um málið kemur fram að Mike Ryan, yfir­maður neyð­ar­að­gerða hjá WHO, segði örv­un­ar­skammt­inn sið­ferð­is­lega rang­an. „Fólk í björg­un­ar­vestum er að fá annað björg­un­ar­vesti á meðan þeir sem ekki eru í neinu björg­un­ar­vesti drukkna.“