Allt frá upp­hafi heims­far­ald­urs­ins þangað til í vor hefur mán­að­ar­leg dán­ar­tíðni innan Evr­ópu­sam­bands­ins að með­al­tali verið 15 pró­sentum hærra en venju­lega. Ísland er eina landið innan EES þar sem dán­ar­tíðnin hefur hald­ist nær óbreytt frá sögu­legu með­al­tali á þessu tíma­bili.

Þetta kemur fram í nýbirtum tölum evr­ópsku hag­stof­unn­ar, Eurostat, um mán­að­ar­lega umframdán­ar­tíðni (e. excess deaths) á síð­ustu miss­er­um.

Sam­kvæmt töl­unum náði dán­ar­tíðnin hámarki í annarri bylgju far­ald­urs­ins í nóv­em­ber í fyrra, en þá var hún um 40 pró­sent hærri en með­al­dán­ar­tíðnin í sama mán­uði á tíma­bil­inu 2016-2019. Í fyrstu bylgju far­ald­urs­ins í apríl í fyrra hækk­aði tíðnin svo um rúm­lega fjórð­ung umfram sögu­legt með­al­tal.

Umframdán­ar­tíðnin var hæst á Spáni í fyrstu bylgj­unni, þar sem rúm­lega helm­ingi fleiri lét­ust en venju­lega. Í fyrra­haust og í vetur var dán­ar­tíðnin svo hærri í Aust­ur-­Evr­ópu­lönd­um, sér í lagi í Tékk­landi og í Slóvak­íu.

Á Íslandi var dán­ar­tíðnin hins vegar að með­al­tali 0,4 pró­sentum hærri en venju­lega á tíma­bil­inu mars 2020 til apríl 2021. Þetta er lægsta með­al­tal umframdán­ar­tíðni allra 30 Evr­ópu­land­anna sem Eurostat mæl­ir. Þróun hennar í sam­an­burði við umframdán­ar­tíðni má sjá á mynd hér að neð­an.

Líkt og myndin sýnir sveifl­að­ist tíðnin nokkuð á milli mán­aða og náði hámarki í miðri þriðju bylgj­unni hér á landi, þar sem hún var 10 pró­sentum hærra en sögu­legt með­al­tal. Einnig var hún langt undir sögu­legu með­al­tali í fyrra­sum­ar.