Ragn­heiður Elín Árna­dótt­ir, iðn­að­ar- og við­skipta­ráð­herra sem fer meðal ann­ars með ferða­mál í rík­is­stjórn­inni, segir að upp­bygg­ing ferða­manna­staðan verði lík­ast til sett á fjár­lög eftir að frum­varp um nátt­úrupassa náði ekki fram að ganga. Unnið sé með að um einn millj­arð króna vanti í upp­bygg­ingu ferða­manna­staða næstu árin og sú upp­bygg­ing mun þá keppa við annað fjár­magn sem ríkið útdeilir til verk­efna á hverju ári. Þetta kemur fram í Frétta­blað­inu í dag.

Þar segir hún líka fyr­ir­sjá­an­legt að sér­stakur tekju­stofn fyrir upp­bygg­ingu ferða­manna­staða, líkt og nátt­úrupass­inn átti að skapa, sé ekki að fara að verða til. Því verði fjár­mögnun verk­efna alltaf bundin sam­þykki Alþingis sem fer með fjár­laga­vald­ið.

Ragn­heiður Elín seg­irað miðað við reynslu af vinnu síð­ustu mán­aða við frum­varp um nátt­úrupassa, sem nú hefur dagað uppi í atvinnu­vega­nefnd, sjái hún ekki fram á að leggja frum­varpið fram í haust, eða yfir­leitt. Hún úti­lokar líka margar aðrar leiðir sem verið hafa í umræð­unni til að búa til sér­stakan tekju­stofn fyrir upp­bygg­ingu ferða­manna­staða. „Ég tel líka engar líkur á því, eins og umræðan er um þessi mál, að meiri sátt myndi nást um hækkun á gistin­átta­gjaldi, komu­gjöld - eða hvað ann­að.“