Útgáfu­fé­lag Stund­ar­innar var rekið með 1,2 millj­óna króna tapi á síð­asta ári, sem er við­snún­ingur frá árinu 2020, en þá hagn­að­ist Stundin um 7,2 millj­ón­ir. Tekjur félags­ins námu alls 233,9 millj­ónum og hækk­uðu um rúm 4 pró­sent á milli ára.

Þetta má lesa í árs­reikn­ingi útgáfu­fé­lags­ins, sem skilað var inn til Skatts­ins í upp­hafi mán­að­ar. Í skýrslu stjórnar um starf­semi félags­ins segir að eftir lok reikn­ings­árs­ins 2021 hafi tekjur félag­ins auk­ist veru­lega, en kostn­aður einnig að sama skapi.

Það teng­ist vænt­an­lega nýlegum skipu­lags­breyt­ingum hjá miðl­inum og áhrifum þeirra, en í jan­ú­ar­mán­uði var til­kynnt að Jón Trausti Reyn­is­son myndi stíga úr stóli ann­ars tveggja rit­stjóra og verða í kjöl­farið fram­kvæmda­stjóri útgáfu­fé­lags­ins og blaða­maður á miðl­in­um.

Ingi­björg Dögg Kjart­ans­dóttir er ein aðal­rit­stjóri eftir þessar breyt­ing­ar, en blaða­mað­ur­inn Helgi Seljan bætt­ist við hóp starfs­manna í febr­úar og er hann rann­sókn­ar­rit­stjóri mið­ils­ins.

85 pró­sent tekna frá almenn­ingi

Stjórn útgáfu­fé­lags­ins telur lík­legt að vax­andi verð­bólga komi til með að valda þrýst­ingi til tekju­lækk­un­ar, hvort sem er að raun- eða nafn­virði, auk kostn­að­ar­hækk­un­ar. Í skýrslu stjórn­ar­innar kemur fram að um 85 pró­sent af öllum tekjum Stund­ar­innar komi beint frá almenn­ingi í gegnum áskrifta­kaup, styrki eða lausa­sölu blaða.

Í skýrslu stjórnar kemur fram að Stundin hafi ekki nýtt sér nein úrræði stjórn­valda vegna COVID-19 far­ald­urs­ins, en að aðhalds hafi verið gætt í rekstr­inum á árinu 2021.

Fjallað er um áfram­hald opin­bers rekstr­ar­stuðn­ings við fjöl­miðla í árs­reikn­ingi Stund­ar­innar og tekið fram að óvissa er um áfram­hald þess stuðn­ings, þrátt fyrir að fjár­mála­á­ætlun rík­is­stjórn­ar­innar geri ráð fyrir að hann haldi áfram.

Því er ekki enn ljóst hvort rekstr­ar­stuðn­ingur komi á móti rit­stjórn­ar­kostn­aði sem fellur til á reikn­ings­ár­inu 2022, sem síðan feng­ist greiddur á árinu 2023. Stundin fékk 25,3 millj­ónir í opin­beran rekstr­ar­stuðn­ing á síð­asta ári, eða sem nam tæpum 11 pró­sentum af heild­ar­tekjum fjöl­mið­ils­ins.

Sam­kvæmt árs­reikn­ingi voru tólf stöðu­gildi hjá útgáfu­fé­lag­inu á árinu 2021 og hafði þeim fjölgað um tvö frá fyrra ári. Kostn­aður fyr­ir­tæk­is­ins vegna launa og launa­tengdra gjalda nam alls 127,4 millj­ónum króna í fyrra.