Silja Bára Ómars­dóttir er nýkjör­inn for­maður Rauða kross­ins á Íslandi og hún segir að í starfi Rauða kross­ins hafi þau fundið fyrir því að flótta­fólk frá öðrum upp­runa­löndum en Úkra­ínu upp­lifi að því sé mis­mun­að.

Silja Bára var gestur í Silfr­inu á RÚV þar sem hún sagði óásætt­an­legt að senda eigi 300 flótta­menn frá Íslandi til Grikk­lands á næstu miss­er­um. Um er að ræða fólk sem ekki var hægt að senda til baka á meðan á kór­ónu­veiru­far­aldr­inum stóð. Sagði Silja að mann­úð­legra væri að veita fólk­inu, sem hafi fest hér ræt­ur, dval­ar­leyfi.

Þá sagði Silja mik­il­vægt að stuðla að meiri teng­ingu á milli dval­ar- og atvinnu­leys­is, en brott­vísun þessa stóra hóps fólks hefur verið tals­vert gagn­rýnd í tengslum við það að áætlað sé að íslensk ferða­þjón­usta þurfi að flytja inn allt að 9 þús­und starfs­menn á þessu ári og því næsta til að anna eft­ir­spurn.

Loks sagði Silja að íslensk stjórn­völd væru að nýta sér Dyfl­inn­ar­reglu­gerð­ina í öðrum til­gangi en henni var ætl­að. „Hún var sett til þess að tryggja það að umsækj­endur um alþjóð­lega vernd fengju efn­is­lega með­ferð sinna umsókna ein­hvers­stað­ar. Og við notum hana til að senda fólk í fyrsta land vegna þess að það er heim­ild, en ekki skylda.“

Hún segir óásætt­an­legt að mis­mun­andi við­horf séu til flótta­fólks eftir upp­runa­landi. „Flótta­fólk á að njóta sama rétt­ar, sama hvaðan það kem­ur. Íslensk stjórn­völd hafa verið að herða sína útlend­inga­stefnu. Við erum að taka upp stefnu sem er með því harð­ari, við erum að elta Norð­ur­löndin í þeirra hörð­ustu stefn­um.“