Grísk stjórn­völd, full­trúar Evr­ópu­sam­bands­ins, Alþjóða­gjal­eyr­is­sjóðs­ins og ann­arra kröfu­hafa Grikk­lands, reyna nú til þrautar að ná sam­komu­lagi um end­ur­skipu­lagn­ingu á skuldum lands­ins, einkum gjald­dögum sem framundan eru á næstu mán­uð­um. Þar á meðal er gjald­dagi upp á 1,6 millj­arð evra 30. júní næst­kom­andi.

Louka Katseli, for­maður stjórnar seðla­bank­ans í Grikk­landi, segir í við­tali við breska rík­is­út­varpið BBC að það sé „brjál­æði“ að semja ekki um skuldir lands­ins og hag­ræð­ing­ar­að­gerð­ir. Jafn­framt sagði hún að ekki væri aðkallandi hætta á því að bankar lands­ins yrðu pen­inga­laus­ir, vegna áhlaups, en Seðla­banki Evr­ópu, móð­ur­banki seðla­banka Grikk­lands,  hefur und­an­farin miss­eri haldið gríska banka­kerf­inu gang­andi með neyð­ar­lán­um.

Ang­ela Merkel, kansl­ari Þýska­lands, lét hafa eftir sér í gær að þeir sem væru að vinna að því að end­ur­semja um skuldir Grikkja hefðu helg­ina til þess, og ekki stund­inni leng­ur. Ef ekki dregur til tíð­inda í dag gæti Grikk­landi klofið sig út úr evru­sam­starf­inu og upp­lifað mikla efna­hags­lega erf­ið­leika.