Varaformaður VG: Engin samstaða innan ríkisstjórnar um brottvísun um 300 manns

Nokkrir ráðherrar gerðu athugasemdir við þá vegferð sem Jón Gunnarsson dómsmálaráðherra er á varðandi brottvísun fjölda flóttamanna frá Íslandi á ríkisstjórnarfundi í morgun. Félagsmálaráðherra segist ekki ánægður með hvernig Jón hefur haldið á málinu.

Guðmundur Ingi Guðbrandsson, varaformaður Vinstri grænna.
Guðmundur Ingi Guðbrandsson, varaformaður Vinstri grænna.
Auglýsing

Guð­mundur Ingi Guð­brands­son, félags- og vinnu­mark­aðs­ráð­herra, segir það rangt að sam­staða ríki innan rík­is­stjórn­ar­innar um það að vísa tæp­lega 300 flótta­mönnum úr landi innan tíð­ar, líkt og Jón Gunn­ars­son dóms­mála­ráð­herra hefur haldið fram. Hann seg­ist hafa gert „al­var­legar athuga­semd­ir“ við þá veg­ferð sem Jón væri á og að hann væri ekki ánægður með það hvernig Jón hafi haldið á mál­inu. „Nei, ég get ekki sagt að ég sé það. Ég held að það sé alveg ljóst af mínum orð­u­m.“ 

Þetta kom fram í við­tali við Guð­mund Inga í tíu­fréttum RÚV í kvöld.

Hann seg­ist þó von­ast til þess að nið­ur­staða náist í mál­inu líkt og í fjöl­mörgum öðrum málum sem ekki hefur ríkt ein­ing um innan rík­is­stjórn­ar­inn­ar. 

Fyrir helgi var greint frá því á for­síðu Frétta­blaðs­ins að flóð­bylgja brott­vís­ana þeirra sem sótt hafa hér um vernd sé framund­an. Alls telur hóp­ur­inn tæp­lega 300 manns. Stór hluti þeirra á að fara til Grikk­lands.

Jón Gunn­ars­son dóms­mála­ráð­herra sagði í Kast­ljósi í kvöld að sam­staða ríkti innan rík­is­stjórn­ar­innar um að fram­kvæma brott­vísun fólks­ins og að skýrar reglur giltu um það. „Við höfum skýrar reglur til að vinna eftir og það eru í sjálfu sér engar breyt­ingar á því.“

Auglýsing
Hann sagði það rétt að sér­stakar aðstæður væru uppi varð­andi þennan hóp. Skil­yrði hefðu verði um að það í mót­töku­ríkjum að flótta­menn sem ætti að senda þangað hefðu und­ir­geng­ist COVID-­próf eða bólu­setn­ingu. Margir flótta­menn hefðu neitað að gera það og því hefði brott­vísun þeirra taf­ist á meðan að slíkar reglur voru í gildi. „Nú eru þessar reglur að hverfa í þessum ríkjum og þá kemur þetta til fram­kvæmda.“

Fleiri ráð­herrar gerðu athuga­semdir við veg­ferð Jóns

Útlend­inga­mál heyra ekki ein­ungis undir dóms­mála­ráðu­neyt­ið. Hluti mála­flokks­ins er hjá félags­mála­ráðu­neyt­inu, sem er stýrt af Guð­mundi Inga, vara­for­manni Vinstri grænna (VG).

Hann sagði í tíu­fréttum RÚV í kvöld að það væri ekki rétt hjá Jóni að algjör sam­staða væri um málið í rík­is­stjórn­inni. „Ég gerði mjög alvar­legar athuga­semdir við þá veg­ferð sem ráð­herr­ann er á í rík­is­stjórn í morgun og benti þar á að það er liðin tals­verður tími hjá sumum frá því að brott­vís­un­ar­á­kvörðun var tek­in. Það þarf að líta til þessa hóps, hvort að það séu sér­stakar aðstæð­ur, hvort að þarna séu börn sem séu búin að vera ákveðið lengi hér á landi, mögu­lega fatlað fólk og veikt.“ 

Hann sagði enn fremur að horfa þyrfti til þess tíma sem hóp­ur­inn hefði dvalið hér­lendis og hverjar aðstæður væru í mót­töku­land­inu, en þar hefur sér­stak­lega verið gagn­rýnt að til standi að senda stóran hluta hóps­ins til Grikk­lands, en mann­úð­ar­sam­tök hafa ítrekað sagt að aðstæður flótta­fólks þar séu með öllu óboð­leg­ar. 

Guð­mundur Ingi sagði að fleiri ráð­herrar hafi gert athuga­semdir við veg­ferð Jóns á rík­is­stjórn­ar­fund­inum í morgun en vildi ekki segja hverjir það voru. Þeir þyrftu sjálfir að greina frá því. 

„Þetta er bara rangt“

Aðspurður um orð dóms­mála­ráð­herra í Kast­ljósi kvölds­ins og þýð­ingu þeirrar stöðu sem komin er upp á stjórn­ar­heim­il­inu sagði Guð­mundur Ingi: „Í mínum huga er þetta bara rangt. Það er bara þannig. Þetta er rang­t“.

Hann sagð­ist vona að það tæk­ist að leysa úr mál­inu. „Ég fylgi mann­úð­legri útlend­inga­stefnu VG, það er í okkar stefnu. Að mínu viti þurfum við að taka þetta mál til sér­stakrar skoð­unar og greina hóp­inn bet­ur.“ 

Sú grein­ing eigi að leiða til þess að skýr­ara liggi fyrir hvort ein­hverjir úr hópnum eigi að geta fengið vernd á Íslandi.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Þórður Snær Júlíusson
Partíið er búið
Kjarninn 2. júlí 2022
Alls 16 prósent ungra kjósenda fylgdist ekkert með pólitískum fréttum í kosningabaráttunni
Það færist í aukana að fólk fái fréttir af íslenskum stjórnmálum í gegnum netið og sérstaklega samfélagsmiðla. Fleiri 18 til 25 ára kjósendur notuðu samfélagsmiðla til að nálgast upplýsingar um síðustu kosningar en sjónvarpsfréttir.
Kjarninn 2. júlí 2022
Þorbjörg Sigríður spurði Bjarna Benediktsson um grænar fjárfestingar ríkisins.
Um 2 prósent af fjárfestingum ríkisins teljast „grænar“
Miðað við þrönga skilgreiningu námu grænar fjárfestingar um 2 prósentum af heildarfjárfestingum ríkisins í fyrra. Ef notast er við víðari skilgreiningu og t.d. framlög til nýs Landspítala tekin með, er hlutfallið 20 prósent.
Kjarninn 1. júlí 2022
Bjarni Beneditsson fjármála- og efnahagsráðherra.
„Gjör rétt – ávallt“
Fjármála- og efnahagsráðherra segir að laun dómara eins og annarra æðstu embættismanna séu ekki lækka. Um sé að ræða leiðréttingu. Hann segir að það sé ekkert minna en siðferðisbrestur að skila því ekki sem ofgreitt var úr opinberum sjóðum.
Kjarninn 1. júlí 2022
Meira úr sama flokkiInnlent