Vefverslun með áfengi auglýsir sig á einum stærsta fréttavef landsins

Í gær birti Nýja vínbúðin, bresk vefverslun með vín sem þjónar íslenskum neytendum, auglýsingu á mbl.is. Stofnandi hennar segir ekkert í reglugerðum eða lögum banna erlendum áfengisverslunum að auglýsa í íslenskum fjölmiðlum.

Auglýsingaborðinn sem Nýja vínbúðin keypti á vef mbl.is.
Auglýsingaborðinn sem Nýja vínbúðin keypti á vef mbl.is.
Auglýsing

Bresk net­verslun með áfengi, sem býður íslenskum neyt­endum upp á að kaupa vín án þess að við­skiptin fari í gegnum ÁTVR, er byrjuð að aug­lýsa í íslenskum fjöl­miðl­um. Í gær birt­ust aug­lýs­ingar frá Nýju vín­búð­inni, sem er með höf­uð­stöðvar í London, á einum víð­lesn­asta frétta­vef lands­ins, mbl.­is.

Engar sér­stakar vöru­teg­undir voru aug­lýstar í aug­lýs­ing­unni sem Nýja vín­búðin keypti af fjöl­miðl­in­um, heldur var ein­ungis teng­ill inn á sjálfa vef­versl­un­ina. Stofn­andi Nýju vín­búð­ar­inn­ar, Sverrir Einar Eiríks­son, telur að ekk­ert í lögum eða reglu­gerðum komi í veg fyrir að hann aug­lýsi verslun sína í hefð­bundnum fjöl­miðl­um.

„Við höfum ekki verið að aug­lýsa vöru­teg­undir heldur bara versl­un­ina. Ég held að það sé full­kom­lega lög­leg­t,“ segir Sverrir í sam­tali við Kjarn­ann, en reglu­gerð um bann við áfeng­is­aug­lýs­ingum var síð­ast upp­færð er Sig­hvatur Björg­vins­son var heil­brigð­is- og trygg­inga­mála­ráð­herra árið 1991.

Sverrir Einar Eiríksson stofnandi Nýju vínbúðarinnar. Mynd: Aðsend

Í þeirri reglu­gerð segir meðal ann­ars að hvers konar aug­lýs­ingar á áfengi og ein­stökum áfeng­is­teg­undum séu bann­að­ar. Það kemur hins vegar ekk­ert fram um að versl­anir sem selja áfengi megi ekki aug­lýsa þjón­ustu sína, en nokkrar vef­versl­anir með vöru­hús hér á landi hafa á síð­ustu miss­erum skotið upp koll­in­um. Þær voru ekki til staðar er reglu­verkið í kringum aug­lýs­ing­arnar var síð­ast upp­fært.

ÁTVR hafi ekki veitt ókeypis aug­lýs­ingar

Nýja vín­búðin fór í loftið í lok júní og segir Sver­rit að við­tökur Íslend­inga hafi verið góð­ar. Íslenskir not­endur Face­book hafa varla kom­ist hjá því að kom­ast að sjá aug­lýs­ingar frá versl­un­inni á vafri sínum um vef­inn og vakti Jakob Bjarnar Grét­ars­son, blaða­maður á Vísi, athygli á því í hópnum Fjöl­miðlanördar að fyr­ir­tæki Sverris væri að aug­lýsa „eins og rófu­laus hund­ur“ á sam­fé­lags­miðl­inum en mætti ekki aug­lýsa vörur sína í íslenskum fjöl­miðlum á sama tíma.

Auglýsing

„Þetta stenst auð­vitað ekki nokkra ein­ustu skoð­un. Eig­in­lega bara pín­legt. Af hverju eru íslenskir stjórn­mála­menn svona miklar hey­bræk­ur? Er það af því að íslenskur almenn­ingur er ginn­keyptur fyrir skrum­urum og for­ræð­is­hyggju­deli­kventum eða hvað er eig­in­lega mál­ið?“ sagði Jakob Bjarnar um mál­ið.

Sverrir tekur undir að það sé furðu­legt að hann megi ekki aug­lýsa vörur sínar í íslenskum miðl­um. Hann segir líka aðspurður að hann hafi alveg misst af því að fá ókeypis aug­lýs­ingu í fjöl­miðlum fyrir til­stilli ÁTVR eins og vín­kaup­mað­ur­inn Arnar Sig­urðs­son, sem rekur vín­versl­un­ina San­te, hefur fengið að und­an­förnu, í kjöl­far þess að ÁTVR kærði hann vegna starf­sem­inn­ar.

Hann segir ÁTVR eða aðra opin­bera aðila ekki hafa gert neinar athuga­semdir við starf­semi Nýju vín­búð­ar­inn­ar.

„Ég er bara hálf­móðg­að­ur, það hefur eng­inn skipt sér neitt af mér. Ég er algjör­lega snið­geng­inn. Það er bara leið­in­legt, því Sante hefur fengið svo ofsa­lega fína aug­lýs­ingu út á rantið þarna í ÁTVR,“ segir Sverrir og bölvar eigin óheppni.

En svona án gríns, það hefur ekki einn ein­asti maður haft sam­band við mig. Ég held að þessir aðilar hafi bara áttað sig á því að þetta er full­kom­lega lög­legt. Erlend net­verslun með áfengi hefur verið lög­leg í 25 ár,“ segir Sverr­ir, sem sjálfur býr og starfar í London.

Ekk­ert breyst varð­andi áfeng­is­aug­lýs­ingar á kjör­tíma­bil­inu

Þrátt fyrir að Áslaug Arna Sig­ur­björns­dóttir dóms­mála­ráð­herra hafi á kjör­tíma­bil­inu sagst hafa vilja til þess að breyta reglu­gerð­inni sem bannar áfeng­is­aug­lýs­ingar engu verið breytt í þeim efnum af hálfu rík­is­stjórn­ar­inn­ar.

„Það er auð­vitað þannig í dag að áfeng­is­aug­lýs­ingar eru alls staðar hvort sem það er þegar við horfum á erlenda íþrótta­leiki í sjón­varpi, þegar við flettum erlendum tíma­ritum eða erum á öllum þessum sam­fé­lags­miðlum í dag, þannig að bannið er ekki að virka,“ sagði hún í sam­tali við RÚV í fyrra.

Áslaug Arna Sigurbjörnsdóttir dómsmálaráðherra. Mynd: Skjáskot RÚV

Í skýrslu sem unnin var fyrir fyrir mennta­mála­ráð­herra árið 2018 af hálfu nefndar sem fengin var til að setja fram til­lögur til þess að bæta rekstr­ar­um­hverfi fjöl­miðla var einnig lagt til tekið yrði til skoð­unar að rýmka reglur um aug­lýs­ingar á bæði áfengi og tóbaki.

„Á Íslandi er bannað að aug­lýsa í fjöl­miðlum áfengi og tóbak nema að upp­fylltum til­teknum skil­yrð­um. Bent hefur verið á að bannið þjóni vart til­gangi sínum lengur þar sem slíkar aug­lýs­ingar ber­ist Íslend­ingum í erlendum miðl­um, hvort sem er í gegnum erlenda hljóð og mynd­miðla, erlenda vefi og sam­fé­lags­miðla eða erlend blöð og tíma­rit.

Áfengi og tóbak eru lög­legar neyslu­vörur hér á landi, þótt um þær gildi sér­stakar reglur t.d. hvað varðar fram­setn­ingu og aðgengi. Aug­lýs­ingar af þessu tagi eru einnig áber­andi hluti aug­lýs­inga­mark­aðar á heims­vísu og þótt ekk­ert sé tryggt í þeim efn­um, þá má reikna með að íslenskir fjöl­miðlar geti aflað tals­verðra tekna með slíkri aug­lýs­inga­sölu. Auknar tekjur myndu þannig bæta fjár­hags­lega stöðu einka­rek­inna fjöl­miðla.

Tak­mark­anir sem settar eru á sölu slíkra aug­lýs­inga þurfa að taka mið af breyttu neyslu­mynstri almenn­ings og sístækk­andi hlut­deild erlendra miðla á íslenskum mark­aði. Er það mat meiri­hluta nefnd­ar­innar að íslenskir fjöl­miðlar eigi að lúta sam­bæri­legum reglum og þeir erlendu. Um er að ræða mikla tekju­mögu­leika og þar með mikla hags­muni fyrir íslenska fjöl­miðla,“ sagði í umsögn meiri­hluta nefnd­ar­inn­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Húsnæði Seðlabanka Íslands
Gagnrýnir skarpa hækkun sveiflujöfnunaraukans
Dósent í fjármálum við Háskóla Íslands segir mikla hækkun á eiginfjárkröfum fjármálafyrirtækja ekki vera í samræmi við eigið áhættumat Seðlabankans og úr takti við helstu samanburðarlönd.
Kjarninn 17. október 2021
Búinn að eyða 500 til 600 klukkustundum samhliða fullri dagvinnu í eldgosið
Ljósmyndabókin „Í návígi við eldgos“ inniheldur 100 tilkomumestu og skemmtilegustu myndirnar úr ferðum Daníels Páls Jónssonar að eldgosinu í Fagradalsfjalli. Hann safnar nú fyrir útgáfu hennar.
Kjarninn 17. október 2021
Þótt ferðamenn séu farnir að heimsækja Ísland í meira magni en í fyrra, og störfum í geiranum hafi samhliða fjölgað, er langur vegur að því að ferðaþjónustan skapi jafn mörg störf og hún gerði fyrir heimsfaraldur.
Langtímaatvinnuleysi 143 prósent meira en það var fyrir kórónuveirufaraldur
Þótt almennt atvinnuleysi sé komið niður í sömu hlutfallstölu og fyrir faraldur þá er atvinnuleysið annars konar nú. Þúsundir eru á tímabundnum ráðningastyrkjum og 44 prósent atvinnulausra hafa verið án vinnu í ár eða lengur.
Kjarninn 17. október 2021
Eiríkur Ragnarsson
Af hverju er aldrei neitt til í IKEA?
Kjarninn 17. október 2021
Karl Gauti Hjaltason er oddviti Miðflokksins í Suðvesturkjördæmi.
„Það er búið að eyðileggja atkvæðin í þessu kjördæmi“
Atkvæðin í kosningunum í Norðvesturkjördæmi „eru því miður ónýt,“ segir Karl Gauti Hjaltason, fyrrverandi sýslumaður og „vafaþingmaður“ Miðflokksins. „Það getur enginn í raun og veru treyst því að ekki hafi verið átt við þessi atkvæði“.
Kjarninn 17. október 2021
Gabby Petito
Verður morðið á Gabby Petito leyst á TikTok?
Margrét Valdimarsdóttir, doktor í afbrotafræði, segir enga ástæðu til að óttast breyttan veruleika við umfjöllun sakamála en mikilvægt sé að að gera greinarmun á sakamálum sem afþreyingu og lögreglurannsókn.
Kjarninn 17. október 2021
Lars Løkke fyrrverandi forsætisráðherra Danmerkur og formaður í Venstre.
Klækjarefurinn Lars Løkke ekki á förum úr pólitík
Þegar Lars Løkke Rasmussen sagði af sér formennsku í danska Venstre flokknum 2019 töldu margir að dagar hans í stjórnmálum yrðu brátt taldir. Skoðanakannanir benda til annars, nýstofnaður flokkur Lars Løkke nýtur talsverðs fylgis kjósenda.
Kjarninn 17. október 2021
Kornótta ljósmyndin sem vakti athygli á kjarabaráttu
Verkafólk hjá morgunkornsframleiðandanum Kelloggs segist ekki ætla að láta bjóða sér kjaraskerðingar og er komið í verkfall. Einn verkfallsvörðurinn varð nokkuð óvænt andlit baráttunnar.
Kjarninn 16. október 2021
Meira úr sama flokkiInnlent