Vöxtur var í flestum teg­undum versl­unar í júlí í sam­an­burði við sama mánuð í fyrra, sam­kvæmt upp­lýs­ingum frá Rann­sókn­ar­setri versl­un­ar­inn­ar. Þannig var heldur meiri raunaukn­ing á sölu mat­vöru en verið hefur und­an­farna mán­uði. Sama er að segja um áfeng­is­kaup sem voru um fimmtán pró­sent meiri í júlí síð­ast­liðnum en í júlí í fyrra. „Hér verður þó að hafa í hug að síð­asti dagur júlí­mán­aðar var föstu­dagur fyrir versl­un­ar­manna­helgi sem jafnan er sölu­hár dag­ur. Í fyrra var föstu­dagur fyrir versl­un­ar­manna­helgi fyrsti dagur ágúst­mán­að­ar,“ segir í frétta­bréfi Rann­sókn­ar­set­urs­ins.

Verð á skóm var 11,4 pró­sent lægra í júlí síð­ast­liðnum en í júlí í fyrra sam­kvæmt verð­mæl­ingu Hag­stof­unn­ar. Margir virð­ast hafa notað tæki­færið og keypt sér skó því sala á skóm jókst um 19,1 pró­sent að raun­virði í mán­uð­inum miðað við júlí í fyrra. Aukn­ing í skó­sölu að nafn­virði (í krónu­tölu) í skó­verslun nam 5,6 pró­sent á milli ára. Verð á fötum hækk­aði hins vegar um 1,6 pró­sent frá júlí í fyrra.

Korta­velta jókst

Greiðslu­korta­velta heim­il­anna inn­an­lands nam næstum 68 millj­örðum króna í júlí og jókst um 8,3 pró­sent frá júlí í fyrra.  Þá greiddu lands­menn níu millj­arða króna með kortum sínum erlendis í mán­uð­inum en það er tutt­ugu pró­sent aukn­ing frá júlí í fyrra. Korta­velta erlendra ferða­manna hér á landi í júlí nam 24 millj­örðum króna sem er 31 pró­sent aukn­ing frá júlí í fyrra. Ætla má að erlend korta­velta í íslenskum versl­unum í júlí hafi verið lið­lega þrír millj­arðar króna, að því er fram kemur í upp­lýs­ingum Rann­sókn­ar­set­urs versl­un­ar­inn­ar.