Þessi færsla er úr eldra greinasafni Kjarnans og gæti þess vegna birst furðulega.

Ég á þetta - ég má þetta

pall-asgeir.jpg
Auglýsing

Þegar man­íukast íslensku þjóð­ar­innar var um það bil að ná hámarki í aðdrag­anda hruns­ins 2008 fædd­ist orða­lag­ið: Ég á þetta- ég má þetta. Nú man ég ekki lengur hver var umgerð þess­arar sögu – sjálf­sagt átti hún að hafa gerst um borð í flug­vél eins og flestar svona sög­ur.

Þegar nýríkir Íslend­ingar voru að fljúga um heim­inn í einka­þotum örvita af kaupæði með troðnar töskur af ódýru lánsfé var ekk­ert fót­boltalið of dýrt, engin snekkja nógu glæsi­leg og ekk­ert vöru­hús of lít­ið. Fyr­ir­bærið drukk­inn Íslend­ingur í útlöndum hefur fyrir löngu öðl­ast goð­sagna­kenndan status og útlandið byrjar um borð í flug­vél­inni.

„Til þess að draga úr aðsókn var reynt að halda fund­inn afsíðis fjarri leiðum stræt­is­vagna á vinnu­tíma og aug­lýsa hann ekki.“

Auglýsing

Hinn ölv­aði Íslend­ingur í rúsi vel­gengni var lítt frá­brugð­inn ver­tíð­ar­garp­inum sem gekk ber­serks­gang á erlendum sól­ar­ströndum með sjéni­verpel­ann í vas­anum 40 árum fyrr. Hann átti þetta og mátti þetta. Kjarni sög­unnar er altsvo mað­ur­inn sem hefur náð því nir­vana auð­söfn­unar og valda að hann getur gert hvað sem honum sýn­ist þegar honum sýn­ist án sam­ráðs og sam­visku.

Hann á þetta og má þetta.

Kynn­ing­ar­fund­ur ­sem átti ekki að fara hátt



Á dög­unum voru tvær stein­runnar rík­is­stofn­an­ir, Vega­gerðin og Lands­net neyddar til þess að halda eins­konar kynn­ing­ar­fund vegna áforma sinna um að leggja upp­byggðan veg og háspennu­línu yfir Sprengisand. Til þess að draga úr aðsókn var reynt að halda fund­inn afsíðis fjarri leiðum stræt­is­vagna á vinnu­tíma og aug­lýsa hann ekki.

Allt kom fyrir ekki því argir nátt­úru­vernd­ar­menn mættu nokkuð fjöl­mennir á fund­inn og vildu fá svör. Hver leyfði þetta? Viljum við raun­veru­lega skera hálendi Íslands um þvert og raða háspennu­möstrum eins og keðju 30 silf­ur­pen­inga um háls Fjall­kon­unn­ar? Hvenær megum við ræða í alvöru hvað á að vernda og hverju á að fórna?

Þessar og fleiri spurn­ingar sem ein­ungis fjalla­grasaét­andi, hug­leið­andi og lopa­peysu­klæddu nátt­úru­vernd­ar­hjól­reiða­pakki getur dottið í hug að bera upp, dundu á illa und­ir­búnum kynn­ing­ar­full­trúum og lágt settum verk­fræð­ingum sem stóðu í raf­veitu­heim­il­inu með nokkrar glærur og loft­myndir í hend­inni líkt og börn með vota bleyju.

Loks­ins kall­aði aldr­aður vega­gerð­ar­vega­vinnu­skrif­stofu­manns­að­stoð­ar­maður yfir kyn­slóða­bilið að Vega­gerðin hefði allan laga­legan rétt í þessum efnum og mætti skipu­leggja og hanna vegi eins og henni sýnd­ist og einkum og sér­ílagi ef þjóð­þrifa­fyr­ir­tæki eins og Lands­net bæðu hana að gera það. Hann tin­aði ofur­lítið þegar hann sagði þetta og mér sýnd­ist vera þunn dreif af flösu á kraga og herðum köflótta jakk­ans ættuð úr drif­hvítum hár­krag­an­um.

Við höfum ræst allt Ísland fram svo engin mýri finnst lengur og eng­inn fugla­söngur rýfur þögn­ina lengur þegar slökkt er á skurð­gröf­unni en menn­ina á vél­unum vantar verk­efni eins og skot.


Ekki rífa kjaft



Þeir nefni­lega eiga þetta og mega þetta. Rétt eins og Fram­sókn­ar­menn eiga sveit­irn­ar, þorpin og bændur alla og ef þú ert eitt­hvað að rífa kjaft þá ertu minntur á að það voru sko haldnar kosn­ingar og nú er röðin komin að okk­ur. Hvert atkvæði okkar er 2.5 sinnum þyngra en þitt. Kópa­sker toppar Norð­ur­mýr­ina hvenær sem er.

Við höfum ræst allt Ísland fram svo engin mýri finnst lengur og eng­inn fugla­söngur rýfur þögn­ina lengur þegar slökkt er á skurð­gröf­unni en menn­ina á vél­unum vantar verk­efni eins og skot. Það þarf að bora göng, leggja vegi og reisa háspennu­línur í einum log­andi hvelli. Umhverf­is­ráðu­neytið er lokað ofan í skúffu í land­bún­að­ar­ráðu­neyt­inu og best að drífa sig og koma þessu í ferli svo þegar nátt­úru­hipp­arnir með latté­boll­ann átta sig þá verður ekki verj­andi að hætta við því frest­ur­inn til athuga­semda er útrunn­inn og búið að setja geysi­legt fé í rann­sóknir og teikn­ingar og til­lög­ur.

Koma­so.

Við eigum þetta og megum þetta.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Lokaspá: Líkur frambjóðenda á að komast inn á Alþingi
Kjarninn birtir síðustu þingmannaspá sína í aðdraganda kosninga. Ljóst er að margir frambjóðendur eiga fyrir höndum langar nætur til að sjá hvort þeir nái inn eða ekki og töluverðar sviptingar hafa orðið á líkum ýmissa frá byrjun viku.
Kjarninn 25. september 2021
Lokaspá: Meiri líkur en minni á að ríkisstjórnin haldi velli
Samkvæmt síðustu kosningaspánni mun Framsóknarflokkurinn verða í lykilstöðu í fyrramálið þegar kemur að myndun ríkisstjórnar, og endurheimtir þar með það hlutverk sem flokkurinn hefur sögulega haft í íslenskum stjórnmálum.
Kjarninn 25. september 2021
Álfheiður Eymarsdóttir og Gunnar Ingiberg Guðmundsson
Er ekki bara best að kjósa Samherja?
Kjarninn 24. september 2021
Formenn flokkanna sögðu nú sem betur fer að uppistöðu aðallega satt í viðtölunum sem Staðreyndavakt Kjarnans tók fyrir.
Fjögur fóru með fleipur, jafnmörg sögðu hálfsannleik og tvær á réttri leið
Staðreyndavakt Kjarnans rýndi í tíu viðtöl við leiðtoga stjórnmálaflokka sem fram fóru á sama vettvangi. Hér má sjá niðurstöðurnar.
Kjarninn 24. september 2021
Steinar Frímannsson
Stutt og laggott – Umhverfisstefna Samfylkingar
Kjarninn 24. september 2021
Hjördís Björg Kristinsdóttir
Vanda til verka þegar aðstoð er veitt
Kjarninn 24. september 2021
Árni Finnsson
Á að banna olíuleit á hafsvæðum Íslands?
Kjarninn 24. september 2021
Eiríkur Björn Björgvinsson
Samskipti ríkis og sveitarfélaga
Kjarninn 24. september 2021
Meira úr sama flokkiPistlar
None