Þessi færsla er úr eldra greinasafni Kjarnans og gæti þess vegna birst furðulega.

Bibbi bloggar úr Evróputúr Skálmaldar: Hamborg

DSCF3961-copy.jpg
Auglýsing

Skálmöld er nú á tæp­lega 7 vikna túr um Evr­ópu. Dag­arnir eru afskap­lega við­burða­ríkir og aðstæður oft afskap­lega skemmti­leg­ar. Snæ­björn, bassa­leik­ari og texta­höf­undur sveit­ar­inn­ar, heldur úti dag­legu bloggi á vef Kjarn­ans þar sem hann lýsir hinu goð­sagna­kennda rokk­ara­lífi. Táfýla, blóð, sviti, tár og auð­vitað rokk & ról beint í æð.

Gunni er far­inn. Klukkan er 2.09 og við vorum að kveðja hann rétt í þessu. Svo er nú það að sjö vikna túrar í útlöndum eru ýmsu háðir og að ýmsu er að hyggja. Þegar við ákváðum að taka þennan túr var útséð með að Gunni gæti verið með okkur allan tím­ann. Hann þarf að sinna hámenn­ing­unni heima við, sem og alls­konar öðru skemmti­legu, og þannig var dag­ur­inn í dag var hans síð­asti dag­ur. Áður en við héldum af stað höfðum við sam­band við mann sem skyldi leysa Gunna af, þjálf­uðum hann upp og gerðum það sem þurfti að gera. Ákvörðun sem þessi er ekki tekin af léttum hug. Skálmöld telur sex með­limi sem lifa og hrær­ast í því sem bandið ger­ir. En stundum stand­ast hlutir á og þá hluti þarf að leysa.

DSCF3979 copy Hvað gerðir þú við pen­ing­ana sem frúin í Ham­borg gaf þér? Svar­aðu mér­!

Auglýsing

Þetta er aðeins í annað skipti sem við höfum þurft afleys­inga­mann á ferli bands­ins. Hið fyrra var fyrir mjög skömmu síðan þegar Jón Geir þurfti í axl­ar­að­gerð. Þá fengum við meist­ara­snill­ing­inn Krist­ján B. Heið­ars­son til að hlaupa í skarðið sem auð­vitað leysti sitt með ágæt­um, og raunar gott meira en það. Þegar upp kom að leysa þyrfti org­el­leik­ara vorn af hólmi kom eig­in­lega ekki nema einn maður til greina. Sá heitir Har­aldur V. Svein­björns­son og er núna áfeng­is­dauður inni í koju.

Jæja, ok. Hann hóf ferða­lagið að heiman klukkan fimm í morgun og senni­lega hefur hann verið syfj­að­ur. En hann lenti í Rúss­unum sem vildu ekk­ert frekar en bjóða hann vel­kom­inn á túr­inn. Og þegar Rússar vilja fagna bjóða Rússar vodka. Og aum­ingja Halli fékk vodka. Allan vod­k­ann.

Halli er maður sem á sögu með Skálmöld. Hann er útlærður tón­list­ar­maður og hámenn­ing­ar­viti fyrir það fyrsta, en í mínum huga kannski fyrst og fremst maður sem var í Dead Sea Apple. Það er mjög töff. Hans nýj­ustu poppa­frek fara aðal­lega fram þegar hljóm­sveitin Buff stígur á stokk en þar spilar hann á bassa. Ég kynnt­ist honum reyndar fyrst á Hró­arskeldu­há­tíð­inni árið 2004 þegar við vorum báðir fal­legri og grennri. Og svo lágu okkur leiðir ekki almenni­lega aftur saman fyrr en í fyrra.

Halli er mað­ur­inn sem útsetti allt heila hel­vítis draslið fyrir tón­leika Skálmaldar með Sin­fón­íu­hljóm­sveit Íslands. Þegar við vorum á túr fyrir rúmu ári síðan voru þeir Gunni í beinu sam­bandi til að láta hlut­ina ger­ast, Gunni var okkar tengiliður í verk­efn­inu en Halli var klár­lega mað­ur­inn sem lét hlut­ina ger­ast. Hver ein­asta rödd sin­fón­í­unnar sem og kór­arn­ir, þetta er allt saman hans. Sem og raunar mikið af okkar spila­mennsku því hann lét sig ekki muna um að ráð­ast inn á okkar yfir­ráða­svæði og skikk­aði okkur oft og tíðum til að spila hluti sem við vorum ekki vanir að spila. Og já, svo spilar hann auð­vitað líka á hljóm­borð.

Að skipta út túr­andi með­limi í Skálmöld er ekk­ert grín, og þetta er mikið til­finn­inga­mál. Ég ætla að geyma það fram á morgun að dæma hvað mér í raun og veru finnst. Auð­vitað er ég him­in­lif­andi að við höfum ekki þurft að teygja okkur lengra en þetta til að finna full­kom­lega verðan afleys­inga­mann, en að sjá af Gunna upp í leigu­bíl hvar hann hélt heim á leið til Íslands var ekk­ert grín. Skálmöld er nefni­lega ekki bara hljóm­sveit. Skálmöld er gríð­ar­sterkur vina­hópur og heild sem slík­ur. Í full­komnum heimi myndum við ekki þurfa að gera hlut­ina svona, en þegar allt hefur verið reiknað saman er þetta best. En já, þetta er und­ar­legt.

Ann­ars var dag­ur­inn bara svona eins og dag­arnir eru almennt. Ég kláraði nótt­ina á að horfa á meira af Black Mir­ror og sofn­aði auð­vitað ekki fyrr en undir morg­un. Og svo bara Hamburg. Við höfum spilað tvisvar áður hér í borg en ekki á þessum til­tekna stað. Þetta var gam­an. Dag­ur­inn fór ágæt­lega fram og allir voru mjög svo starf­inu vaxn­ir, fyrir utan tækni­menn á sviði sem voru alveg stropað­ir. Flexi lamdi það úr þeim í sánd­tékk­inu og hefndi sín svo með því að eyð­leggja eins og einn hátal­ara á gigg­inu sjálfu. Eða hluta úr hátal­ara, svo­kall­aðan tvíter. Og auð­vitað var það ekki vilj­andi, svona lagað getur jú alltaf gerst. En Skálmöld þarf sitt hljóð­ræna pláss sem Axel sér til að sé alltaf til stað­ar. Og stundum kostar það bara svo­lít­ið. En til að taka af allan vafa þá ger­ast svona hlutir auð­vitað við og við og hinar hljóm­sveit­irnar léku sér að því að spila gegnum tækin eftir þessa minni­háttar árás. Og giggið var gott. Greini­legt kveðjugigg fyrir Gunna og allt ein­hvern veg­inn á millj­ón. Ég held að þetta hafi allt verið aðeins hraðar en venju­lega. Stundum er þetta bara svona. Eftir tón­leik­ana hittum við alls­konar fólk, fullt af Íslend­ingum raunar sem var sér­lega skemmti­legt, en líka fólk sem hefur komið til Íslands eða hafði aðrar skemmti­legar sögur að segja. Gott mingl.

Klúbb­ur­inn við hlið­ina á staðnum sem við spil­uðum á heitir Indra. Hann er þekktur sem hinn frægi Bítla­klúbbur í Hamburg, stað­ur­inn sem The Beat­les spil­uðu við­stöðu­laust á í upp­hafi fer­ils­ins. Rétt fyrir brott­för kíktum við þangað inn. Hann er lít­ill. Hann er bara svona eins og Café Ros­en­berg að stærð á að giska. Við fengum okkur eins og einn bjór, snertum vegg­ina og spil­uðum Foos­ball. Og svo héldum við í rútu.

Á morgun spilum við í Eind­hoven. Ég man ekki nákvæm­lega hversu langt á að vera þangað en ferða­planið giskaði á átta tíma akst­ur. Við erum jafn­margir í rút­unni og síð­ast en nú hafa orðið grund­vall­ar­breyt­ing­ar. Ég vona að Halli vakni ekki of þunnur á morg­un, það hlýtur að vera erfitt að sofa svona pass­lega rænu­mik­ill sína fyrstu nótt í koj­unni. Ég veit að þetta verður góður túr það sem eftir lifir en ég ætla ekki að fela það að þetta er skrýt­ið.

Þetta var pínu erfið færsla. Ég er drukk­inn og nú er klukkan 3.04. Venju­lega tekur ekki svona langan tíma að skrifa þessar færsl­ur. Við erum allir hér frammí, nema Halli vit­an­lega, en Baldur og Þrábi hafa verið svona sitt á hvað í koju og ekki. Þetta var góður dagur en markar tíma­mót. Ég vona að við stoppum fljót­lega því raun­vínið er búið og ég þarf að pissa.

Meist­ara­legt dags­ins: Halli.

Sköll dags­ins: Gunni.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Efsta lagið á Íslandi á nær öll verðbréf í beinni eigu einstaklinga hérlendis
Á sex ára tímabili hefur verðbréfaeign Íslendinga vaxið um 192 milljarða króna, eða um 52 prósent. Af þeirri upphæð hefur 175 milljarðar króna farið til þeirra tíu prósenta landsmanna sem mest eiga, eða 91 prósent.
Kjarninn 27. september 2020
Vörur Gaza Company byggja hvort tveggja á íslenskum og palenstínskum hefðum í saumaskap.
Gjöf frá Gaza
Markmið verkefnisins Gjöf frá Gaza er að hjálpa palestínskum konum að halda fjárhagslegu sjálfstæði sínu svo þær geti framfleytt sér og fjölskyldum sínum. Nú má kaupa vörur Gaza Company á Karolinafund og styðja þannig við verkefnið.
Kjarninn 27. september 2020
Eggert Gunnarsson
Stórihvellur
Kjarninn 27. september 2020
Sólveig Anna Jónsdóttir
Nokkur orð um stöðuna
Kjarninn 27. september 2020
Halldór Benjamín var gestur í Silfrinu í dag.
Segir algjöran skort hafa verið á samtali
Halldór Benjamín Þorbergsson sagði í Silfrinu í morgun að verkalýðshreyfingin hefði hafnað því að eiga í samtali um útfærsluatriði Lífskjarasamnings. Kosning fyrirtækja innan SA um afstöðu til uppsagnar kjarasamninga hefst á morgun.
Kjarninn 27. september 2020
Tuttugu ný smit innanlands – fjölgar á sjúkrahúsi
Fjórir einstaklingar liggja nú á sjúkrahúsi vegna COVID-19 og fjölgar um tvo milli daga. Einn sjúklingur er á gjörgæslu.
Kjarninn 27. september 2020
Framundan er stór krísa en við höfum val
„Okkar lærdómur af heimsfaraldrinum er sá að við höfum gengið of hart fram gagnvart náttúrunni og það er ekki víst að leiðin sem við vorum á sé sú besta,“ segir Stefán Gíslason, umhverfisstjórnunarfræðingur.
Kjarninn 27. september 2020
James Albert Bond er hér til vinstri ásamt Daniel Craig sem hefur farið með hlutverk njósnarans James Bond síðustu ár.
Bond, James Bond
Margir kannast við eina frægustu persónu hvíta tjaldsins, James Bond njósnara hennar hátignar. Sem ætíð sleppur lifandi, þótt stundum standi tæpt. Færri vita að til var breskur njósnari með sama nafni, sá starfaði fyrir Breta í Póllandi.
Kjarninn 27. september 2020
Meira úr sama flokkiKjarnafæði
None