Þessi færsla er úr eldra greinasafni Kjarnans og gæti þess vegna birst furðulega.

Gallblaðran í Vatnsmýri

pall-asgeir.jpg
Auglýsing

Kalda stríðið var dásam­legur tími. Þá var ekk­ert grátt svæði til heldur aðeins svart eða hvítt. Heim­ur­inn skipt­ist í þá sem voru með mér og þá sem voru á móti mér. Plús eða mínus, líf eða dauði, af eða á. Hin spillta borg gegn hinni hreinu sveit. Hinn frjálsi heimur gegn alheims­sam­særi komm­ún­ista. Sjálf­stæð­is­flokk­ur­inn, Varð­berg og Hvöt gegn Alþýðu­banda­lag­inu, MíR og Sam­tökum her­stöðvaand­stæð­inga.

Annað hvort átti maður amer­ískan bíl, las dálka Billy Gra­ham í Morg­un­blað­inu og hló að Ferdin­and og Stínu og Stjána eða keypti Þjóð­vilj­ann, ók á Moskvits, fór í vinnu­búðir til Kúbu og kunni Nall­ann utan­bók­ar.

Eft­ir­sjá að kalda stríð­inu



Svo var Berlín­ar­múr­inn rif­inn, Kan­inn fór heim, Reykja­nes­bær fór á haus­inn og heim­ur­inn varð grár og marka­laus. Kompásinn bil­aði og engin leið að vita hvort maður átti að treysta vinum óvina vina sinna eða hvort óvinir vina óvina minna væru gott fólk. Amer­íka sökk í spik og trú­ar­brjál­æði og rúss­neski björn­inn reynd­ist væni­sjúk­ur, tann­laus og með skorpulif­ur.

­Yf­ir­komnir af sökn­uði eftir svart­hvítum öruggum heimi hrína þeir út í tómið að útlönd séu hættu­leg, pest­ar­kjöt frá Evr­ópu mun ekki gera yður frjálsa og ríka heldur lang­veika og lingeðja.

Auglýsing

En í fjar­lægum afkimum heims­ins standa rosknir menn blárauðir í framan við að blása í deyj­andi glæður kalda stríðs­ins og mála með hvítu og svörtu yfir gráu tón­ana í lit­rófi sann­leik­ans. Þeir berj­ast í Skaga­firð­inum og þeir berj­ast í Vatns­mýr­inni og þeir berj­ast í Stak­steinum og Reykja­vík­ur­bréf­um. Yfir­komnir af sökn­uði eftir svart­hvítum öruggum heimi hrína þeir út í tómið að útlönd séu hættu­leg, pest­ar­kjöt frá Evr­ópu mun ekki gera yður frjálsa og ríka heldur lang­veika og lingeðja. Fiski­miðin eru sam­eign þjóð­ar­innar en við skulum samt veita fáeinum fjöl­skyldum sannra Íslend­inga einka­rétt á nýt­ingu þeirra um aldur og ævi.

Umsátrið um Ísland



Í hinum svart­hvíta heimi er setið um Ísland. Alls­konar fólk vill fá að flytja inn alls­konar mat án eft­ir­lits, það vill ger­ast aðili að sátt­málum um mann­rétt­indi og nátt­úru­vernd, gott ef það vill ekki þjóð­ar­at­kvæða­greiðslur og nýja stjórn­ar­skrá. Konur vaða upp á dekk með alls­konar hug­myndir um sjálf­stæði, jafn­rétti og erlent rugl.

Við erum hárs­breidd frá því að sharía lög komi í stað Grá­gásar um land allt, stræt­is­vagna­bíl­stjórar geri bæna­hlé á fastri áætl­un, þjófar verði hand­höggnir á Lækj­ar­torgi á sunnu­dags­morgnum og óskír­lífar konur grýttar á Aust­ur­velli.

Þessir menn vilja helst drepa lang­veik börn utan af landi og neyða almenn­ing til þess að ferð­ast á reiðhjólum.

Síð­asta víg­lína hins frjálsa heims liggur um Vatns­mýr­ina. Aft­ur­halds­komma­tittir í sauð­ar­gærum bestu flokka hafa laumað sér inn í borg­ar­stjórn Reykja­víkur og hyggj­ast loka neyð­ar­braut­inni. Þessir menn vilja helst drepa lang­veik börn utan af landi og neyða almenn­ing til þess að ferð­ast á reið­hjól­um. Þeir vilja opna útibú frá Norð­ur­-Kóreu í Reykja­vík og ef við stöðvum þá ekki verður Garða­bær næstur og þá falla dómínókub­b­arnir einn af öðr­um.

Örvita af hræðslu hlaupa varð­menn hins frjálsa heims frá manni til manns með þykkan bunka und­ir­skrifta sem sýna hug­heila tryggð alþýð­unnar við Reykja­vík­ur­flug­völl. Bæn­ar­skrárnar hlað­ast upp á þrösk­uldum ráð­herra, þær flæða um síður dag­blað­anna.

Breyttir tímar



En það er eng­inn að hlusta því við erum að horfa kett­linga­mynd­bönd á Face­book meðan við bíðum eftir flug­vél­inni til Köben. Við erum hætt að lesa Tím­ann og bíða eftir erindum á aðal­fundi Varð­bergs og síð­asta Kefla­vík­ur­gangan er löngu farin og það eru allir búnir að gleyma því til hvers þessi flug­völlur var byggður í miðbæ Reykja­vík­ur. Við höfum gleymt honum nema rétt að meðan Fokker­inn frá Egils­stöðum skríður yfir Aust­ur­völl og ræðu­maður í stól á vell­inum gerir hlé á máli sínu og vonar að hann fari ekki á trýnið ofan í Tjörn­ina áður en hann sleppur inn á braut því Gulla frænka er að koma í bæinn til að fá sér nýjar tennur eða er hún að flytja. Ég bara man það ekki.

Ein­hver þarf að senda þess­ari breið­fylk­ingu fram­sókn­ar­flug­vall­ar­vina­fylk­ingu daga­tal svo þau sjái að árið 2015 er runnið upp. Því má fylgja ein­lægt bréf­korn um það hvað við erum orðin hrylli­lega leið á þessum óstöðv­andi hræðslu­á­róðri, þessu for­pok­aða trú­ar­jarmi, þessum lygum um sér­stöðu Íslands, hrein­leika Íslands og hina góðu for­tíð Íslands.

For­tíðin var and­styggi­leg. Við þurfum að kom­ast frá henni til fram­tíðar og við þurfum engan flug­völl til þess. Það slær ekk­ert hjarta í Vatns­mýr­inni. Þetta eru krampar í gall­blöðru kalda stríðs­ins og það kemur í okkar hlut að jarða hana þar.

 

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Átta milljarða niðurfærsla á eignum Arion banka þurrkar upp hagnaðinn
Arion banki niðurfærir eignir, sem hefur mikil áhrif á rekstrarniðurstöðu ársins í fyrra.
Kjarninn 24. janúar 2020
Útilokar ekki að Þorsteinn Már snúi aftur sem forstjóri Samherja
Samherji einbeitir sér nú að því kanna ásakanir um mútugreiðslur í Namibíu en fyrirtækið telur sig hafa útilokað að ásakanir um peningaþvætti eigi við rök að styðjast. Enn er þó verið að rannsaka þær ásakanir.
Kjarninn 23. janúar 2020
Guðlaugur Þór Þórðarson og Rósa Björk Brynjólfsdóttir
Spyr hver afstaða íslenskra stjórnvalda sé til aftaka án dóms og laga
Þingmaður VG hefur lagt fram fyrirspurn á Alþingi til utanríkis- og þróunarsamvinnuráðherra þar sem hún spyr hver afstaða íslenskra stjórnvalda sé til þess þegar ríki beiti aftökum án dóms og laga. Hún telur svör ráðherra hafa verið óskýr hingað til.
Kjarninn 23. janúar 2020
Gunnar Hólmsteinn Ársælsson
Braskað í brimi
Kjarninn 23. janúar 2020
Kolbrún Baldursdóttir
Vill að Líf víki sem stjórnarmaður borgarinnar í Sorpu
Borgarfulltrúi Flokks fólksins hefur lagt fram tillögu þess efnis að Líf Magneudóttir, stjórnarmaður Reykjavíkurborgar í Sorpu og borgarfulltrúi VG, víki úr stjórninni og í reynd að öll stjórnin segi af sér.
Kjarninn 23. janúar 2020
Maður heldur á hagléli á stærð við golfbolta fyrir framan þinghúsið í Canberra þann 20. janúar.
Ein vika í Ástralíu: Eldar, flóð, sandbyljir og haglél
Ástralía hefur fengið að finna fyrir dekkri tónum litrófs náttúruaflanna á aðeins einni viku. Frumbyggjar landsins segja að fyrirbyggjandi aðgerðir, sem forfeður þeirra stunduðu, hefðu getað bjargað miklu.
Kjarninn 23. janúar 2020
Áslaug Arna Sigurbjörnsdóttir
Dómsmálaráðherra skipar hæfnisnefnd vegna stöðu ríkislögreglustjóra
Áslaug Arna Sigurbjörnsdóttir hefur skipað hæfnisnefndir vegna stöðu ríkislögreglustjóra, lögreglustjórans á Austurlandi og sýslumannsins í Vestmannaeyjum.
Kjarninn 23. janúar 2020
Helga Vala Helgadóttir er fyrsti flutningsmaður tillögunnar.
Leggja til stofnun launasjóðs afreksíþróttafólks
Samfylkingin leggur til að lagt verði fram frumvarp til laga um launasjóð fyrir afreksíþróttafólk. Tilgangur sjóðsins verði að auka fjárhagslegt öryggi íþróttamannanna.
Kjarninn 23. janúar 2020
Meira úr sama flokkiPistlar
None