Það er nýr höfð­ingi í daln­um. Hann heitir ekki Face­book heldur Snapchat. Þessi „nýi“ sam­fé­lags­mið­ill er um það bil að breyta því hvernig ung­lingar hegða sam­fé­lags­miðla­notkunn sinni með nýstár­legri tækni til að segja sög­ur.

Snapchat setti allt á annan endan í heimi sam­fé­lags­miðla þegar for­svars­menn fyr­ir­tæk­is­ins höfn­uðu þriggja millj­arða dala til­boði frá Face­book 14. nóv­em­ber í fyrra. Næsta dag bauð Google fjóra millj­arða doll­ara en því til­boði var einnig hafn­að. En hversu kúl eru nýju krakk­arnir í blokk­inni? Geta þeir bara sagt nei þegar töffar­arnir bjóða þeim út að leika?

htt­p://www.youtu­be.com/watch?v=kKS­r6h5-fCU

Fjöldi not­enda á Snapchat hefur rokið upp und­an­farin miss­eri. Flestir not­endur eru á aldr­inum 18 til 25 ára og yngri not­endur eru gríð­ar­lega virk­ir. Hátt í helm­ingur ung­menna á aldr­inum 12 til 24 ára í Banda­ríkj­unum hefur notað Snapchat, sam­kvæmt rann­sókn stjórn­mála­stofn­unnar Harvar­d-há­skóla. Virkni fellur síðan eftir því sem ald­ur­inn er hærri, sam­kvæmt rann­sókn­inni.

Tól fyrir nekt­ar­mynd­ir?

Fyrr í þessum mán­uð­i bár­ust fregnir af því að tölvu­þrjótar hefðu kom­ist yfir þús­undir nekt­ar­mynda sem sendar voru í gegnum Snapchat. Nekt­ar­mynd­irn­ar, sem flestar voru af ungum stúlkum á Norð­ur­lönd­um, höfðu verið vistaðar í hlið­ar­for­riti frá þriðja aðila svo örygg­is­veggir Snapchat voru í raun ekki brotn­ir. En spurn­ingin sem situr eftir er hvort appið sé ein­fald­lega bara tól fyrir ung­menn­i til að senda klám­fengnar myndir sín á milli?

Að­eins 1,6 pró­sent svar­enda sögð­ust nota Snapchat aðal­lega til kyn­boða, en 14,2 pró­sent sögð­ust hafa notað appið til að senda skila­boð í per­sónu­legri kantinum.

Í rann­sókn sem gerð var við háskóla í Was­hington og Seattle var hegðun á Snapchat rann­sökuð. Gengið var út frá því að appið væri aðal­lega notað í kyn­boð (e. sext­ing - ensk sam­suða af „text­ing“ og „sex“), þar sem ögrandi myndum væri varpað á milli not­enda.

Nið­ur­stöð­urnar voru hins vegar á allt annan veg. Aðeins 1,6 pró­sent svar­enda sögð­ust nota Snapchat aðal­lega til kyn­boða, en 14,2 pró­sent sögð­ust hafa notað appið til að senda skila­boð í per­sónu­legri kant­in­um. Meiri­hluti, eða tæp­lega 60 pró­sent, sögð­ust nota Snapchat til að senda grín eða skemmti­sög­ur.

Á mynd­band­inu hér að ofan má sjá vid­eó­bloggarann Casey Neistat fjalla um Snapchat-væð­ingu snjall­síma­kyn­slóð­ar­innar í Banda­ríkj­un­um.