Af hverju er iPhone 7 ekki með heyrnatólatengi?

airpods
Auglýsing

Stærsta fréttin af Apple við­burð­inum í fyrra­dag var óneit­an­lega skortur á 3,5mm heyrnatóla­teng­inu á iPhone 7. Þetta er sann­ar­lega mjög umdeilt en er alls ekki í fyrsta sinn sem Apple fjar­lægir tækni sem fæstir höfðu talið úrelta. Þegar Apple gaf út fyrstu iMac tölv­una árið 1997 þá var til dæmis mjög umdeilt að á henni voru aðeins USB tengi í stað hefð­bund­inna Ser­ial tengja. USB tengin voru til­tölu­lega ný og lítið af auka­hlutum í boði fyrir þau. Á þessum tíma var þetta áhættu­samt hjá Apple. Fyr­ir­tækið rambaði á barmi gjald­þrots og erfitt var að sjá vel­gengni USB stað­als­ins fyr­ir. iMac sló hins­vegar í gegn og sú vel­gengni hjálp­aði óneit­an­lega til við að gera USB að þeim staðli sem það er í dag.

Apple hefur verið mjög ötult í að hætta stuðn­ingi við ýmsa tækni sem þá virt­ist besti val­kost­ur­inn en, eftir á að hyggja, hefðu mátt deyja mun fyrr. Eitt skýrasta dæmið um þetta var ákvörð­unin að styðja ekki Flash marg­miðl­un­ar­staðal Adobe í fyrsta iPhone sím­anum (og öllum þar á eft­ir). Flash var þá með yfir­burð­ar­stöðu á mark­aði og engar aðrar raun­hæfar lausnir í sjón­máli. Margir spáðu iPhone ekki lang­lífi án Flash stuðn­ings. Margar til­raunir voru gerðar með Flash stuðn­ing á Android tækjum sem allar runnu út í sand­inn. Í dag er Flash nán­ast dautt og HTML5 hefur tekið við. Með því að neita að styðja Flash gat Apple, í krafti stærðar sinnar og stöðu, ýtt mark­að­unum í rétta átt. Jafn­vel þótt Apple hafi varla vitað hver sú átt yrði árið 2007.

Stundum er stefnan hins vegar mun skýr­ari. Apple bauð sein­ast upp á VGA tengi á far­tölvu í Power­book G3 árið 2001. Apple var þá ljóst að staf­ræn tengi voru fram­tíð­in. Þeir próf­uðu sig því áfram með DVI, Mini Dis­play Port og not­ast núna helst við Thund­er­bolt tengi og HDMI. Þrátt fyrir þetta þá lifir VGA tengið ennþá góðu lífi og bjóða flestir fram­leið­endur upp á tölvur með slíku tengi.

Auglýsing

Trúa á þráð­lausa fram­tíð

Í raun má skipta svona aðgerðum Apple í tvo hópa; Tækni sem er lögð niður til að nota nýjan staðal sem er betri (t.d. Mini Dis­play Port í stað DVI sem kom í stað VGA) og svo tækni sem ein­fald­lega er úrelt eða önnur inn­byggð virkni er betri fram­tíð­ar­kost­ur. Gott dæmi um það er þegar Mac­book Pro Ret­ina vélin los­aði sig við hefð­bundna LAN teng­ið.

En hvora af þessum leiðum er Apple að fara þegar kemur að 3,5mm teng­inu? Vilja þeir mögu­lega fá alla yfir á sinn lok­aða Lightn­ing stað­al? Margir virð­ast túlka þessa ákvörðun Apple þannig. Með því að þröngva not­endum yfir í Lightn­ing þá verða þeir mögu­lega trygg­ari (bundn­ari) fyr­ir­tæk­inu. Við­skipta­vinur sem á rán­dýr heyrn­ar­tól sem virka bara með iPhone er ólík­legri að versla aðra teg­und af sím­um. Einnig er beinn fjár­hags­legur ávinn­ingur fyrir Apple því fram­leið­endur sem nota Lightn­ing tengið þurfa að greiða Apple hlut­fall af hverju seldu tæki.

Apple svar­aði þessum pæl­ingum með afger­andi hætti í gær. Skila­boðin þar voru bæði ein­föld og skýr. Fyrstu orðin í kynn­ing­ar­mynd­inni fyrir þráð­lausu Air­Pods heyrnatólin voru;

„Við trúum á þráð­lausa fram­tíð, fram­tíð þar sem öll tækin þín tengj­ast áreynslu­laust sam­an“.

Apple ætlar sér nefni­lega ekki að fjar­lægja 3,5mm fyrir „nýtt og betra“ tengi eða til þess að þvinga not­endur yfir í sinn lok­aða stað­al. Apple lítur ein­fald­lega á 3,5mm tengið með sömu augum og þeir

sáu LAN teng­ið; úrelt tækni sem þráð­laus tækni leysir af hólmi. Rökin fyrir því að hætta að styðj­ast við LAN tengið á þeim tíma­punkti var ein­fald­lega sú að hinn val­kost­ur­inn, þráð­laust inter­net, var nógu gott fyrir flesta. Þrýs­ingur frá Mac­book not­endum hjálp­aði svo til við að fá betri net­beina á mark­að­inn. Að sama skapi er Light­ing tengi Apple eða USB Type-C ekki arf­taki 3,5mm teng­is­ins frekar en að USB sé arf­taki LAN teng­is­ins eða USB minnis­lyklar arf­taki disk­ettu­drifs­ins. Við ákveðnar aðstæður virkar bein­teng­ing klár­lega bet­ur. Fyrir þær aðstæður býður Apple upp á redd­ingu í formi breyti­stykk­is. En með því að taka í burtu heyrnatóla­tengið þá ætlar Apple sér að setja þá 70 milljón síma sem þeir selja árlega á þráð­lausa hluta vog­ar­skálar­inn­ar. Þannig munu tengja­lausir iPhone símar gefa Blu­etooth staðl­inum og fram­leið­endum Blu­etooth heyrnatóla það spark í rass­gatið sem þeim hefur sár­lega vant­að.

Tækni­leg leyn­isósa

Það skiptir Apple engu máli að Blu­etoothennþá ekki nógu góð. Og þetta ennþá er einmitt lyk­il­at­riðið hér því Blu­etooth tæknin er langt í frá því að vera nógu góð til að leysa hefð­bundna 3,5mm tengið full­kom­lega af hólmi við allar aðstæð­ur. Apple leysir mikið af þeim göllum með Air­Pods heyrnatól­unum sem einnig voru kynnt í gær, $159 heyrna­tól sem nota NFC ásamt tækni­legri leyn­isósu til þess að gera upp­lifun af Blu­etooth marg­falt betri. En Air­Pods eru engin töfra­lausn fyrir hinn hefð­bundna not­enda. Til þess eru þau allt of dýr. Það skiptir þó litlu máli því nóg er til af ágætis Blu­etooth heyrnatólum frá ótelj­andi fram­leið­end­um.  

Eins og áður not­ast Apple áfram við opinn staðal sem stendur öllum fram­leið­endum til boða. Heyrna­tól fram­leidd af Apple munu sann­ar­lega virka betur með iPhone en Android sím­um, ef þau styðja Android á annað borð, en sá sem verslar dýr og vönduð heyrna­tól þarf ekki að hafa áhyggjur af því að þau virki ekki með nýjum síma, óháð því hvaða stýri­kerfi hann keyrir á. Í litlum tækjum þar sem hver milli­meter af plássi er verð­mætur mun 3,5mm tengið ein­fald­lega hverfa á allra næstu árum. Það er lík­legt að þessar breyt­ingar verða bæði sárs­auka­fullar og óþol­andi. Eina sem er öruggt að við þurfum að finna pláss fyrir enn eitt hleðslu­tæk­ið.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Raddir margbreytileikans
Raddir margbreytileikans
Raddir margbreytileikans – 11. þáttur: „Að fara inn í íslenskan torfkofa opnar leið inn í heim iðandi ofurlífveru“
Kjarninn 26. október 2021
Lilja Alfreðsdóttir, mennta- og menningarmálaráðherra.
„Almennt má segja að skólastarf hafi gengið ágætlega frá skólabyrjun“
Ríkisstjórnin ræddi skólastarf í leik- og grunnskólum haustið 2021 vegna COVID-19 á ríkisstjórnarfundi í morgun.
Kjarninn 26. október 2021
Hagnaður Facebook á þriðja ársfjórðungi var 9 milljarðar dollarar, eða sem nemur rúmum 1.166 milljörðum króna.
Yfir þúsund milljarða króna hagnaður í skugga uppljóstrana og fækkunar yngri notenda
Hagnaður Facebook var meiri en búist var við á þriðja ársfjórðungi. Á sama tíma fækkar notendum í yngsta aldurshópnum og Facebook hyggst „endurheimta týndu kynslóðina“.
Kjarninn 26. október 2021
Fyrsta sektarákvörðun fjölmiðlanefndar sem varðar hlaðvarpsmiðlun var birt í síðustu viku.
Fjölmiðlanefnd sektar og skammar hlaðvarpsstjórnendur – og fær bágt fyrir
Árslöngum eltingaleik fjölmiðlanefndar við nokkra hlaðvarpsþætti lauk fyrir helgi með einni sektarákvörðun og tveimur álitum. Sum hlaðvörp eru nú fjölmiðlar og skráðir sem slíkir en þær raddir heyrast að eftirlitið með þessum markaði sé fram úr hófi.
Kjarninn 26. október 2021
„Nú þurfa Íslendingar að gyrða sig í brók“
Fíknigeðlæknir segir að nú þurfi Íslendingar að gyrða sig í brók svo að hið sama verði ekki upp á teningnum á Íslandi og í Bandaríkjunum varðandi ofnotkun ópíóíða.
Kjarninn 26. október 2021
Á meðal þeirra sakborninga sem setið hafa á bak við lás og slá í Nambíu frá því undir lok árs 2019 er Bernhard Esau, fyrrverandi sjávarútvegsráðherra landsins.
Tvö mál orðin að einu í Namibíu
Í nýju ákæruskjali í sameinuðu sakamáli vegna Fishrot-skandalsins í Namibíu eru engir Íslendingar á meðal sakborninga, en alls eru 10 manns og 18 félög sökuð um margvísleg brot í tengslum við kvótaviðskipti Samherja í landinu.
Kjarninn 26. október 2021
Þjóðhættir
Þjóðhættir
Þjóðhættir – Gamla höfnin í Reykjavík, örverur, kombucha og súrdeig
Kjarninn 26. október 2021
Gagnrýnir aðstöðuleysi fyrir ungmenni í Laugardalnum
Borgarfulltrúi Sjálfstæðisflokksins segir að ungmenni í Laugardal þurfi alvöru aðstöðu til íþróttaiðkunar „ekki fleiri vinnuhópa eða góðar hugmyndir á blaði“.
Kjarninn 26. október 2021
Meira úr sama flokkiGræjur
None