Þessi færsla er úr eldra greinasafni Kjarnans og gæti þess vegna birst furðulega.

Karolina Fund: 21. aldar rómantískt ljóðskáld

3235dcca0ba3b06db3cc8ec45f8f6d44.jpg
Auglýsing

Ingi­björg Elsa Björns­dóttir stendur fyrir söfnun fyrir útgáfu ljóða­bók­ar­innar Ópus fyrir ömmu á Karol­ina Fund. Bókin er róm­an­tísk ljóða­bók og er til­einkuð ömmu Ingi­bjarg­ar.

Segðu okkur frá verk­efn­inu þínu Ópus fyrir ömmu. Hvað drífur þig áfram til þess að skrifa og hvenær fórstu að skrifa ljóð?

„Ópus fyrir ömmu er róm­an­tísk ljóða­bók sem brýst út úr póst­módern­isma og póst­húman­isma inn í 21. aldar róm­an­tík. Ég er orðin leið á póst­módern­is­ma, tel póst­húman­isma hrein­lega ekki ganga upp og tel þessi fræði öll vera komin í fræði­legt og and­legt öng­stræti. Því er leitað til róm­an­tísku stefn­unnar um inn­blástur og nýtt upp­haf.

Auglýsing

Það er eitt­hvað innan í mér sjálfri, ein­hver skondin sköp­un­ar- og tján­ing­ar­þörf sem krefst þess að ég skrifi ljóð. Ég skrifa reyndar líka smá­sög­ur, en ég mun aldrei skrifa skáld­sögu. Ég er meist­ari hins knappa forms.

Ég fæ oft inn­blástur úr tón­list þegar ég skrifa. Þá fer flæðið af stað og ég kemst í gír. Mína fyrri ljóða­bók, Rökk­ur­sónöt­una, skrif­aði ég á þremur dögum sam­fleytt, af því að ég var hrædd um að missa inn­blást­ur­inn. Ég skrif­aði hana á þremur dögum en hafði hugsað í 40 ár.

Tékk­neska tón­skáldið Janacek hóf ekki að semja tón­verk fyrr en seint á lífs­leið­inni. Hann er mín fyr­ir­mynd. Ég byrj­aði ekki að skrifa að ráði fyrr en upp úr fer­tugu. Ég var svo lengi að ná fullum þroska. Núna er ég farin að leika mér að formi og tungu­mál­inu og ég skrifa til­brigði við form og leik mér að orðum og form­um. Ljóð mín eru ekki form­laus, þau hafa ákveðna hrynj­andi og ákveðna bygg­ingu.

Ég fór að skrifa ljóð sem barn, en þau urðu ekki góð fyrr en um fer­tugt. Móðir mín segir að ég hafi á barns­aldri staðið út á svölum í Breið­holt­inu og farið með frum­sam­inn ljóða­bálk til sól­ar­innar sem var að setj­ast yfir Selja­hverf­ið. Mér er því algjör­lega nauð­syn­legt að tjá mig bæði í ljóðum og smá­sög­um. Smá­sögur hef ég mikið skrifað á Rit­hringnum og hefur Rit­hring­ur­inn hjálpað mér mik­ið."

 Ópus merkir verk



Nafnið Ópus fyrir ömmu. Hvaðan kemur það?

„Ópus merkir verk. Langamma mín Ingi­björg Brynj­ólfs­dótt­ir, dóttir Brynj­ólfs Jóns­sonar sem var prestur að Ofan­leiti í Vest­manna­eyj­um, er mér mjög hug­stæð per­sóna. Hún gift­ist langafa mínum Magn­úsi Bjarn­ar­syni, presti og pró­fasti á Prest­bakka á Síðu í Vest­ur­-Skafta­fells­sýslu. Þannig flutti hún frá Vest­manna­eyjum upp á land að Prest­bakka. Hún var sterkur karakt­er, hafði góða kímni­gáfu og hefur verið mjög skemmti­leg og lif­andi mann­eskja. Bókin er skrifuð henni til heið­ur­s."

Ingibjörg Elsa Björnsdóttir , höfundur Ópus fyrir ömmu. Ingi­björg Elsa Björns­dóttir , höf­undur Ópus fyrir ömmu.

Hvert er svo fram­hald­ið? Stefnir þú á að gefa út fleiri bæk­ur?

„Ég er í dokt­ors­námi og hef verið að grufla í þýð­ingum og skriftum með nám­inu. Ég ætla mér að verða doktor í tækni­legri lýsandi þýð­inga­fræði og verða algjör sér­fræð­ingur í vél­þýð­ingum og sjálf­virkum þýð­inga­kerf­um.

 

Það er ágætt að skrifa ljóð með slíku. Ég verð að vísu að passa að láta ekki stíl­inn úr þýð­ing­unum og þýð­inga­vél­unum smit­ast yfir í ljóð­in, þ.e. tækni­legu þýð­inga­text­arnir eru mjög skýrslu­kenndir á köflum og ég vil helst ekki skrifa ljóð sem eru eins og skýrsl­ur.

 

Hug­mynda­fræði­lega legg ég áherslu á end­ur­reisn róm­an­tík­ur­inn­ar, upp­hafn­ingu sjálfs­ins, hið háleita, hrika­lega og fagra, og snilli­gáf­una í sjálfri mér. Einnig leyfi ég mér að trúa á æðri mátt. Fyr­ir­myndir mínar eru t.d. Bla­ke, Wordsworth, Tenn­y­son en svo verð ég að við­ur­kenna að ég er haldin taum­lausri aðdáun á T.S. Eliot.

 

Ég mun örugg­lega halda áfram að skrifa á meðan ég lifi. Ég verð fimm­tug eftir eitt ár, þannig að ég verð að vera afkasta­mikil og nýta tím­ann vel ef ég ætla að skilja eitt­hvað eftir mig í þessu lífi. Þegar ald­ur­inn fær­ist yfir fer maður að skilja hve tím­inn er verð­mætur og hversu mikil sóun er að eyða honum í vit­leysu."

 

Hægt er að skoða verk­efnið nánar og leggja því lið hér.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Höfuðstöðvar Alvotech hér á landi
Endurgreiðslur vegna rannsókna og þróunar margfaldast
Endurgreiðslur rannsóknar- og þróunarkostnaðar fyrirtækja námu 3,57 milljörðum í ár. Fyrirtækin sem hlutu hæstu endurgreiðslurnar í fyrra voru líftæknifyrirtækið Alvotech og stoðtækjafyrirtækið Össur.
Kjarninn 11. desember 2019
Vextir Seðlabankans óbreyttir
Peningastefnunefnd Seðlabanka Íslands hefur ákveðið að halda vöxtum bankans óbreyttum. Peningastefnan mun á næstunni ráðast af samspili þróunar efnahagsumsvifa annars vegar og verðbólgu og verðbólguvæntinga hins vegar.
Kjarninn 11. desember 2019
Stjórnendum fækkað úr 10 í 4 hjá Valitor
Fjórir stjórnendur hafa hætt störfum hjá Valitor að undanförnu, en félagið er nú í söluferli.
Kjarninn 11. desember 2019
Sigurður Viðarsson, forstjóri TM.
TM ætlar að verða banki
Tryggingafélagið TM ætlar sér að skora stóru bankanna þrjá á hólm með því að hefja bankarekstur. Ekki verður stefnt að því að stofna alhliða banka heldur finna syllu á markaðnum.
Kjarninn 11. desember 2019
Fimm metin mjög vel hæf í stöðu varaseðlabankastjóra
Tíu sóttu upphaflega um stöðu varaseðlabankastjóra, á sviði fjármálastöðugleika.
Kjarninn 10. desember 2019
João de Barros, sonur angólska ráðherrans, Antonio, ráðgjafi sama ráðherra, Tamson Hatuikulipi, Þorsteinn Már Baldvinsson, þá forstjóri Samherja, James Hatuikulipi og Sacky Shanghala í Hafnarfjarðarhöfn í nóvember 2013.
Bankareikningar frystir í Angóla út af Samherjamálinu
Bankareikningar fyrrverandi sjávarútvegsráðherra Angóla og fjölskyldumeðlima hennar hafa verið frystir. Þau liggja undir grun um að hafa þegið mútur frá Samherja sem greiddar voru til þess að komast yfir ódýran kvóta.
Kjarninn 10. desember 2019
Svanhildur Hólm Valsdóttir ásamt Bjarna Benediktssyni.
Svanhildur Hólm vill verða útvarpsstjóri
Aðstoðarmaður fjármála- og efnahagsráðherra hefur staðfest að hún hafi sótt um að verða næsti útvarpsstjóri.
Kjarninn 10. desember 2019
Kjartan Jónsson
Hvað getur útgerðin greitt?
Kjarninn 10. desember 2019
Meira úr sama flokkiKjarnafæði
None