Þessi færsla er úr eldra greinasafni Kjarnans og gæti þess vegna birst furðulega.

Karolina Fund: Hamfaraleikrit fyrir börn

66e108f444c147e96b5c68babca6282e.jpg
Auglýsing

Pétur Eggerz og Mögu­leik­húsið ætla að setja á svið leik­sýn­ing­una Eld­barnið í Tjarn­ar­bíói í febr­ú­ar. Til þess að af sýn­ing­unni geti orðið hafa þau ákveðið að stofna til fjár­öfl­unar á Karol­ina Fund.

Hér heldur Mögu­leik­húsið áfram umfjöllun um mann­líf í kjöl­far Skaft­ár­elda og Móðu­harð­inda, en síð­asta vetur frum­sýndi það ein­leik­inn Eld­klerk­inn sem hlaut afburða­góðar við­tök­ur. Að þessu sinni eru atburð­irnir skoð­aðir frá sjón­ar­hóli ungrar stúlku í nýju barna­leik­riti sem ætlað er áhorf­endum frá 9 ára aldri.

Auglýsing

Við tókum Pétur tali.

Ætl­aði að verða fugla­fræð­ingur



Segðu mér aðeins frá þér per­sónu­lega og frá Mögu­leik­hús­inu?

„Ég upp­al­inn í Breið­holt­inu, ætl­aði mér upp­haf­lega að verða fugla­fræð­ingur en þvæld­ist síðan út í leik­list á ung­lings­árum og hefur haldið mig þar síð­an. Eftir við­komu í bók­mennta­fræði í Háskóla Íslands  fór ég í leik­list­ar­skóla í London og hef komið víða við frá því ég kom það­an. Mögu­leik­húsið stofn­aði ég ásamt félögum mínum á vor­mán­uðum 1990, en leik­húsið hefur starfað sam­fellt síðan og fagnar því ald­ar­fjórð­ungs­af­mæli í ár. Frá upp­hafi hefur Mögu­leik­húsið lagt höf­uð­á­herslu á að frum­sýna ný íslensk verk fyrir unga áhorf­end­ur."

1fd2cba6f05c750c5970fe046e169301 Mögu­leik­hús­ið.   

Getur þú sagt mér frá aðdrag­anda þess að þið ákváðuð að setja þessa sýn­ingu upp? Er hún hluti af stærra verk­efni eða á hún sér for­sögu hjá ykkar leik­hóp?

„Að­drag­and­inn er nokkuð langur og má senni­lega rekja allt aftur til þess að ég var á sínum tíma sendur í sveit í Með­al­landið á bæ sem stendur við jaðar Skaft­ár­elda­hrauns­ins. Allt frá þeim tíma hefur mér verið saga þess­ara miklu atburða í Íslands­sög­unni mjög hug­leik­in. Það er þó eins og við höfum svo­lítið viljað gleyma þessum hluta sög­unnar og þeim áhrifum sem þessar miklu ham­farir höfðu á þjóð­ina. Því kvikn­aði sú hug­mynd hjá okkur fyrir all­nokkrum árum að áhuga­vert væri að gera þessu tíma­bili skil í leik­verki fyrir unga áhorf­end­ur. Þegar við fórum að grúska í efn­inu fór það hins­vegar svo að úr þessu spruttu tvö verk sem kalla má eins­konar tví­leik. Fyrra verkið var ein­leik­ur­inn Eld­klerk­ur­inn sem við frum­sýndum fyrir rúmu ári síð­an. Í því verki segjum við sögu séra Jóns Stein­gríms­sonar og Skaft­ár­elda, en byggjum að mestu á skrifum Jóns sjálfs, Ævi­sögu hans og Eld­riti. Eld­klerk­ur­inn er verk sem fyrst og fremst er ætlað full­orðn­um, en eftir frum­sýn­ingu á því var komið að því að vinna barna­leik­rit sem gerð­ist á tímum Skaft­ár­elda. Útkoman úr þeirri vinnu er Eld­barnið sem við frum­sýnum í Tjarn­ar­bíói 7. febr­ú­ar."

Ger­ist á tímum Skaft­ár­elda



Þessi saga er stór­merki­leg. Er þetta byggt á sannri sögu. Getur þú kannski farið aðeins yfir sög­una?

„Eld­barnið er skáld­verk sem ger­ist á tímum Skaft­ár­elda, nánar til­tekið á árunum 1783-1784. Við segjum sög­una af ungri stúlku, Sól­veigu, sem býr austur á Síðu í Vestur –Skafta­fells­sýslu. Þegar Skaft­ár­eldar hefj­ast fer bær­inn hennar undir hraun og hún hrekst á flótta ásamt móður sinni. Við tekur ævin­týra­leg atburða­rás þar sem ver­öldin öll hefur umturn­ast og Sól­veig þarf að læra að bjarga sér í heimi þar sem hætt­urnar virð­ast leyn­ast við hvert fót­mál. En hug­rekki og hjarta­hlýja reyn­ast tryggir föru­nautar á þessum óvissu­tím­um.

Þó sagan sjálf sé skáld­verk þá ger­ist hún í sögu­legu umhverfi þar sem nafn­greindir ein­stak­lingar úr raun­veru­leika þess tíma koma við sögu og raun­veru­legir atburðir flétt­ast inn í sög­una. Þannig lendir Sól­veig t.d. í eld­messu séra Jóns Stein­gríms­sonar á Kirkju­bæj­ar­klaustri þar sem straum­hvörf verða í lífi henn­ar. Þá byggir sagan einnig á upp­lýs­ingum um hvernig atburða­rásin varð­andi eld­gosið var á því tæpa ári sem sagan spannar og eins höfðum við til hlið­sjónar frá­sagnir af þeim veru­leika sem fólk í hinum svo­nefndu Eldsveitum þurfti að glíma við. Þetta er því saga sem í raun hefði getað gerst á þessum tíma.

Þá er einnig áhuga­verð teng­ing sem hefur komið upp nú í vetur eftir að eld­gosið hófst norðan Vatna­jök­uls þar sem við fáum smjör­þef­inn af ýmsu því sem dundi á lands­mönnum í Skaft­ár­eld­um, þó bless­un­ar­lega séu áhrif goss­ins fyrir norðan ekki nema brot af því sem fólk kynnt­ist í Móðu­harð­ind­un­um. En það er von okkar að leik­ritið veki áhuga yngri kyn­slóða á þessum hluta sögu okkar um leið og það veki til umhugs­unar um eðli þessa lands sem við byggjum og mik­il­vægi þess að við umgöng­umst það af virð­ingu og auð­mýkt."

Hægt er að skoða verk­efnið nánar og leggja því lið hér.

Ísland með langminnst fjölmiðlafrelsi á Norðurlöndunum
Ísland fellur enn á árlegum lista yfir vísitölu fjölmiðlafrelsis. Súrnun í samskiptum stjórnmálamanna og fjölmiðla nefnd sem ástæða. Hin Norðurlöndin eru öll á meðal þeirra fimm landa sem njóta mest fjölmiðlafrelsis.
Kjarninn 18. apríl 2019
Haukur Arnþórsson
Umferðin eykst með sjálfkeyrandi bílum
Kjarninn 18. apríl 2019
Rannsókn Mueller snérist að uppistöðu um hvort að Rússar hefðu beitt sér í forsetakosningunum 2016, sem Donald Trump vann.
Mueller fann tíu dæmi um mögulega hindrun á framgang réttvísinnar
Skýrsla Roberts Mueller verður afhend þingmönnum í Bandaríkjunum í dag. Á blaðamannafundi sagði dómsmálaráðherrann að Trump hefði tengst tíu atvikum sem mögulega hindruðu framgang réttvísinnar, en hann teldi sjálfur að fælu ekki í sér glæpi.
Kjarninn 18. apríl 2019
Þorsteinn Vilhjálmsson
Lífskjarasamningarnir: Rykið sest
Kjarninn 18. apríl 2019
Allir þessir heimar
Allir þessir heimar
Allir þessir heimar – Galdrahöfundur tveggja tungumála
Kjarninn 18. apríl 2019
Sigríður Á. Andersen þegar hún yfirgaf sinn síðasta ríkisráðsfund. Að minnsta kosti í bili.
Það helsta hingað til: Afsögn Sigríðar Á. Andersen
Kjarninn tók saman helstu fréttamál íslensks samfélags á fyrstu mánuðum ársins 2019. Eitt mál sem stendur þar upp úr er afsögn dómsmálaráðherra og dómur Mannréttindadómstóls Evrópu í Landsréttarmálinu.
Kjarninn 18. apríl 2019
Forsetinn sem varð til í beinni útsendingu á RÚV og þjóðin elskar
Á meðan að traust hríðfellur gagnvart Alþingi og borgarstjórn, og mælist undir 20 prósent, er einn þjóðkjörinn fulltrúi sem flestir landsmenn eru ánægðir með. Það er forseti landsins sem nýtur trausts 83 prósent landsmanna.
Kjarninn 18. apríl 2019
WOW skuldaði Isavia tvo milljarða í lok febrúar
Isavia gerði samkomulag við WOW air í september í fyrra um hvernig flugfélagið gæti greitt himinháa skuld sína við ríkisfyrirtækið. Á grundvelli þess samkomulags gat Isavia haldið vél frá WOW air á Keflavíkurflugvelli sem veði fyrir greiðslu.
Kjarninn 18. apríl 2019
Meira úr sama flokkiKjarnafæði
None