Þessi færsla er úr eldra greinasafni Kjarnans og gæti þess vegna birst furðulega.

Óbyggðirnar kalla

pall-asgeir.jpg
Auglýsing

Nýja árið rís flug­bratt úr flatneskju dag­anna eins og dæmi­gert stapa­fjall frá ísöld­inni skriður­unnið hið neðra en girt ókleifum hamra­beltum ofar. Í skugga fjalls­ins vafra nývakn­aðir ves­al­ingar tútnir af hangi­kjötsáti og slef­andi syk­ur­lopa síð­ast étnu Macin­tos­hmol­anna. Þeir nudda mara­þon­sjón­varps­þáttaglápsstír­urnar úr augum sér og hefja augu sín til fjall­anna með svar­dögum um nýtt líf.

Í upp­hafi hvers árs hefst skipu­leg úti­vistar og fjall­göngu­dag­skrá margra félaga og fyr­ir­tækja og þau reyna að lokka sófa­kart­öfl­urnar til sín með lof­orðum um að breyta þeim í tign­ar­lega og krón­hjörtum­líka fjall­göngugarpa, þrí­þraut­ar­kepp­endur og nátt­úru­börn.

Val­kvíði og ákvörð­un­ar­fælni



Í þessum menn­ing­ar­kima gengur um þessar mundir á með linnu­lausum kynn­ing­ar­fundum með fjalla­list­um, leið­bein­ing­um, fata­sýn­ingum og end­ur­fund­um. Mis­mun­andi stórir klasar göngu­manna sveima frá einum fundi til ann­ars og bera saman verð og dag­skrá en yfir vötn­unum svífur þykkt ský af val­kvíða og ákvörð­un­ar­fælni.

Við höfum fórnað ein­hverju af okkar nátt­úru­lega eðli fyrir þæg­indi og munað og á leið­inni að lát­lausri vellíðan höfum við orðið við­skila við hina ein­földu lífs­gæði sem aldrei hafa tapað gildi sínu.

Auglýsing

Að öllu skopi slepptu þá blundar lík­lega í hjörtum allra löng­unin til þess að vera úti að leika sér í snjó­sköfl­um, renna sér á rass­inum niður brekkur æpandi og skrækj­andi eða gang­andi í hljóðri andakt um snævi­hlaðna skóga eða blásna og frosna mela.

Við eigum í hug­skoti okkar draum­inn um að halda til fjalla og koma blóð­inu á hreyf­ingu, takast á við sjálf okkur og vet­ur­inn í hópi glaðra félaga. Við sjáum okkur í draumi sitj­andi með rjóðar kinnar í víð­sýnum fjalla­sal með heitt kakó í boll­an­um, heima­bakað rúg­brauð með kæfu og finnum gleð­ina sem þýtur í blóð­inu þegar tind­ur­inn er sigr­að­ur.

Þótt nátt­úran sofi undir sköfl­unum þá kallar hún á okkur og við heyrum það gegnum klið­inn frá sjón­varp­inu, áhyggj­unum af vinn­unni, fjár­mál­un­um, börn­un­um, fram­tíð­inni og skuld­bind­ing­un­um.

Þessi rödd kallar á okkur því þótt við höfum komið okkur vel fyrir í mjúkum stólum inni í upp­hit­uðum hús­um, sof­andi á heilsu­dýn­um, akandi í bílum með sírenn­andi afþr­ey­ingu og upp­lýs­ingar í eyrum og augum þá er þetta ekki okkar nátt­úru­lega umhverfi.

Við komum ekki niður úr trjánum fyrir þetta. Við höfum fórnað ein­hverju af okkar nátt­úru­lega eðli fyrir þæg­indi og munað og á leið­inni að lát­lausri vellíðan höfum við orðið við­skila við hina ein­földu lífs­gæði sem aldrei hafa tapað gildi sínu.

Nátt­úran hið eina rétta heim­kynni manns­ins



Um leið og við stígum út út bílnum og höldum til fjalla með vind­inn í hár­inu, frostið nar­t­andi í kinn­arnar eða sól­ina sem strýkur okkur og rign­ing­una sem slær okkur utan undir þá finnum við hvernig eitt­hvað verður rétt á ný. Brotið sem vant­aði í heild­ar­mynd­ina dettur allt í einu á sinn rétta stað og í vit­und okkur kviknar á skiln­ing­ar­vitum sem sofa á mal­bik­inu. Við finnum aftur í eðli okkar dýrið sem við erum öll undir merkjafatn­að­inum og aukakíló­unum og allt í einu verður auð­velt að hugsa og sjá vanda­mál hvers­dags­ins í öðru ljósi. Þetta ger­ist allt vegna þess að nátt­úran er hið eina rétta heim­kynni manns­ins og þar og ein­ungis þar er hann eins og hann á að sér að vera.

Það er nefni­lega ekki hægt að sýn­ast í erf­iðum fjall­göng­um. Nátt­úran kallar fram okkar rétta eðli og skap­höfn og sýnir okkur í veik­leika og styrk­leika og opnar þannig leið­ina að hjarta okkar.

Nátt­úran býr yfir græð­andi og styrkj­andi eig­in­leikum sem eng­inn tækja­salur í lík­ams­rækt getur líkt eft­ir. Sá sem gengur vask­lega eftir snævi­þöktum stíg með svalan vind á kinn í stefnu á tind­inn á fátt sam­eig­in­legt með þeim sem puðar á skíða­vél eða hlaupa­bretti með útvarp í eyr­unum og sjón­varp fyrir aug­um, nema hugs­an­lega það að þeir brenna kannski sama fjölda hita­ein­inga á hverri klukku­stund.

Um þennan lækn­inga­mátt nátt­úr­unnar hafa menn lengi vitað eins og eft­ir­far­andi erindi ber vitni um:

„Þegar lundin þín er hrelld

þessum hlýddu orð­um.

Gakktu með sjó og sittu við eld

svo kvað völvan forð­u­m.“

Guð­mundur Ein­ars­son frá Mið­dal sem var frum­kvöð­ull í fjalla­mennsku og nátt­úru­dýrkun á Íslandi kunni einnig vel að koma orðum að upp­lifun sinni. Í bók sinni Fjalla­mennska sem kom út 1946 segir Guð­mundur í skemmti­legri grein sem heitir Lík­ams­mennt og fjalla­ferð­ir: „Fjall­göngu­mað­ur­inn eign­ast víð­sýni og bjart­sýni í tvennum skiln­ingi. Hann ber höfuð sitt hátt og frjáls­mann­lega, brjóstið verður hvelft og gang­ur­inn örugg­ur. Stúlk­urnar fá auk þessa eitt­hvað af frjáls­leik hind­ar­inn­ar, og fjar­lægðir vaxa þeim ekki í aug­um.“ Guð­mundur segir líka þegar fjallað er um öryggi í fjall­göng­um: „Fleiri og voða­legri slys hljót­ast af hreyf­ing­ar­leysi en fjall­göng­um.“

Ég hef stjórnað göngu­hópum Ferða­fé­lags Íslands í fimm ár sam­fleytt og veit að Guð­mundur hafði rétt fyrir sér. Ég hef séð fólk stæl­ast og vaxa með þeim verk­efnum sem það setur sér. Ég hef séð það létt­ast og styrkjast, eign­ast fjöld­ann af nýjum vinum og stundum finna ást­ina. Það er nefni­lega ekki hægt að sýn­ast í erf­iðum fjall­göng­um. Nátt­úran kallar fram okkar rétta eðli og skap­höfn og sýnir okkur í veik­leika og styrk­leika og opnar þannig leið­ina að hjarta okk­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Það að vera kvenkyns lögmaður eykur líkur á að mál falli umbjóðandanum í vil samkvæmt nýrri íslenskri rannsókn.
Kvenkyns lögmenn líklegri til að vinna mál í héraði
Kvenkyns málflytjendur skila betri árangri fyrir dómstólum og eldri dómarar eru líklegri til að dæma varnaraðila í vil en þeir sem yngri eru, samkvæmt nýrri íslenskri rannsókn.
Kjarninn 28. júní 2022
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands efur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Kristrún Frostadóttir, þingmaður Samfylkingarinnar.
Kristrún íhugar formannsframboð
Kristrún Frostadóttir, þingmaður Samfylkingarinnar, segist „íhuga alvarlega“ að bjóða sig fram til formanns á landsfundi flokksins í október. Logi Einarsson tilkynnti um miðjan júní að hann muni ekki bjóða sig fram að nýju.
Kjarninn 28. júní 2022
„Bleika húsið“, heilsugæsla sem þjónustar konur í Mississippi er eina heilsugæslan í ríkinu sem veitir þungunarrofsþjónustu. Henni verður að öllum líkindum lokað innan nokkurra daga.
Síðustu dagar „bleika hússins“ í Mississippi
Eigandi einu heilsugæslunnar í Mississippi sem veitir þungunarrofsþjónustu ætlar að halda ótrauð áfram, í öðru ríki ef þarf, eftir að Hæstiréttur Bandaríkjanna felldi rétt til þungunarrofs úr gildi.
Kjarninn 27. júní 2022
Á Fossvogsbletti 2 stendur einbýlishús og geymsluhúsnæði.
Borgin steig inn í 140 milljóna fasteignakaup í Fossvogsdal
Borgarráð Reykjavíkurborgar samþykkti á dögunum að nýta forkaupsrétt sinn að fasteignum á Fossvogsbletti 2. Fjárfestingafélag ætlaði að kaupa eignina á 140 milljónir og gengur borgin inn í þau viðskipti.
Kjarninn 27. júní 2022
Sífellt fleiri notendur kjósa að nálgast sjónvarpsþjónustu í gegnum aðrar leiðir en með leigu á myndlykli.
Enn dregst leiga á myndlyklum saman en tekjur vegna sjónvarps halda áfram að aukast
Tekjur fjarskiptafyrirtækja vegna sjónvarpsþjónustu hafa rokið upp á síðustu árum. Þær voru 3,8 milljarðar króna á árinu 2017 en 14,9 milljarðar króna í fyrra. Þorri nýrra tekna í fyrra var vegna sjónvarpsþjónustu.
Kjarninn 27. júní 2022
Hagstofan býst við að hagvöxtur verði enn kröftugri en spáð var í lok vetrar
Hagstofan býst við því að hagvöxtur verði 5,1 prósent á árinu og 2,9 prósent á næsta ári, samkvæmt nýrri þjóðhagsspá. Búist er við því að um 1,6 milljónir ferðamanna sæki landið heim í ár, en fyrri spá gerði ráð fyrir 1,4 milljónum ferðamanna.
Kjarninn 27. júní 2022
Meira úr sama flokkiPistlar
None