Þessi færsla er úr eldra greinasafni Kjarnans og gæti þess vegna birst furðulega.

Sjö eftirminnilegustu stórmót íslenska handboltalandsliðsins

2831143119_5e9350fb3e_z.jpg
Auglýsing

Íslensk þjóð mun taka hand­bolta­sótt síðar í dag þegar hand­boltalands­liðið hefur leik á enn einu stór­mót­inu. Árum saman hefur svita­böðuð hóp­glíman lyft íslensku sam­fé­lagi uppúr skamm­deg­inu og dæg­ur­þras­inu í jan­úar og þjappað því saman á bak­við lið­ið, sem aldrei er kallað neitt annað en „strák­arnir okk­ar“.

Kjarn­inn rifjar af þessu til­efni upp nokkrar eft­ir­minni­legar loka­keppnir og ólymp­íu­leika sem hand­boltalands­liðið hefur tekið þátt í. Keppnir sem annað hvort skildu eftir jákvæðar minn­ingar eða súrt bragð í munni.

Ólymp­íu­leik­arnir í Los Ang­eles 1984



Ís­lenska lands­liðið komst fyrst á Ólymp­íu­leika árið 1972, þegar þeir voru haldnir í München í Þýska­landi. Næst komst lið­ið, nokkuð óvænt, inn á leik­anna í Los Ang­eles 1984. Ástæðan var sú að Sov­ét­ríkin og nokkrar aðrar Aust­ur-­Evr­ópu­þjóðir drógu lið sín til baka. Þar náði það sjötta sæti, sem var langt yfir vænt­ing­um.

Umfjöllun úr Morgunblaðinu um frammistöðu liðsins í Los Angeles. Umfjöllun úr Morg­un­blað­inu um frammi­stöðu liðs­ins í Los Ang­el­es.

Auglýsing

 

Olymp­íu­leik­arnir í Seoul 1988



Liðið komst á aðra Ólymp­iu­leika sína í röð. Stefnt var á verð­launa­sæti en það gekk ekki eft­ir. Liðið hans Bogdans Kowalczyk olli miklum von­brigðum og end­aði í átt­unda sæti. Fyrir vikið þurfti liðið að fara í B-keppn­ina í Frakk­landi nokkrum mán­uðum síðar til að vinna sér inn sæti á HM 1990 í Tékk­landi.

Umfjöllun úr Morgunblaðinu um handboltalandsliðið sem lék í Seoul 1988. Umfjöllun úr Morg­un­blað­inu um hand­boltalands­liðið sem lék í Seoul 1988.

B-keppnin 1989



Þrátt fyrir von­brigðin í Seoul átti Ísland frá­bært hand­boltalið á níunda ára­tugnum án þess að það skil­aði neinum verð­launum á alþjóða­vett­vangi. Þ.e. þangað til að það kom að B-keppni heims­meist­ara­móts­ins í Frakk­landi árið 1989. Þá small allt og liðið vann Pól­verja í úrslit­um. Og hlaut sín fyrstu alþjóð­legu verð­laun.

 

Ísland vann B-keppnina í Frakklandi 1989. Svona leit forsíða íþróttablaðs Morgunblaðsins út daginn eftir. Ísland vann B-keppn­ina í Frakk­landi 1989. Svona leit for­síða íþrótta­blaðs Morg­un­blaðs­ins tveimur dögum síð­ar­.

Ólymp­íu­leik­arnir í Barcelona 1992



Í þriðja skiptið í röð komst hand­boltalands­liðið á Ólymp­íu­leika. Þremur dögum fyrir setn­ingu leik­anna var til­kynnt að Júgóslavíu yrði meinuð þátt­taka og Íslend­ingum boðið að hlaupa í skarð­ið. Vænt­ingar voru því ekki mikl­ar. Liðið stóð sig hins vegar vonum fram­ar, náði í und­an­úr­slit og end­aði í fjórða sæti eftir tap gegn Frökkum í brons­leikn­um. Þetta var, á þeim tíma, besti árangur íslenska liðs­ins á stór­móti í hand­bolta.

 

Ísland tapaði fyrir Samveldinu í undanúrslitum og mætti Frökkum í leik um þriðja sætið. Ísland tap­aði fyrir Sam­veld­inu í und­an­úr­slitum og mætti Frökkum í leik um þriðja sæt­ið.

Evr­ópu­mótið árið 2002



Nokkrir af bestu hand­bolta­mönnum Íslands­sög­unnar voru farnir að draga vagn­inn í lands­lið­inu á þessu móti. Guð­jón Valur Sig­urðs­son var í vinstra horn­inu, Dagur Sig­urðs­son á miðj­unni og Ólafur Stef­áns­son í hægri skytt­unni. Ísland vann bæði und­an- og milli­riðil sinn áður en liðið tap­aði fyrir Svíum í und­an­úr­slit­um. Strák­arnir mættu svo Dönum í leik um þriðja sætið sem tap­að­ist líka. Fjórða sætið því stað­reynd. Eft­ir­minni­leg­asti leik­ur­inn úr þess­ari keppni var samt örugg­lega jafn­tefl­is­leikur við hið firna­sterka lið Frakka, sem lauk 26-26.

https://www.youtu­be.com/watch?v=zsC9­SYJke7I

 

Silfur á Olýmpí­leikum í Pekíng 2008



Ís­lenska mik­il­mennsku­brjál­æðið sem tröll­reið öllu á árunum fyrir hrun taldi sig hafa fengið stað­fest­ingu á genat­ískum yfir­burðum okkar sem yfir­burð­ar­þjóð þegar „stórasta land í heimi“ komst í úrslita­leik­inn á Ólymp­íu­leik­unum í Pekíng 2008, rétt rúmum mán­uði áður en íslenska efna­hags­kerfið lagð­ist á hlið­ina. Liðið spil­aði stór­kost­lega, Ólafur Stef­áns­son gaf stór­kost­leg við­töl og besta hand­boltalið sem Ísland hefur átt upp­skar loks verð­laun á stór­móti. Tekið var á móti silf­ur­hetj­unum eins og bylt­ing­ar­leið­tog­um, fálka­orðan hengd í alla sem komu nálægt lið­inu utan nudd­ar­ans og stjórn­mála­menn duttu nán­ast um hvern annan þegar þeir voru að reyna að eigna sér hlut í „­strák­unum okk­ar“. Ógleym­an­legt, á svo margan hátt.

https://www.youtu­be.com/watch?v=Yzzz­azinUJg

Brons á EM í Aust­ur­ríki 2010



Tveimur árum eftir silfur­æv­in­týrið var stemn­ingi í íslensku sam­fé­lagi aðeins önnur en í ágúst 2008. Efna­hags­hrun og afleið­ingar þess gerðu það að verkum að þjóðin þurfti lyfti­stöng. Hand­boltalands­liðið sá um hana. Mótið fór fram í Aust­ur­ríki og enn komust Íslend­ingar í und­an­úr­slit, þar sem firna­sterkir Frakkar flengdu liðið 36-28. Í leiknum um þriðja sætið var hins hins vegar allt annað upp á ten­ingnum og þriggja marka sigur á Pól­verjum tryggði verð­skuldað brons.

https://www.youtu­be.com/watch?v=Q2xl4hreMsM

 

Til að hita upp fyrir leik­inn á eftir er ekki úr vegi að rifja upp­...

 

https://www.youtu­be.com/watch?v=UnSQS1XqCjg

Áfram Ísland!

Koma svo!
Koma svo!
Koma svo – Það eru engir töfrar
Kjarninn 12. desember 2018
Aflaverðmæti jókst um 13 prósent milli ára
Aflaverðmæti íslenskra skipa í ágúst 2018 nam tæpum 11,9 milljörðum króna. Á 12 mánaða tímabili, frá september 2017 til ágúst 2018, nam aflaverðmæti úr sjó rúmum 125 milljörðum króna sem er 13 prósent aukning miðað við sama tímabil á síðasta ári.
Kjarninn 12. desember 2018
Stórt bil á milli kaupgetu og kaupverðs
Í nýrri hagsjá Landsbankans kemur fram að stórt bil sé á milli kaup­getu þeirra sem eigi við erfiðleika að etja í hús­næðismál­um og kaup­verðs nýrra íbúða. Leigjendur reikna með að kaupa íbúð undir 45 milljónum en ný meðalíbúð kostar 54 millj­ón­ir.
Kjarninn 12. desember 2018
Íbúðalánasjóður stofnar opinbert leigufélag
Nýtt leigufélag hefur fengið nafnið Bríet og mun það taka við flestum þeim fasteignum sem eru á hendi Íbúðalánasjóðs í dag og reka hagkvæma leiguþjónustu með sérstaka áherslu á landsbyggðina.
Kjarninn 12. desember 2018
Ragnar Þór Ingólfsson
Misskipting, ójöfnuður og óréttlæti eru engin náttúrulögmál
Leslistinn 12. desember 2018
Funda um sendiherramálið í janúar
Samkvæmt formanni stjórnskipunar- og eftirlitsnefndar mun nefndin funda um hið svokallaða sendiherramál í janúar. Ekki var hægt að fjalla um málið í nefndinni í dag þar sem Gunnar Bragi Sveinsson og Sigmundur Davíð Gunnlaugsson mættu ekki.
Kjarninn 12. desember 2018
Guðbrandur Sigurðsson hringir kauphallarbjöllunni þegar viðskipti hófust með bréf í Heimavöllum fyrr á þessu ári.
Heimavellir höfðu hug á að gefa út skuldabréf fyrir 12 milljarða
Heimavellir, stærsta íbúðaleigufélag landsins, standa í endurfjármögnun á lang­­tíma­skuldum sínum. Félagið stefndi að því að gefa út skuldabréf fyrir allt að tólf milljarða króna en félaginu tókst aðeins að selja skuldabréf fyrir fjórðung þeirra upphæðar
Kjarninn 12. desember 2018
Már Guðmundsson, seðlabankastjóri.
Stýrivextir óbreyttir og verða áfram 4,5 prósent
Peningastefnunefnd Seðlabanka Íslands hefur ákveðið að halda vöxtum bankans óbreyttum.
Kjarninn 12. desember 2018
Meira úr sama flokkiKjarnafæði
None