Sæstrengsmöguleikinn gæti opnast upp á gátt

landsvirkjun
Auglýsing

Eins og fjallað hefur verið um und­an­farna daga, þá gæti komið til þess að álver Rio Tinto Alcan í Straums­vík lok­aði, ef ekki tekst að semja í kjara­deilu við starfs­menn sem hefst 2. des­em­ber. Óhjá­kvæmi­legt væri þá að stöðva fram­leiðslu í álver­unn­i. 



Það verður að segj­ast alveg eins og er, að það er ekki trú­verðug skýr­ing að álver­unni verði lokað fyrir fullt og allt, ef kjara­deilan leiðir til verk­falls. Ákvörð­unin hlýtur að vera stærri en svo, að kjara­deila ráði úrslit­um.

Miklu frekar er það heildar end­ur­skipu­lagn­ing Rio Tinto á heims­vísu, á sinni álf­ram­leiðslu, sem skiptir þar sköp­um. Á síð­ustu sex árum hefur fyr­ir­tækið lokað tveimur álverum og selt eign­ar­hluti í fjórum til við­bót­ar. Í ljósi erf­ið­leika sem nú eru í áliðn­aði í heim­in­um, þar sem lágt verð og mikið offram­boð er að gera álf­ram­leið­endum lífið leitt, þá ætti end­ur­skoðun á fram­leiðslu í Straums­vík ekki að vera órök­rétt, en álverið telst lítið í alþjóð­legum sam­an­burði, en stærð­ar­hag­kvæmni er veru­lega ákjós­an­leg í áliðn­að­i. 

Ef allt færi á versta veg, og álverið lok­aði, sem sann­ar­lega er engin óska­staða og ljóst að margir myndu missa vinn­una vegna þessa, þá gæti Lands­virkjun hugs­an­lega átt leik á borði, og stjórn­völd þar með. 

Auglýsing

Það er að flýta und­ir­bún­ings­vinnu vegna sæstrengs eins og kostur er, og nýta þá orku sem myndi losna um með þessu hætti, til að selja til Bret­lands. Þá þyrfti ekki að fara út í nýjar umdeildar virkj­an­ir, nema þá í minna mæli en rætt hefur verið um að und­an­förnu, og marg­falt hærra verð feng­ist fyrir ork­una en nú, almenn­ingi til hags­bóta. 

Síðan er vitað að Lands­virkjun og Cent­ury Alu­m­inum, móð­ur­fé­lag Norð­ur­áls í Grund­ar­tanga, hafa ekki náð saman um fram­leng­ingu á raf­orku­samn­ingi sem rennur út 2019. 



Hugs­an­lega gæti þetta stutt enn frekar við þá aðgerð, að selja raf­ork­una frekar um sæstreng en til álver­anna...



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiBakherbergið
None