Jón Gunn­ars­son, þing­maður Sjálf­stæð­is­flokks­ins, fór mik­inn þegar hann gagn­rýndi Björk Guð­munds­dótt­ur. Gagn­rýni Jóns á Björk kom í kjöl­far þess að hún kall­aði Bjarna Bene­dikts­son, fjár­mála- og efna­hags­ráð­herra, og Sig­mund Davíð Gunn­laugs­son for­sæt­is­ráð­herra, sveitalubba í við­tali við Sky-­sjón­varps­stöð­ina. Sagði Jón meðal ann­ars að Björk væri „frekar dauf til augn­anna á bak við grímuna“.

Hann spurði enn fremur hvort Björk borg­aði skatta á Íslandi.

Guð­mundur Gunn­ars­son, faðir Bjark­ar, hefur upp­lýst um að hún borgi skatta á Íslandi, og benti rétti­lega á það í stöðu­færslu á Face­book, að Björk hefði með ýmsum hætti unnið að hags­munum Íslands. Það er erfitt að mæla hennar fram­lag til fulls, en lík­lega er óhætt að segja eng­inn einn ein­stak­lingur hafi gert meira fyrir orð­spor Íslands erlendis en Björk. 

Áhrifin eru auk þess öll jákvæð og djúp­stæð, og það er mik­ill mis­lestur hjá Jóni ef hann heldur að brodduflugu­gagn­rýni lista­manns­ins Bjarkar á stjórn­mála­menn á Íslandi, sé ekki hluti af þeim jákvæðu áhrif­um. 

Annað sem setur gagn­rýni Jóns á Björk í merki­legt sam­hengi, er að skoða það út frá póli­tískum veru­leika Jóns sjálfs. Hann telur sig til­heyra flokki sem stendur vörð um frelsi ein­stak­lings og upp­hefur ein­stak­lings­fram­tak­ið, og það með réttu. Fátt er holl­ara sam­fé­lögum en athafna­skáld, sem með jákvæðri fram­tak­semi auðga mann­líf­ið. 

Björk - í allri sinni dýrð - er lík­lega áhrifa­mesta einka­fram­tak Íslands­sög­unn­ar, og þó víðar væri leit­að. Það þarf ekk­ert að efast um inni­stæð­una hjá henni. Nær­tækt er að nefna að hún var í fjórt­ánda sinn til­efnd til Grammy verð­launa á dög­un­um, og áhrif hennar í lista­heim­inum aukast sífellt. Engin Íslend­ingur kemst með tærnar þar sem hún hefur hæl­ana.

Jón má alveg gagn­rýna Björk eins og aðr­ir, en það verður að telj­ast und­ar­legt að hann skuli ekki hafa neitt mál­efna­legra fram að færa en að segj­ast ekk­ert skilja í henni, og að hún sé „dauf­leg til augn­anna“. Hvað er Jón að fara með þessu? Það felst ekki mikil virð­ing fyrir einka­fram­taki hennar í þessum orð­um.

Lík­lega er algjör óþarfi að velta því fyrir sér hvað Jóni gekk til, og líta á þetta frekar sem hvert annað vind­högg sem ekk­ert skilur eftir sig. Annað en hið aug­ljósa, að broddur í gagn­rýni Bjarkar er beittur og hittir beint í mark.