Kunnuglegar slóðir

Merkilegt með stórborgina New York, að hún virðist kunnugleg flestum þeim sem hana heimsækja, strax við fyrstu kynni. Afþreyingariðnaðurinn hefur séð til þess.

Auglýsing

Eitt af því sem ég áttaði mig á, þegar ég kom til New York í fyrsta sinn, var að þarna var ég staðarkunnugur. Umhverfið á mörgum stöðum í borginni var ekki nýtt fyrir mér, og jafnvel smáatriði í daglegu lífi, eins og staðsetningar á tilteknum bekkjum í almenningsgörðum, pylsuvagnar á götuhornum, götuskilti eða litlar verslanir, virtust kunnugleg. Hvers vegna er þetta?

Ástæðan fyrir þessum hughrifum mínum er meðal annars sú að New York er fyrir augunum í gegnum afþreyingariðnaðinn svo til alla daga. Í mínu tilfelli, verandi á 36. aldursári, þá var New York-skotin menning sérstaklega áhrifamikil í gegnum afþreyingariðnað og tísku á árunum 1990 til 2000. En það hafa komið mörg slík skeið á undanfarinni öld, þar sem menningar- og listastraumarnir frá borginni hafa kryddað tilveru fólks um allan heim, og verið áhrifamiklir í mótun tíðarandans.

Nokkrir staðir í borginni, sem lifnuðu við í huganum, voru sérstaklega eftirminnilegir, og ég spurði mig hvers vegna ég kannaðist við þá, hvar þeir höfðu birst. 

Auglýsing

Ljóslifandi höfðu þeir birst mér í gegnum menningar- og listastrauma sem tengjast borginni órjúfanlegum böndum. 

Það er þannig með menningar- og listastarf að það verður seint metið til fjár af einhverri nákvæmni, og oft er það ósýnilegt. Þegar fólk er farið að efast um gildi þess, þá er hollt að staldra við og horfa í kringum sig. New York er ekki einstök hvað þetta varðar, heldur frekar boðberi þessara tíðinda og staðfesting á mikilvægi þeirra.

Grand Central

Stórvirkið Grand Central er með mögnuðustu byggingum New York borgar. Hún hefur verið vettvangur ótal listgjörninga í gegnum tíðina. Meðal annars má nefna lokasenuna í Carlitos Way, frá 1993, þar sem Benny Blanco frá Bronx hverfinu birtist skyndilega.


Litla Ítalía

Kvikmynd Martin Scorsese, Goodfellas, kemur upp í hugann hér, og einnig myndirnar um Guðföðurinn. En það sem ég tók eftir helst var að kvikmyndin Leon eftir Luc Besson, frá 1994, þar sem Gary Oldman biður undirmann sinn um að ná í „alla“ til að stöðva Leon, gerist þarna öll. Í myndinni eru falleg skot af götumyndinni og húsunum sömuleiðis, ekki síst þegar leigumorðinginn þrammar með tólf ára stúlku sér við hlið – og kaktusinn – milli gistiheimila.


Þarna ganga þau með kaktusinn, leigumorðinginn Leon, og hin tólf ára gamla Mathilda, sem Natalie Portman lék.

Empire State

Myndirnar af verkamönnunum sem voru lausir við lofthræðslu eru vissulega eitt af því sem kom upp í hugann, þegar upp í Empire State var komið. En einn áhrifamesti listamaður Bandaríkjanna – og New York borgar um leið – rapparinn Jay Z, hefur líka fengið mann til að muna vel eftir Empire State, og mörgum öðrum kennileitum borgarinnar. Alicia Keys, sem syngur lagið Empire State of Mind, er líkt og Jay Z fædd og uppalin í New York. Hún er jafnframt á lista yfir frægustu „drop out“ nemendur í Columbia háskóla.  Hún hætti eftir mánuð í háskólanáminu og ákvað að einbeita sér að tónlistarferlinum, sem þá þegar var á fleygiferð.


47. stræti, vestanmegin

Það kann að hljóma undarlega, en ég kannaðist eitthvað við mig á 47. stræti, þegar ég kom þangað fyrst. Það voru myndir sem maður sá þar sem ég hafði séð áður. Martin Scorsese, hver annar, leikstýrði meistaraverkinu Taxi Driver, frá 1976 með Robert De Niro í aðalhlutverki, og fóru tökur að miklu leyti fram á þessu svæði. Magnþrungin spenna myndarinnar, og eftirminnileg samtöl, koma þarna upp í hugann.


Central Park

Margt er hægt að telja til hér – ótalmargar senur, tónlistarmyndbönd og fleira – en ég sá John McClane koma akandi á taxa, skapandi stórhættu, í gegnum garðinn.


Manhattan

Sjónvarpsþættirnir Sex and The City eru fyrir löngu búnir að skapa sér sess í sögu sjónvarpsþáttanna. Þeir gefa góða innsýn í lífið á Manhattan. Þegar út fyrir það svæði er farið, dregur yfirleitt til tíðinda í þáttunum. Samanber þegar Miranda Hobbes ákveður að flytja til Brooklyn. Sem var auðvitað óhugsandi.


Madison Square Garden

Þegar John Starks tróð yfir Chicago Bulls, í úrslitakeppninni 1993. Ef það var eitthvað sem ég man sterkt eftir úr æsku, sem tengist New York, þá eru það viðureignir New York Knicks og Chicago Bulls í úrslitakeppni NBA-deildarinnar. Allt var reynt til að stoppa Michael Jordan og félaga, en sigurinn lenti yfirleitt að lokum hjá Bulls. Jordan lék sjaldan betur en í Madison Square Garden, en hann er fæddur og uppalinn í New York, nánar tiltekið í Brooklyn.


Wall Street

Það er auðvelt að nefna Wall Street eftir Oliver Stone, frá árinu 1989 hér. Það var ekki það sem kom upp í hugann, heldur tiltekið atriði úr kvikmyndinni. Þegar Gordon Gekko heldur ræðu á hluthafafundi, og segir þau fleygu orð; „græðgi er góð“. Hann gleymist stundum að hann bætt við; „græðgi er rétt“. Að lokum fór þó illa fyrir honum.


Plaza Hotel

Það var ekki ég sem fékk flugu í höfuðið þegar þetta hótel blasti við, við Central Park skammt frá 59. stræti. Heldur sonur minn. Þarna kom Kevin sér fyrir í Home Alone 2, og hafði það fínt, eftir að hafa átt stutt samtal við Donald Trump. Það er árlegur viðburður hjá hótelinu að leyfa fólki að koma við og taka myndir, til að máta sig í jólastemmninguna sem Home Alone kallar fram hjá mörgum. 


Coney Island Boardwalk

Darren Arronofsky ber ábyrgð á því að þetta svæði virtist kunnuglegt. Í hinni mögnuðu, en jafnframt átakanlegu, Requiem For a Dream, gengur Jared Leto um svæðið sem fíkniefnasjúklingurinn Harry Goldfarb. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Skúli Magnússon var boðinn velkominn til starfa af þeim Steingrími J. Sigfússyni forseta Alþingis og Rögnu Árnadóttur skrifstofustjóra þingsins fyrr í mánuðinum.
Nýr umboðsmaður ætlar í leyfi frá HÍ og vonast eftir meira fé frá pólitíkinni
Nýr umboðsmaður Alþingis er enn að ljúka síðustu verkunum við lagadeild Háskóla Íslands. Í bili. Hann segir við Kjarnann að stofnunin þurfi meira fé til að geta gert annað og meira en að „standa við færibandið“ og vinna úr kvörtunum.
Kjarninn 18. maí 2021
Suliman hefur lagt sig fram við að kynnast íslensku samfélagi og m.a. stundað sjálfboðastarf frá því að hann kom hingað í október.
Hugsaði að á Íslandi „yrði komið fram við mig eins og manneskju“
Hann hefur aðeins tvo kosti. Og þeir eru báðir hræðilegir. Að halda til á götunni á Íslandi eða í Grikklandi. Suliman Al Masri, palestínskur hælisleitandi sem yfirvöld ætla að vísa út á götu, segist þrá venjulegt líf. Það sé ekki að finna í Grikklandi.
Kjarninn 17. maí 2021
Húsnæði Útleningastofunar í Bæjarhrauni í Hafnarfirði.
Útlendingastofnun vísaði Palestínumönnum út á götu
Palestínumönnum var síðdegis vísað út úr húsnæði Útlendingastofnunar í Bæjarhrauni í Hafnarfirði. Þeir hafa hvergi höfði sínu að halla og hefur verið bent á að leita skjóls í moskum. Blóðbað stendur yfir í heimaríki þeirra.
Kjarninn 17. maí 2021
Vigdís Fríða Þorvaldsdóttir
Er vegan börnum mismunað í skólum á Íslandi?
Kjarninn 17. maí 2021
Katrín mun ræða málefni Ísraels og Palestínu við Blinken og Lavrov í vikunni
Málefni Ísraels og Palestínu voru rædd á þingi í dag. Þingmenn Pírata og Viðreisnar kölluðu eftir því að stjórnvöld tækju af skarið og fordæmdu aðgerðir Ísraela í stað þess að bíða eftir öðrum þjóðum. Forsætisráðherra mun tala fyrir friðsamlegri lausn.
Kjarninn 17. maí 2021
Fjölskylda á flótta hefst við úti á götu í Aþenu, höfuðborg Grikklands.
Útlendingastofnun setur hælisleitendum afarkosti: Covid-próf eða missa framfærslu
Útlendingastofnun er farin að setja fólki sem synjað er um vernd þá afarkosti að gangast undir COVID-próf ellegar missa framfærslu og jafnvel húsnæði. Í morgun var sýrlenskum hælisleitanda gert að pakka saman. „Hvar á hann að sofa í nótt?“
Kjarninn 17. maí 2021
Eurovision-hópurinn fékk undanþágu og fór fram fyrir í bólusetningu
RÚV fór fram á það við sóttvarnaryfirvöld að hópurinn sem opinbera fjölmiðlafyrirtækið sendi til Hollands til að taka þátt í, og fjalla um, Eurovision, myndi fá bólusetningu áður en þau færu. Við því var orðið.
Kjarninn 17. maí 2021
ÁTVR undirbýr nú lögbannsbeiðni á starfsemi vefverslana með áfengi.
ÁTVR ætlar að fara fram á lögbann á vefverslanir og undirbýr lögreglukæru
Áfengis- og tóbaksverslun ríkisins telur nauðsynlegt að fá úr því skorið hjá dómstólum hvort innlendar vefverslanir sem selja áfengi milliliðalaust til neytenda séu að starfa löglega, eins og rekstraraðilar þeirra vilja meina.
Kjarninn 17. maí 2021
Meira úr sama flokkiLeiðari
None