Það var skemmti­legt að sjá mynd­irn­ar, á mbl.is, frá Aldrei fór ég suður hátíð­inni á Ísa­firði, þar sem Mug­i­son stóð á svið­inu með Karla­kór Vest­fjarða. Hátíðin hefur vaxið jafnt og þétt og er orðin einn af hápunktum árs­ins í tón­list­ar- og menn­ing­ar­líf­in­u. 

Hátíðin er líka til marks um hversu mik­il­vægt frum­kvöðla­starf lista­manna er fyrir svæði þar sem þeir starfa og láta gott af sér leiða. Þeir vökva rætur mann­lífs­ins.



Feðgarnir Mug­i­son og „Papamug“ eiga heið­ur­inn af upp­haf­inu, þó margir leggi sitt af mörkum svo hátíðin geti orðið að veru­leika ár hvert. 



Á vef­síðu hátíð­ar­innar er saga upp­hafs­ins rak­in, og er óhætt að segja að hún sé bæði skondin og skemmti­leg. „Við feðgar vorum að drekka bjór í útlönd­um ­sum­arið 2003 og fórum þá að ímynda okkur stór­há­tíð á Ísa­firði þar sem venju­legt fólk væri stjörn­u­rnar og pop-­stjörn­urnar væru í algeru auka­sæti. Okkur fannst svo frá­bært að sjá fyrir okkur plakat þar sem stærstu stafirnir væru "Dóri Hermans syngur swing­ing the blues away" og svo væru helstu meik stjörnur lands­ins í pínku litlu letri. Við feðgar sátum þarna í nokkra klukku­tíma og viti menn við vorum búnir að hanna stærsta og flottasta festi­val í heimi. Henn er lýst svona: „Þegar rann af okkur feðgum héldum við samt áfram að spjalla um þessa hátíð og var það til marks um að hug­myndin væri kannski góð. Okkur lang­aði að bjóða nokkrum vinum úr brans­anum vestur og jafn­framt lang­aði okkur að sýna þeim af hverju við feðgar búum á mörkum hins byggi­lega heims, ástæðan er nátt­úru­lega aug­ljós, fólkið hérna fyrir vest­an. Án þess að detta í ein­hvern þjóð­ern­is­remb­ing þá finnst okkur feðgum samt fólkið hérna með ein­dæmum skemmti­legt og opið, hér eru allir sér­vitr­ing­ar, allir hafa skoð­anir á öllu og okkur fannst hrein­lega kom­inn tími til að minna fólkið sjálft á þessa stað­reynd og um leið sína vinum og kunn­ingjum hversu skemmti­legt það getur verið hérna fyrir vest­an.“

Mikið vatn hefur runnið til sjávar frá þessum upp­hafs­hug­myndum þeirra feðga. Og þó. Þetta snýst ennþá um að fara vestur og skemmta sér vel. Hitta fólk og hlusta á góða tón­list.