Í bak­her­berg­inu hefur und­ar­farið verið rifjuð upp Völvu­spá DV fyrir árið 2016. Hún sagði meðal ann­ars að árið framundan yrði mjög vont ár ­fyrir stjórn­ar­and­stöð­una og að Píratar myndu missa fylgi. Þetta yrði hins veg­ar ­gott ár hjá rík­is­stjórn­ar­flokk­un­um. Sig­mundur Davíð Gunn­laugs­son myndi styrkja ­stöðu sína. Fleiri myndu elska hann en færri hata.

Það er athygl­is­vert að bera þá spá saman við þann veru­leika ­sem nú blasir við. Í þeim veru­leika er Sig­mundur Davíð Gunn­laugs­son búinn að ­segja af sér sem for­sæt­is­ráð­herra. Lyk­il­menn innan kjör­dæmis hans krefj­ast þess að hann segi líka af sér þing­mennsku og for­mennsku í flokkn­um. Jóhannes Bjarna­son, fyrr­ver­andi odd­vit­i Fram­sókn­ar­flokks­ins á Akur­eyri, sagð­i til dæmis við Kjarn­ann að Sig­mundur Davíð hafi ekki áttað sig á að hann eigi ekki aft­ur­kvæmt í norð­aust­ur­kjör­dæmi. Átta af hverjum tíu lands­mönnum van­treysta honum og fylgi Fram­sókn­ar­flokks­ins mælist undir átta ­pró­sent­um. Ein­ungis fjórð­ungur þjóð­ar­innar styður rík­is­stjórn Fram­sókn­ar­flokks og Sjálf­stæð­is­flokks.

Píratar mæl­ast hins ­vegar með um eða yfir 40 pró­sent fylgi í könn­unum sem birtar voru í vik­unni og ­stjórn­ar­and­staðan með sam­tals tæp­lega 70 pró­sent fylgi.

Ljóst má vera af þessu að sýn þeirra sem halda um stjórn­ar­taumanna hjá DV, og stóðu að baki þeirri ósk­hyggju sem boðuð var í Völvu­spánni, á ekki mikið erindi í veru­leik­an­um. Raun­ar má slá því föstu að hún sé í nær algjörri and­stöðu við þá stöðu sem nú ríkir á land­inu.