Endurheimtum samfélagið okkar og stjórnmálin!

Sema Erla Serdar
Sema Erla Serdar
Auglýsing

Íslenskt samfélag hefur verið og er í stöðugri þróun. Breytt samfélag þýðir breyttar áherslur. Nýir tímar þýðir nýjar áskoranir. Krafan um ný stjórnmál, nýjar áherslur, nýtt fólk og ný vinnubrögð í stjórnmálum hefur aldrei verið háværari og hún hefur sjaldan verið réttmætari.

Við lifum á tímum þar sem stjórnmálamenn hafa orðið uppvísir að spillingu en sitja sem fastast. Við lifum á tímum þar sem flokkar þessara stjórnmálamanna mælast samt sem áður með óskiljanlega hátt fylgi. Stjórnmálamenn sitja sem límdir við stóla sína á sama tíma og við horfum upp á landflótta ungs fólks, húsnæðismarkað sem er í molum, ónýtt heilbrigðiskerfi og aðför að menntakerfinu.

Áherslan hefur verið á kolranga hluti, stofnanir samfélagsins eru rúnar trausti og fólkið í landinu er komið með upp í kok af aðgerðarleysi stjórnvalda í málum sem snerta hagsmuni almennings en það reynist erfitt að finna hópa í samfélaginu sem ekki eru enn að berjast fyrir bættum kjörum, virðingu og réttlæti árið 2016.

Auglýsing

Sérhagsmunaöflin og auðvaldið hafa alltof lengi ráðið för í samfélaginu og við hin höfum um of langan tíma þurft að lúta í lægra haldi. Kerfisbreytingar reynast ómögulegar, loforð eru svikin, gagnsæið er ekkert og lýðræðið hefur orðið undir í keppninni um völd og auð. Íslensk stjórnmál hafa ekki endurspeglað þá fjölbreytni sem finna má í íslensku samfélagi um langan tíma og hinn almenni borgari hefur lítið sem ekkert að segja um stöðu mála. Það hefur valdið því að trúin á stjórnmálunum er horfin og fáir stjórnmálamenn njóta trausts.

Gamaldags flokkapólitík, klíkuskapur og Alþingi sem virðist oft á tíðum ekki vera í neinum tengslum við samfélagið er einfaldlega ekki í lagi lengur. Það er mikilvægt fyrir þá stjórnmálaflokka og stjórnmálamenn sem ætla sér að ná eyrum fólksins í landinu að fylgja eftir þeirri þróun sem á sér stað í samfélaginu. Flokkur jafnaðarmanna er engin undantekning þar á.

Samfylkingin var stofnuð sem umbótaafl fyrir íslenskt samfélag og til höfuðs sérhagsmunaöflunum. Mikilvægt er að hún svari því ákalli sem heyrist í samfélaginu um ný stjórnmál og ný vinnubrögð. Samfylkingin þarf að verða aftur sá sterki jafnaðarmannaflokkur sem hún var stofnuð til þess að vera. Jafnaðarmannaflokkur sem hefur grunngildin um frelsi, jöfnuð og samstöðu ávallt í hávegum og berst fyrir hagsmunum allra, réttindum almennings og þeim breytingum sem fólkið vill sjá eins og nýja stjórnarskrá, betri lífsgæði, jafna skiptingu auðlinda og uppbyggingu samfélags þar sem ungir Íslendingar geta og vilja byggja sína framtíð og hinir sem eldri eru vilja vera áfram hluti af.

Liður í því að svara þessu ákalli um ný stjórnmál og ný vinnubrögð eru kynslóðaskipti. Því er oft haldið fram að ungt fólk hafi ekki áhuga á pólitík og málefnum samfélagsins. Það gæti þó ekki verið fjarri sannleikanum. Það höfum við til dæmis séð með hverri samfélagsbyltingunni á fætur annarri sem hefur komið frá ungu fólki. Unga fólkið, rétt eins og flestir aðrir, hafa bara minni áhuga á stjórnmálaflokkum sem minna frekar á safngripi en hreyfiafl í samfélaginu, úrelt flokkakerfi og þrætupólitík og því nennir það til dæmis ekki að mæta á kjörstað.

Það þýðir þó ekki að við séum ekki að velta því fyrir okkur hvernig samfélag við viljum byggja og eiga. Við höfum flest öll miklar áhyggjur af stöðu mála og við viljum flest hafa áhrif á samfélagið til hins betra og koma í frekara mæli að ákvarðanatöku í samfélaginu enda eru fáir betur til þess fallnir að skapa framtíð ungs fólks og komandi kynslóða en við sjálf. Við erum öll að spá í framtíðinni sem við viljum að verði okkur og öðrum áhyggjulaus og frjáls.

Það hefur viðrar vel til byltinga að vori síðustu ár. Nú er kominn tími á að bylta úreltu stjórnmálakerfi úr sessi. Við þurfum að losna við sérhagsmunaöflin og gamaldags pólitík og gera stjórnmálin betri, skemmtilegri, aðgengilegri og aðlaðandi fyrir þátttakendur sem og kjósendur. Breytingar gerast ekki að sjálfu sér, við þurfum að vera sú breyting sem við viljum sjá. Hvort Samfylkingin verði hluti af þessu ferli verður svarað með því hvort hún sé tilbúin til þess að hleypa næstu kynslóð jafnaðarmanna að borðinu!

Höfundur er formaður framkvæmdastjórnar Samfylkingarinnar og frambjóðandi til varaformanns Samfylkingarinnar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra var bólusett í Laugardalshöllinni í gær. Bólusetningar ganga nú mjög hratt fyrir sig á Íslandi og samhliða dregur úr takmörkunum.
Fjöldatakmarkanir hækkaðar í 50 manns frá og með næsta mánudegi
Opnunartími veitingastaða verður lengdur um klukkustund, leyfilegur fjöldi í verslunum tvöfaldast, fleiri mega vera í sundi og fara í ræktina. Grímuskylda verður hins vegar óbreytt.
Kjarninn 7. maí 2021
Skálað á kaffihúsi í Danmörku.
Ýta við ferðaþjónustunni með 32 milljarða króna „sumarpakka“
Danska ríkisstjórnin ætlar að setja 1,6 milljarða danskra króna, um 32 milljarða íslenskra, í „sumarpakka“ til að örva ferðaþjónustu landsins.
Kjarninn 7. maí 2021
Kvótinn um 1.200 milljarða króna virði – Þrjár blokkir halda á tæplega helmingi hans
Miðað við síðustu gerðu viðskipti með aflaheimildir þá er virði þeirra langtum hærra en bókfært virði í ársreikningum útgerða. Í næstu viku munu örfáir eigendur útgerðar selja tæplega 30 prósent hlut sinn í henni.
Kjarninn 7. maí 2021
Páll Magnússon er formaður allsherjar- og menntamálanefndar.
Nefnd búin að afgreiða fjölmiðlastyrki og umsóknarfrestur verður til loka maímánaðar
Meirihluti allsherjar- og menntamálanefndar hefur skilað áliti um stuðningskerfi til fjölmiðla. Þar er lagt til að þrengja skilyrði fyrir stuðningi úr ríkissjóði og gildistími laganna er færður í eitt ár.
Kjarninn 7. maí 2021
Rósa Guðbjartsdóttir, bæjarstjóri Hafnarfjarðar, og verk Libiu og Ólafs áður en það var tekið niður af gafli Hafnarborgar.
Bæjarstjóri hafnar því að hafa gerst sek um ritskoðun þegar listaverk var fjarlægt
Fulltrúar minnihlutans í Hafnarfirðii segja fjarlægingu listaverks Libiu Castro og Ólafs Ólafssonar af gafli Hafnarborgar síðastliðinn sunnudag „alvarlega aðför að tjáningarfrelsi“ og vilja að bæjaryfirvöld biðji tvíeykið afsökunar.
Kjarninn 7. maí 2021
Svæðið fyrir og eftir að Rio Tinto hafði farið yfir það með stórvirkum vinnuvélum.
Hluthafar Rio Tinto hafna starfskjarastefnu sem ofurlaun forstjórans fyrrverandi byggðu á
Fyrstu viðbrögð Rio Tinto og forstjóra þess, þegar upp komst að fyrirtækið hefði eyðilagt 46 þúsund ára gamla steinhella, voru að segjast ekki hafa vitað að þeir væru heilagir í hugum frumbyggjanna. Þessar afsakanir voru hluthöfum ekki að skapi.
Kjarninn 6. maí 2021
Bjarni Benediktsson, fjármála- og efnahagsmálaráðherra.
Telur ásakanir um meint brot Samherja ekki hafa skaðað orðspor íslenskra fyrirtækja
Fjármála- og efnahagsráðherra segist aldrei hafa fengið símtal, ábendingu eða umkvörtun frá nokkrum einasta aðila sem heldur því fram að ásakanir um lögbrot Samherja séu að valda einhverjum verulegum vandræðum fyrir íslenskan útflutning.
Kjarninn 6. maí 2021
Lilja Björk Einarsdóttir, bankastjóri Landsbankans.
Landsbankinn hagnaðist um 7,6 milljarða króna á þremur mánuðum
Hlutdeild Landsbanka Íslands á íbúðalánamarkaði hefur stóraukist milli ára og er nú 26,8 prósent. Hún hefur aldrei verið hærri. Eigið fé bankans er nú 261,4 milljarðar króna.
Kjarninn 6. maí 2021
Meira úr sama flokkiAðsendar greinar
None