Í nýj­ustu skýrslu Póst- og fjar­skipta­stofn­unar um fjar­skipta­mark­að­inn, sem birt­ist á vef stofn­un­ar­innar í gær, má sjá hvernig staðan er á mark­að­an­um. 

Í skýrsl­unni kemur meðal ann­ars fram að net­notkun í far­símum heldur áfram að aukast mik­ið. Aukn­ingin í gagna­magni á far­síma­net­i var 67,6 pró­sent í fyrra, frá árinu 2014, gagn­magns­aukn­ing var 122,8 pró­sent og net­þjón­usta á far­síma­net­i jókst um 46,2 pró­sent. 

Það sem vekur einnig athygli er sú stað­reynd, að Sím­inn er ekki lengur stærsta fyr­ir­tækið á Íslandi þegar horft er til mark­aðs­hlut­heildar á mark­aði með far­síma­á­skrift­ir. Nova er nú orðið stærsta fyr­ir­tækið á mark­aðnum með 145.734 áskrif­end­ur, miðað stöðu mála í fyrra, en Sím­inn kemur næstur með 145.126 áskrif­end­ur. Það gerir 34 pró­sent hlut­deild hjá Nova, en 33,8 pró­sent hjá Sím­an­um. 

Áskrif­endum fjölg­aði um tæp­lega níu þús­und milli ára hjá Nova, en þeim fækk­aði um rúm­lega þrjú þús­und hjá Sím­an­um. 

Sé horft yfir síð­ustu þrjú ár þá hefur áskrif­endum hjá Voda­fone fjölgað um rúm­lega tólf þús­und, tæp­lega 20 þús­und hjá Nova en þeim hefur fækkað um tæp­lega 800 hjá Sím­an­um. 365 var með 3,4 pró­sent hlut­deild, og tæp­lega 14.500 far­síma­á­skrif­endur í fyrra.

Þetta verða að telj­ast nokkur tíð­indi á íslenskum fjar­skipta­mark­aði. Sam­keppnin er þó hörð, ef marka má upp­lýs­ingar í skýrsl­unni, og getur staðan breyst hratt.