Með síauk­inni áherslur á end­ur­nýj­an­lega orku­gjafa, sam­drátt í losun gróð­ur­húsa­loft­teg­unda og orku­ör­yggi, hafa orku­kerfi sem byggja á sam­þætt­ingu mis­mun­andi orku­gjafa fengið auk­inn byr í segl­in. Á COP21 í París í des­em­ber síð­ast­liðn­um, náð­ist t.d. sögu­legur árangur í vit­und­ar­vakn­ingu þjóða sem ekki er þörf á að útlista hér. Jarð­hit­inn getur leikið hér mjög mik­il­vægt hlut­verk ásamt vind-, vatns-, sjáv­ar­falla- og sól­ar­orku.

Ísland er ein af þeim þjóðum sem nýtt hefur jarð­hita hvað lengst og hefur tek­ist með eft­ir­tekt­ar­verðum hætti að gera það á mjög fjöl­breyti­legan máta. Hug­djörf notkun affalls­vatns jarð­hita­virkj­un­ar­innar í Svarts­engi, sem varð að Bláa Lón­inu er gott dæmi sem allir þekkja, sem og fjöl­breyti­leg notkun jarð­hit­ans í öllum Auð­linda­garð­inum á Reykja­nesi og víð­ar. Hvergi ann­ars staðar heim­inum er jarð­hiti eins stór hluti af frumorku­notkun heillar þjóðar og hér. Mörg okkar hafa því alist upp með jarð­hit­anum og kannski aldrei þekkt neitt annað en ofgnógt af heitu vatni. En það er þó eins með jarð­hit­ann og annað að hann er ekki óþrjót­andi auð­lind. Með auk­inni áherslu á nátt­úru­vernd og arð­greiðslur orku­fyr­ir­tækja eykst krafan um betri nýt­ingu þeirra svæða sem tekin hafa verið fyrir og hug­mynda­auðgi um hvernig auka megi orku­fram­leiðslu svæð­anna með því t.d. að bora dýpra eða beita nýjum aðferð­um. Nýverið fékkst t.d. 20 milljón evra styrkur úr Rann­sókna­á­ætlun Evr­ópu­sam­bands­ins í verk­efnið DEEPEGS sem miðar einmitt að djúp­borun á Reykja­nesi og í suður Frakk­landi.

Það er við þessar aðstæður sem nýsköpun og frjó hugsun þrífst best. Und­an­farin tvö ár hefur Arion Banki, Lands­virkj­un, GEORG og Nýsköp­un­ar­mið­stöð staðið fyrir við­skipta­hraðl­inum Startup Energy Reykja­vik og mun gera það í þriðja sinn nú í haust. Mark­mið hrað­als­ins er að leggja þeim lið sem vilja fram­kvæma við­skipta­hug­myndir á sviði orku­mála í sinni breið­ustu mynd. Valdar hug­myndir fá 5 millj­ónir kr. í hlutafé og hjálp við að setja hug­mynd­ina fram í 10 vikna þjálf­un­ar­búð­um. Opnað hefur verið fyrir umsóknir á heima­síðu hrað­als­ins og hvetjum við alla til að sækja um sem hafa áhuga á að láta gott af sér leiða, og um leið ganga á vit skemmti­legs ævin­týris undir styrkri leið­sögn fag­manna.

Upp­lýs­ingar um Startup Energy Reykja­vik er að finna á heima­síðu hrað­als­ins eða hjá starfs­fólki Icelandic Startups og Iceland Geothermal

Höf­undur er rekstr­ar­stjóri GEORG -Rann­sókna­klasa í jarð­hita, sem er einn af bak­hjörlum og eig­endum Startup Energy Reykja­vik